ಮುಂಬೈ: ಬಾಲಿವುಡ್ ಪರ್ಫೆಕ್ಷನಿಸ್ಟ್ ಆಮೀರ್ ಖಾನ್ ಅವರ 'ಲಾಲ್ ಸಿಂಗ್ ಚಡ್ಡಾ' ಹೇಳಿಕೊಳ್ಳುವಂತಹ ಯಶಸ್ಸು ತಂದು ಕೊಡಲಿಲ್ಲ. ಈ ಸಿನಿಮಾದ ಬಳಿಕ ಚಿತ್ರಗಳಿಂದ ಅಂತರ ಕಾಯ್ದುಕೊಂಡಿದ್ದ ನಟ ಆಮೀರ್ ಖಾನ್ ನಿವೃತ್ತಿ ಬಗ್ಗೆ ಕೂಡ ಮಾತನಾಡಿದ್ದರು. ಈ ಎಲ್ಲದರ ನಡುವೆ ಅವರು ಸದ್ದಿಲ್ಲದ್ದೇ ತಮ್ಮ ಮುಂದಿನ ಸಿನಿಮಾದಲ್ಲಿ ಕೆಲಸ ಮಾಡಲು ಸಿದ್ದರಾಗಿದ್ದಾರೆ. ಈ ಬಾರಿ ನಟ ಆಮೀರ್ ತಮ್ಮ ಗೆಳೆಯ, ಅಂದಾಜ್ ಅಪ್ನಾ ಅಪ್ನಾ ಸಹ ನಟನಾಗಿರುವ ಸಲ್ಮಾನ್ ಜೊತೆ ಕಾರ್ಯ ನಿರ್ವಹಿಸಲಿದ್ದಾರೆ. ಈ ಇಬ್ಬರು ನಟರು ಮೂರು ದಶಕಗಳ ಬಳಿಕ ಇದೀಗ ಒಟ್ಟಿಗೆ ಕೆಲಸ ಮಾಡಲು ಮುಂದಾಗಿದ್ದಾರೆ.
- " class="align-text-top noRightClick twitterSection" data="
">
ವರದಿ ಅನುಸಾರ, ಸದ್ಯ ಅಮೀರ್ ಖಾನ್ ಸ್ಪಾನಿಷ್ ಚಿತ್ರ 'ಕ್ಯಾಂಪಿಯೋನ್ಸ್' ಹಿಂದಿ ರಿಮೇಕ್ನಲ್ಲಿ ನಟಿಸುತ್ತಿದ್ದಾರೆ. ಈ ಸಿನಿಮಾಗಾಗಿ ಸಲ್ಮಾನ್ ಜೊತೆ ಮಾತುಕತೆ ನಡೆಸಿದ್ದಾರೆ. ಈ ಸಿನಿಮಾಗಾಗಿ ಬಹು ಕಾಲದ ನಂತರ ಇಬ್ಬರು ಸ್ನೇಹಿತರು ಒಟ್ಟಾಗಿ ಕಾರ್ಯ ನಿರ್ವಹಿಸಲು ಸಮ್ಮತಿ ಸೂಚಿಸಿದ್ದಾರೆ. ಸದ್ಯ ಕ್ಯಾಂಪಿಯೋನ್ಸ್ ಚಿತ್ರದ ಪ್ರಿ ಪ್ರೊಡಕ್ಷನ್ ಭರದಿಂದ ಸಾಗುತ್ತಿದ್ದು, ಇಬ್ಬರೂ ಸೂಪರ್ ಸ್ಟಾರ್ ನಟರು, ಸ್ಥಳ, ಶೂಟಿಂಗ್ ಸಮಯ ಸೇರಿದಂತೆ ಇನ್ನಿತರ ವಿಚಾರದ ಬಗ್ಗೆ ಚರ್ಚೆ ನಡೆಸಿದ್ದಾರೆ ಎನ್ನಲಾಗಿದೆ.
ಎಲ್ಲವೂ ಅಂದುಕೊಂಡಂತೆ ಸಾಗಿದರೆ, 'ಕ್ಯಾಂಪಿಯೋನ್ಸ್' ಸಿನಿಮಾ ತಂಡ ಇದೆ 2023ರ ಜೂನ್ನಿಂದ ಶೂಟಿಂಗ್ ಆರಂಭಿಸಲಿದೆ. ಸದ್ಯ ಈ ಬಗ್ಗೆ ಯಾವುದೇ ವಿಷಯ ಬಹಿರಂಗಗೊಳಿಸಿಲ್ಲ. ಈ ಚಿತ್ರಕ್ಕೆ ಸಲ್ಮಾನ್ ಖಾನ್ ಇನ್ನು ಸಹಿ ಮಾಡಿಲ್ಲ ಎನ್ನಲಾಗಿದೆ. 'ಕ್ಯಾಂಪಿಯೋನ್ಸ್' ಚಿತ್ರದ ಕುರಿತು ಅಂತಿಮ ಕಥೆಯನ್ನು ಕೇಳಿದ ಬಳಿಕ ಅವರು ಇದಕ್ಕೆ ಸಮ್ಮತಿ ಸೂಚಿಸಲಿದ್ದಾರೆ ಎನ್ನಲಾಗಿದೆ. ಎಲ್ಲವೂ ಅಂತಿಮವಾದರೆ, ಈ ಕುರಿತು ಅಪ್ಡೇಟ್ ಅನ್ನು ಸಲ್ಮಾನ್ ಮಾರ್ಚ್ನಲ್ಲಿ ನಡೆಯಲಿರುವ ಹುಟ್ಟುಹಬ್ಬದಂದು ಹೊರಬೀಳಲಿದೆ.
1994ರಲ್ಲಿ ಆಮೀರ್ ಮತ್ತು ಸಲ್ಮಾನ್ ಒಟ್ಟಿಗೆ ಅಂದಾಜ್ ಅಪ್ನಾ ಅಪ್ನಾ ಚಿತ್ರದಲ್ಲಿ ನಟಿಸಿದ್ದರು. ಇದೀಗ, ಚಾಂಪಿಯನ್ ಮೂಲಕ ಒಂದಾಗಿ ನಟಿಸಲಿದ್ದಾರೆ. ಈ ಚಿತ್ರವನ್ನು ಆಮೀರ್ ನಿರ್ಮಾಣ ಮಾಡುತ್ತಿದ್ದಾರೆ. ಜೂನ್ನಲ್ಲಿ ಈ ಚಿತ್ರ ಆರಂಭವಾದರೆ, ಈ ಚಿತ್ರ ಈ ವರ್ಷಾಂತ್ಯಕ್ಕೆ ಸಿನಿಮಾ ಚಿತ್ರೀಕರಣ ಮುಗಿಸಲಿದೆ.
ಇನ್ನು ಈ ಚಿತ್ರದ ಕುರಿತು ಮಾತನಾಡಿರುವ ಆಮೀರ್ ಖಾನ್, ಕ್ಯಾಂಪಿಯೋನ್ಸ್ ಅನ್ನು ಹಿಂದಿ ಅವತರಣಿಕೆಯಲ್ಲಿ ಮಾಡುವ ಉದ್ದೇಶ ಹೊಂದಿರುವ ಬಗ್ಗೆ ತಿಳಿಸಿದ್ದರು. 'ಕ್ಯಾಂಪಿಯೋನ್ಸ್' ಚಿತ್ರವನ್ನು ಹೃದಯ ಸ್ಪರ್ಶಿಯಾಗಿ ಬರೆದಿದ್ದು, ಇದು ಉತ್ತಮ ಚಿತ್ರವಾಗಲಿದೆ ಎಂಬ ನಂಬಿಕೆ ಇದೆ ಎಂಬ ಕುರಿತು ದೆಹಲಿಯಲ್ಲಿ ಕಾರ್ಯಕ್ರಮದಲ್ಲಿ ತಿಳಿಸಿದ್ದರು. ಈ ಚಿತ್ರವನ್ನು ಸೋನಿ ಪಿಕ್ಚರ್ಸ್ ಇಂಟರ್ನ್ಯಾಷನಲ್ ಪ್ರೊಡಕ್ಷನ್ ಮತ್ತು 200ನಾಟ್ ಔಟ್ ನಿರ್ಮಾಣ ಮಾಡುತ್ತಿದೆ.
2018 ರಲ್ಲಿ ಬಿಡುಗಡೆಯಾದ 'ಕ್ಯಾಂಪಿಯೋನ್ಸ್' ಚಿತ್ರವನ್ನು ಜೇವಿಯರ್ ಫ್ರೆಸ್ಸರ್ ನಿರ್ದೇಶಿಸಿದ್ದರು. 2018 ರಲ್ಲಿ ಅತಿ ಹೆಚ್ಚು ಗಳಿಸಿದ ಸ್ಪ್ಯಾನಿಷ್ ಭಾಷೆಯ ಚಲನಚಿತ್ರವಾಯಿತು. ಪುಟ್ಬಾಲ್ ಆಟಗಾರರ ಕಥೆಯನ್ನು ಹೊಂದಿರುವ ಈ ಹಾಸ್ಯ ಭರಿತ ಚಿತ್ರ ಸ್ಪೇನ್ನಲ್ಲಿ ಭಾರೀ ಸದ್ದು ಮಾಡಿತು.
ಇದನ್ನೂ ಓದಿ: ಶಾರುಖ್ ಖಾನ್ ಮೇಲೆ ಎಫ್ಐಆರ್ ದಾಖಲಿಸುವುದಾಗಿ ಹೇಳಿದ ಅಭಿಮಾನಿ.. ಕಾರಣ ಏನು?
