ಬಾಲಿವುಡ್ ನಟ ಅನಿಲ್ ಕಪೂರ್ ಸುದ್ದಿಯೊಂದು ಸದ್ದು ಮಾಡುತ್ತಿದೆ. 'ಅನಿಮಲ್' ಸಿನಿಮಾ ವಿಚಾರವಾಗಿ ಬ್ಯುಸಿಯಾಗಿರುವ ಇವರ ಇನ್ಸ್ಟಾಗ್ರಾಮ್ ಖಾತೆಯಿಂದ ಎಲ್ಲವೂ ಡಿಲೀಟ್ ಆಗಿದೆ. ನಟ ಹಂಚಿಕೊಂಡಿದ್ದ ಪೋಸ್ಟ್ ಜತೆಗೆ ಡಿಸ್ಪ್ಲೈ ಪಿಕ್ಚರ್ಸ್ (ಡಿಪಿ) ರಿಮೂವ್ ಮಾಡಲಾಗಿದೆ. ಅನಿಲ್ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಿಂದ ಎಲ್ಲವನ್ನೂ ಅಳಿಸಿ ಹಾಕಿದ್ದಾರೆ ಎಂದು ಸೋಷಿಯಲ್ ಮೀಡಿಯಾ ಬಳಕೆದಾರರು ಊಹಿಸುತ್ತಿದ್ದಾರೆ. ಅನಿಲ್ ಕಪೂರ್ ಪುತ್ರಿ, ನಟಿ ಸೋನಂ ಕಪೂರ್ ಶಾಕಿಂಗ್ ಪ್ರತಿಕ್ರಿಯೆ ನೀಡಿದ್ದಾರೆ.
60ರ ವಯಸ್ಸಿನಲ್ಲೂ ಸಖತ್ ಹ್ಯಾಂಡ್ಸಮ್ ಆಗಿರುವ ಅನಿಲ್ ಕಪೂರ್ಗೆ ಸಿಕ್ಕಾಪಟ್ಟೆ ಅಭಿಮಾನಿಗಳಿದ್ದಾರೆ. ಅವರ ನಟನೆ ಮತ್ತು ಜೀವನಶೈಲಿಯನ್ನು ಅನೇಕರು ಇಷ್ಟಪಡುತ್ತಾರೆ. ವೃತ್ತಿಪರ ಅಥವಾ ವೈಯಕ್ತಿಕವೇ ಆಗಿರಲಿ ಸೋಷಿಯಲ್ ಮೀಡಿಯಾದಲ್ಲಿ ಆಗಾಗ ಪೋಸ್ಟ್ ಹಂಚಿಕೊಳ್ಳುತ್ತಿರುತ್ತಾರೆ. ಹೀಗಾಗಿಯೇ ಅವರಿಗೆ ಇನ್ಸ್ಟಾದಲ್ಲಿ 5.8 ಮಿಲಿಯನ್ ಅನುಯಾಯಿಗಳಿದ್ದಾರೆ. ಇದೀಗ ಸಡನ್ ಆಗಿ ಅವರ ಎಲ್ಲಾ ಪೋಸ್ಟ್ಗಳು, ಡಿಪಿ ಕೂಡ ಮಾಯ ಆಗಿರುವುದು ಅಭಿಮಾನಿಗಳಿಗೆ ಆಘಾತ ಉಂಟು ಮಾಡಿದೆ. ಇದನ್ನು ಕಂಡು ಸೋನಂ ಕಪೂರ್ ಕೂಡ ಅಚ್ಚರಿಗೊಂಡಿದ್ದಾರೆ.
ಇದನ್ನೂ ಓದಿ: Animal: ರೊಮ್ಯಾಂಟಿಕ್ ಮೂಡ್ನಲ್ಲಿ ರಣ್ಬೀರ್ - ರಶ್ಮಿಕಾ; 'ಹುವಾ ಮೈನ್' ಹಾಡು ನಾಳೆ ಬಿಡುಗಡೆ
ಅನಿಲ್ ಕಪೂರ್ ಅವರ ಇನ್ಸ್ಟಾಗ್ರಾಮ್ ಖಾಲಿ ಖಾತೆಯ ಫೋಟೋವನ್ನು ಇನ್ಸ್ಟಾ ಸ್ಟೋರಿ ಹಾಕಿಕೊಂಡಿರುವ ಸೋನಂ ಕಪೂರ್, 'ಅಪ್ಪಾ!?' ಎಂದು ಬರೆದುಕೊಂಡಿದ್ದಾರೆ. ಸೋನಂ ಕಪೂರ್ ಜತೆಗೆ ಅನಿಲ್ ಅಭಿಮಾನಿಗಳು ಕೂಡ ನಟನ ನಡೆಗೆ ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ. 'ಅನಿಮಲ್' ಸಿನಿಮಾ ಇನ್ನೇನು ಬಿಡುಗಡೆಗೆ ತಿಂಗಳುಗಳು ಬಾಕಿ ಇರುವಾಗ ನಟ ಈ ರೀತಿಯಾಗಿ ಮಾಡಿರುವುದು ಅವರ ಫ್ಯಾನ್ಸ್ಗೆ ಬೇಸರ ತಂದಿದೆ. ಇದು ಸಿನಿಮಾ ಪ್ರಚಾರದ ಗಿಮಿಕ್ ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ.
ಪ್ರಚಾರದ ಗಿಮಿಕ್ಕಾ?: ಈ ಹಿಂದೆ ಬಾಲಿವುಡ್ ನಟಿ ಕಾಜೋಲ್ ತಮ್ಮ ಇನ್ಸ್ಟಾ ಪೋಸ್ಟ್ಗಳನ್ನೆಲ್ಲಾ ಡಿಲೀಟ್ ಮಾಡಿ ಅಭಿಮಾನಿಗಳಲ್ಲಿ ಆಶ್ಚರ್ಯ ಮೂಡಿಸಿದ್ದರು. 'Facing one of the toughest trials of my life' ಎಂಬ ಒಂದೇ ಒಂದು ಸೀಕ್ರೆಟ್ ಪೋಸ್ಟ್ ಶೇರ್ ಮಾಡಿ ಉಳಿದ ಪೋಸ್ಟ್ಗಳೆಲ್ಲವನ್ನೂ ಅಳಿಸಿ ಹಾಕಿದ್ದರು. ಬಳಿಕ ನಟಿ ಟೆನ್ಷನ್ನಲ್ಲಿ ಕಾರು ಹತ್ತಿದ ವಿಡಿಯೋ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ಅಭಿಮಾನಿಗಳ ಚಿಂತೆಗೆ ಕಾರಣವಾಗಿತ್ತು. ಆದ್ರೆ ಇದೆಲ್ಲವೂ ದಿ ಟ್ರಯಲ್ ವೆಬ್ ಸೀರಿಸ್ನ ಪ್ರಚಾರದ ಭಾಗವಾಗಿತ್ತು.
ಇತ್ತೀಚೆಗೆ ಪ್ಯಾನ್ ಇಂಡಿಯಾ ಸ್ಟಾರ್ ನಟ ಪ್ರಭಾಸ್ ಇನ್ಸ್ಟಾಗ್ರಾಮ್ ಖಾತೆಯೂ ಡಿಲೀಟ್ ಆಗಿತ್ತು. ಇದು ಕೂಡ 'ಸಲಾರ್' ಪ್ರಮೋಷನ್ ಭಾಗ ಎನ್ನಲಾಗಿತ್ತು. ಸದ್ಯ ಅವರ ಖಾತೆ ಚಾಲ್ತಿಯಲ್ಲಿದೆ. ಹೀಗಾಗಿ ಅನಿಲ್ ಕಪೂರ್ ಕೂಡ 'ಅನಿಮಲ್' ಪ್ರಚಾರದ ಭಾಗವಾಗಿ ಹೀಗೆ ಮಾಡಿರಬಹುದೆಂಬ ಕೆಲವರ ಗ್ರಹಿಕೆಯನ್ನು ನಾವು ನಿರಾಕರಿಸುವಂತಿಲ್ಲ.
ಇದನ್ನೂ ಓದಿ: ರಶ್ಮಿಕಾ ರಣ್ಬೀರ್ ಜೋಡಿಯ ಅನಿಮಲ್ ಸಿನಿಮಾದಲ್ಲಿ ಬಾಬಿ ಡಿಯೋಲ್ ವಿಲನ್: ಫಸ್ಟ್ ಲುಕ್ ರಿಲೀಸ್
