ತಮಿಳು ಚಿತ್ರರಂಗದ ಖ್ಯಾತ ನಿರ್ದೇಶಕ ಅಟ್ಲೀ ಅವರ ಪತ್ನಿ ಪ್ರಿಯಾ ಮೋಹನ್ ಅವರು ಮಂಗಳವಾರದಂದು ತಮ್ಮ ಮೊದಲ ಮಗುವಿಗೆ ಜನ್ಮ ನೀಡಿದ್ದಾರೆ. ಸಿನಿಮಾ ನಿರ್ಮಾಪಕರೂ ಆಗಿರುವ ಪ್ರಿಯಾ ಮೋಹನ್ ತಮ್ಮ ಸಾಮಾಜಿಕ ಜಾಲತಾಣ ಖಾತೆಗಳಲ್ಲಿ ಈ ಶುಭ ಸುದ್ದಿ ಹಂಚಿಕೊಂಡಿದ್ದಾರೆ. ಅಟ್ಲೀ ಮತ್ತು ಪ್ರಿಯಾ ಮೋಹನ್ ತಾವು ಪೋಷಕರಾಗಿರುವ ಸುದ್ದಿಯನ್ನು ಹಂಚಿಕೊಂಡ ಕೂಡಲೇ, ನಟಿಯರಾದ ಸಮಂತಾ ರುತ್ ಪ್ರಭು, ಕೀರ್ತಿ ಸುರೇಶ್, ಕಾಜಲ್ ಅಗರ್ವಾಲ್ ಸೇರಿದಂತೆ ಚಿತ್ರರಂಗದ ಅನೇಕರು ಈ ದಂಪತಿಗೆ ಶುಭ ಕೋರಿದ್ದಾರೆ. ಅಭಿಮಾನಿಗಳು ಸಹ ಸೋಶಿಯಲ್ ಮೀಡಿಯಾದಲ್ಲಿ ಸಂತಸ ವ್ಯಕ್ತಪಡಿಸಿದ್ದಾರೆ.
ಪ್ರಿಯಾ ಮೋಹನ್ ಪೋಸ್ಟ್: ''ಅವರು ಹೇಳಿದ್ದು ಸರಿ. ಜಗತ್ತಿನಲ್ಲಿ ಈ ರೀತಿಯ ಯಾವುದೇ ಭಾವನೆ ಇಲ್ಲ. ನಮ್ಮ ಗಂಡು ಮಗು ನಮ್ಮೊಂದಿಗಿರುವ ಭಾವನೆ ವಿಶೇಷ. ಪಿತೃತ್ವದ, ಮಾತೃತ್ವದ ಹೊಸ ರೋಮಾಂಚನಕಾರಿ ಸಾಹಸ ಇಂದು ಪ್ರಾರಂಭವಾಗುತ್ತದೆ, ಕೃತಜ್ಞರಾಗಿದ್ದೇವೆ, ಸಂತೋಷವಾಗಿದೆ ಮತ್ತು ಆಶೀರ್ವದಿಸಲ್ಪಟ್ಟಿದ್ದೇವೆ ಎಂದು ಪ್ರಿಯಾ ಮೋಹನ್ ಅವರು ಪತಿಯೊಂದಿಗಿನ ಫೋಟೋಗಳೊಂದಿಗೆ ಬರೆದಿದ್ದಾರೆ.
- " class="align-text-top noRightClick twitterSection" data="
">
ಅಟ್ಲೀ - ಪ್ರಿಯಾ ಮೋಹನ್: ಅಟ್ಲೀ ಮತ್ತು ಪ್ರಿಯಾ ಮೋಹನ್ 2014ರಲ್ಲಿ ದಾಂಪತ್ಯ ಜೀವನ ಆರಂಭಿದರು. 2022ರಲ್ಲಿ ತಾವು ಪೋಷಕರಾಗುತ್ತಿರುವ ಶುಭ ಸುದ್ದಿಯನ್ನು ಸಾಮಾಜಿಕ ಮಾಧ್ಯಮದಲ್ಲಿ ಘೋಷಿಸಿದ್ದರು. ಇದೀಗ ತಂದೆ ತಾಯಿ ಆಗಿರುವ ಖುಷಿಯಲ್ಲಿ ಅಟ್ಲೀ ಮತ್ತು ಪ್ರಿಯಾ ಮೋಹನ್ ಇದ್ದಾರೆ. ಈ ವಿಷಯವನ್ನು ಶೇರ್ ಮಾಡುತ್ತಿದ್ದಂತೆ ಅವರ ಕಾಮೆಂಟ್ ವಿಭಾಗ ಶುಭಾಶಯಗಳೊಂದಿಗೆ ತುಂಬಿತು. ಹಲವು ನಟ ನಟಿಯರು ಸೇರಿದಂತೆ ಅಭಿಮಾನಿಗಳು ಈ ದಂಪತಿಗೆ ಶುಭ ಕೋರಿದ್ದಾರೆ.
- " class="align-text-top noRightClick twitterSection" data="
">
ಚಿತ್ರ ರಂಗದವರ ಪ್ರತಿಕ್ರಿಯೆ: ಹ್ಯಾಪಿ ನ್ಯೂಸ್ ಹೊರ ಬರುತ್ತಿದ್ದಂತೆ ಪ್ರತಿಕ್ರಿಯಿಸಿದ ನಟಿ ಸಮಂತಾ ರುತ್ ಫ್ರಭು, ಅಭಿನಂದನೆಗಳು ನನ್ನ ಪ್ರೀತಿ ಪಾತ್ರರಿಗೆ ಎಂದು ಬರೆದಿದ್ದಾರೆ. ಹೊಸ ತಾಯಿ ಮತ್ತು ತಂದೆಗೆ ನನ್ನ ಕಡೆಯಿಂದ ದೊಡ್ಡ ಅಭಿನಂದನೆಗಳು, ದೇವರ ಆಶೀರ್ವಾದ ಇರಲಿ ಎಂದು ನಟಿ ಕೀರ್ತಿ ಬರೆದಿದ್ದಾರೆ. ಕಳೆದ ಏಪ್ರಿಲ್‌ನಲ್ಲಿ ಗಂಡು ಮಗುವಿನ ತಾಯಿಯಾಗಿರುವ ಕಾಜಲ್ ಅಗರ್ವಾಲ್ ಸಹ ಅಭಿನಂದನೆ ತಿಳಿಸಿದ್ದಾರೆ. ದಂಪತಿಗೆ ಪ್ರೀತಿ ವ್ಯಕ್ತಪಡಿಸಿರುವ ಕಾಜಲ್ ಮೂವರನ್ನೂ ಭೇಟಿಯಾಗಲು ಕಾಯಲು ಸಾಧ್ಯವಿಲ್ಲ ಎಂದು ಬರೆದುಕೊಂಡಿದ್ದಾರೆ.
- " class="align-text-top noRightClick twitterSection" data="
">
ಇದನ್ನೂ ಓದಿ: ಆರ್ಆರ್ಆರ್ ಅಭಿಮಾನಿಗಳ ಮೆಚ್ಚಿನ ಸಿನಿಮಾ; ರಾಜಮೌಳಿ ನಿರ್ದೇಶನದ ಸಿನಿಮಾಗೆ ಮತ್ತೊಂದು ಪ್ರಶಸ್ತಿ ಗರಿ
ಸೂಪರ್ ಹಿಟ್ ಸಿನಿಮಾಗಳ ನಿರ್ದೇಶಕ: ಅಟ್ಲೀ (ಅರುಣ್ ಕುಮಾರ್) ಸೂಪರ್ ಹಿಟ್ ಸಿನಿಮಾಗಳ ನಿರ್ದೇಶಕ. ಬ್ಲಾಕ್ ಬಸ್ಟರ್ ಚಲನಚಿತ್ರಗಳಾದ ರಾಜಾ ರಾಣಿ, ಮರ್ಸಲ್ ಮತ್ತು ಬಿಗಿಲ್ ಅನ್ನು ನಿರ್ದೇಶಿಸಿ ಹೆಸರುವಾಸಿಯಾಗಿದ್ದಾರೆ. ಅವರ ಮುಂದಿನ ನಿರ್ದೇಶನದ ಚಿತ್ರ ಜವಾನ್. ಪಠಾಣ್ ಸಕ್ಸಸ್ ಖುಷಿಯಲ್ಲಿರುವ ಬಾಲಿವುಡ್ ಸೂಪರ್ ಸ್ಟಾರ್ ಶಾರುಖ್ ಖಾನ್ ಈ ಚಿತ್ರದಲ್ಲೂ ಆ್ಯಕ್ಷನ್ ಅವತಾರದಲ್ಲಿ ಅಬ್ಬರಿಸಲಿದ್ದಾರೆ.
ಇದನ್ನೂ ಓದಿ: ಕೇಂದ್ರ ಬಜೆಟ್: ಸರ್ಕಾರದಿಂದ ಮನೋರಂಜನಾ ಉದ್ಯಮಗಳ ನಿರ್ಲಕ್ಷ್ಯ : ಅಶೋಕ್ ಪಂಡಿತ್
ಜವಾನ್: ಜವಾನ್ ಚಿತ್ರದಲ್ಲಿ ನಯನತಾರಾ ನಾಯಕ ನಟಿ ಆಗಿ ತಮ್ಮ ಪಾತ್ರಕ್ಕೆ ಜೀವ ತುಂಬುತ್ತಿದ್ದಾರೆ. ಶಾರುಖ್ ಅವರ ರೆಡ್ ಚಿಲ್ಲೀಸ್ ಬ್ಯಾನರ್ ಅಡಿಯಲ್ಲಿ ಸಿನಿಮಾ ನಿರ್ಮಾಣ ಆಗುತ್ತಿದೆ. ಜೂನ್ ತಿಂಗಳಿನಲ್ಲಿ ಐದು ಭಾಷೆಗಳಲ್ಲಿ ಜವಾನ್ ಸಿನಿಮಾ ರಿಲೀಸ್ ಆಗಲು ಸಿದ್ಧತೆ ನಡೆಯುತ್ತಿದೆ.
