ಸೆಲೆಬ್ರಿಟಿಗಳೆಂದ್ರೇನೆ ಹಾಗೆ. ಅವರ ದಿನನಿತ್ಯದ ಖರ್ಚು ವೆಚ್ಚ ಲಕ್ಷದಿಂದ ಹಿಡಿದು ಕೋಟಿವರೆಗೂ ಇರುತ್ತದೆ. ಸಿನಿಮಾ ಪ್ರಚಾರ, ಸಭೆ ಸಮಾರಂಭ ಹೆಸರಿನಲ್ಲಿ ಲಕ್ಷಾನುಗಟ್ಟಲೆ ಮೌಲ್ಯದ ಉಡುಗೆ ತೊಟ್ಟು ಕ್ಯಾಮರಾಗೆ ಪೋಸ್ ಕೊಡ್ತಾರೆ. ಇದೀಗ ಈ ವಿಚಾರದಲ್ಲಿ ನಟಿ ಊರ್ವಶಿ ರೌಟೇಲಾ ಹೆಸರು ಭಾರಿ ಸದ್ದು ಮಾಡ್ತಿದೆ. ನಟಿಯ ಮೈಮೇಲೆ 1 ಕೋಟಿ 20 ಲಕ್ಷ ರೂ ಮೌಲ್ಯದ ಸ್ವತ್ತುಗಳಿತ್ತು ಅಂದ್ರೆ ಯಾರಿಗೆ ತಾನೇ ಅಚ್ಚರಿಯಾಗಲ್ಲ ಹೇಳಿ?.
- " class="align-text-top noRightClick twitterSection" data="
">
ಬಾಲಿವುಡ್‌ನ ರೂಪಸಿಯರಲ್ಲಿ ಒಬ್ಬರಾದ ಊರ್ವಶಿ ರೌಟೇಲಾ ಅವರು ತಮ್ಮ ಸಿನಿಮಾಗಳಿಗಿಂತ ಹೆಚ್ಚಾಗಿ ಸೌಂದರ್ಯ ಮತ್ತು ಸೋಶಿಯಲ್ ಮೀಡಿಯಾ ಪೋಸ್ಟ್ಗಳಿಂದಲೇ ಹೆಚ್ಚು ಜನಪ್ರಿಯರು. ಇದೀಗ ಅವರು ಉತ್ತರಾಖಂಡದಲ್ಲಿ ತಮ್ಮ ಸೋದರ ಸಂಬಂಧಿಯ ಮದುವೆ ಸಮಾರಂಭದಲ್ಲಿ ಬ್ಯುಸಿಯಾಗಿದ್ದಾರೆ.
ಈ ಸಮಾರಂಭದಲ್ಲಿ ನಟಿಯ ಉಡುಗೆ ಮತ್ತು ಆಭರಣದ ಮೇಲೆ ಎಲ್ಲರ ಗಮನ ಕೇಂದ್ರೀಕೃತವಾಗಿತ್ತು. ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ಮದುವೆಯ ಕ್ಷಣಗಳನ್ನು ಹಂಚಿಕೊಂಡಿದ್ದರು. ಕಸೂತಿ ಮಾಡಿದ ಕಾಸ್ಟ್ಲಿಯೆಸ್ಟ್ ಲೆಹೆಂಗಾ, ಮ್ಯಾಚಿಂಗ್ ಬ್ಲೌಸ್ ಧರಿಸಿದ್ದರು. ಅದರೊಂದಿಗೆ ಮಿನುಗುವ ತೆಳುವಾದ ದುಪಟ್ಟಾ ಇತ್ತು. ಈ ಲೆಹೆಂಗಾದ ಬೆಲೆ 35 ಲಕ್ಷ ರೂ.!
- " class="align-text-top noRightClick twitterSection" data="
">
ಇದನ್ನೂ ಓದಿ: ಮೊದಲ ವಿವಾಹ ವಾರ್ಷಿಕೋತ್ಸವಕ್ಕೆ ವಿಕ್ಯಾಟ್ ತಯಾರಿ
35 ಲಕ್ಷ ರೂಪಾಯಿಯನ್ನು ಲೆಹೆಂಗಾಗೆ ಖರ್ಚು ಮಾಡಿದ ಊರ್ವಶಿ ಈ ಉಡುಗೆಯನ್ನು ಇನ್ನಷ್ಟು ಸುಂದರಗೊಳಿಸಲು 85 ಲಕ್ಷ ರೂಪಾಯಿ ಮೌಲ್ಯದ ಆಭರಣಗಳನ್ನೂ ಧರಿಸಿದ್ದರು. ಸಂಪೂರ್ಣ ಕಾಸ್ಟ್ಯೂಮ್‌ಗೆ ಊರ್ವಶಿ 1 ಕೋಟಿ 20 ಲಕ್ಷ ರೂಪಾಯಿ ಖರ್ಚು ಮಾಡಿದ್ದು, ಈ ಚೆಲುವೆಯ ಸೌಂದರ್ಯ ಇಮ್ಮಡಿಗೊಂಡಿತ್ತು.
