ಟಾಲಿವುಡ್ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಮತ್ತು ವಿಜಯ್ ವರ್ಮಾ ಸಿನಿ ವಲಯದಲ್ಲಿ ಪ್ರೇಮಪಕ್ಷಿಗಳಾಗಿ ಗುರುತಿಸಿಕೊಂಡಿದ್ದಾರೆ. ಕಳೆದ ಡಿಸೆಂಬರ್ನಿಂದ ಈ ಜೋಡಿಯ ಪ್ರೇಮಪುರಾಣ ಇಂಟರ್ನೆಟ್ನಲ್ಲಿ ಜೋರಾಗೇ ಸದ್ದು ಮಾಡಿದೆ. ಲಸ್ಟ್ ಸ್ಟೋರಿಸ್ 2ರ ಪ್ರಚಾರ ಸಂದರ್ಭದಲ್ಲಿ ತಮ್ಮ ಪ್ರೇಮಸಂಬಂಧವನ್ನು ಅಧಿಕೃತಗೊಳಿಸಿದರು. ಅಂದಿನಿಂದ ಹಲವು ಬಾರಿ ಈವೆಂಟ್ಗಳಲ್ಲಿ ಒಟ್ಟಿಗೆ ಕಾಣಿಸಿಕೊಂಡಿದ್ದಾರೆ.
ಶುಕ್ರವಾರ ಸಂಜೆ ಕೂಡ ಮುಂಬೈನಲ್ಲಿ ನಡೆದ ಈವೆಂಟ್ ಒಂದರಲ್ಲಿ ನಟಿ ತಮನ್ನಾ ಭಾಟಿಯಾ ಮತ್ತು ನಟ ವಿಜಯ್ ವರ್ಮಾ ಕಾಣಿಸಿಕೊಂಡಿದ್ದಾರೆ. ಆನ್ಲೈನ್ನಲ್ಲಿ ವೈರಲ್ ಆಗುತ್ತಿರುವ ವಿಡಿಯೋ ಪ್ರಕಾರ, ಹಾಲ್ಗೆನ್ನೆ ಚೆಲುವೆ ತಮನ್ನಾ ಭಾಟಿಯಾ ಅವರು ಗೆಳೆಯ ವಿಜಯ್ ವರ್ಮಾ ಅವರಿಗಾಗಿ ಫೋಟೋಗ್ರಾಫರ್ ಆಗಿದ್ದಾರೆ.
ಸಮಾಜಿಕ ಜಾಲತಾಣದಲ್ಲಿ ಪಾಪರಾಜಿಯೋರ್ವರು ತಮ್ಮ ಅಧಿಕೃತ ಖಾತೆಯಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿದ್ದಾರೆ. ಅದರಲ್ಲಿ, ನಟಿ ತಮನ್ನಾ ಭಾಟಿಯಾ ಅವರು ವಿಜಯ್ ಅವರ ಫೋಟೋಗಳನ್ನು ಕ್ಲಿಕ್ಕಿಸುತ್ತಿರುವುದನ್ನು ಕಾಣಬಹುದಾಗಿದೆ. ಇಬ್ಬರೂ ಕಾರ್ಯಕ್ರಮಕ್ಕಾಗಿ ಸಖತ್ ಮಾಡರ್ನ್ ಆಗಿ ರೆಡಿ ಆಗಿ ಬಂದಿದ್ದರು. ಈವೆಂಟ್ ನಡೆಯುತ್ತಿದ್ದ ಸ್ಥಳದ ಹೊರಗೆ ಪಾಪರಾಜಿಗಳ ಕ್ಯಾಮರಾಗಳಿಗೆ ಬಹಳ ಸಂತೋಷದಿಂದ ಪೋಸ್ ನೀಡಿದ್ದಾರೆ. ಲವ್ಬರ್ಡ್ಸ್ಗಳ ಕೆಮಿಸ್ಟ್ರಿ ಫೈಯರ್ ಎನ್ನುವಂತಿತ್ತು. ಈ ವಿಡಿಯೋ ನೋಡಿದ ಹಲವರು ಮೇಡ್ ಫಾರ್ ಈಚ್ ಅದರ್ ಎಂದು ಕಾಮೆಂಟ್ ಮಾಡಿದ್ದಾರೆ.
ಈವೆಂಟ್ಗಾಗಿ ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಪರ್ಪಲ್ ಕಲರ್ ಸೀಕ್ವಿನ್ ಬಾಡಿ ಹಗ್ಗಿಂಗ್ ಔಟ್ಫಿಟ್ ಅನ್ನು ಆಯ್ದುಕೊಂಡಿದ್ದಾರೆ. ಅದಕ್ಕೆ ಮ್ಯಾಚ್ ಆಗುವ ನೆಕ್ಲೇಸ್ ಧರಿಸಿದ್ದರು. ಕೇಶರಾಶಿ ಪ್ರೀಯಾಗಿತ್ತು. ಬ್ಯಾಕ್ಲೆಸ್ ಡ್ರೆಸ್ನಲ್ಲಿ ಸಖತ್ ಬೋಲ್ಡ್ ಲುಕ್ ಕೊಟ್ಟರು. ಎಂದಿನಂತೆ ಸಖತ್ ಶೈನಿಂಗ್ ಆ್ಯಂಡ್ ಅಟ್ರ್ಯಾಕ್ಟಿವ್ ಲುಕ್ನಲ್ಲಿ ಕಾಣಿಸಿಕೊಂಡರು. ಮತ್ತೊಂದೆಡೆ ನಟ ವಿಜಯ್ ವರ್ಮಾ ಅವರು ಬ್ಲ್ಯಾಕ್ ಸೂಟ್ ಧರಿಸಿ ಸಖತ್ ಕ್ಲಾಸಿಯಾಗಿ ಕಾಣಿಸಿಕೊಂಡರು.
ಇದನ್ನೂ ಓದಿ: 'ಪರಿಣಿತಿ ಚೋಪ್ರಾರನ್ನು ನನಗಾಗಿ ಕೊಟ್ಟಿದ್ದಕ್ಕೆ ದೇವರಿಗೆ ಧನ್ಯವಾದ': ಸಂಸದ ರಾಘವ್ ಚಡ್ಡಾ
ಸೌತ್ ಸಿನಿಮಾ ಇಂಡಸ್ಟ್ರಿಯ ಟಾಪ್ ಹೀರೋಯಿನ್ ತಮನ್ನಾ ಭಾಟಿಯಾ ಮತ್ತು ಬಾಲಿವುಡ್ ಪ್ರತಿಭೆ ವಿಜಯ್ ವರ್ಮಾ ಮೊದಲ ಬಾರಿ ಲಸ್ಟ್ ಸ್ಟೋರಿಸ್ 2 ಶೂಟಿಂಗ್ ಸೆಟ್ನಲ್ಲಿ ಭೇಟಿಯಾದರು. ಅಂತಿಮವಾಗಿ ಪ್ರೇಮಪಕ್ಷಿಗಳಾಗಿ ಹೊರಹೊಮ್ಮಿದರು. 2023 ನ್ಯೂ ಇಯರ್ ಪಾರ್ಟಿಯಲ್ಲಿ ಇಬ್ಬರೂ ಚುಂಬಿಸಿದ್ದ ವಿಡಿಯೋ ಸಖತ್ ವೈರಲ್ ಆಗಿ, ಡೇಟಿಂಗ್ ವದಂತಿ ಪ್ರಾರಂಭಗೊಂಡಿತು. ಫೈನಲಿ ಲಸ್ಟ್ ಸ್ಟೋರಿಸ್ 2 ಪ್ರಮೋಶನಲ್ ಈವೆಂಟ್ನಲ್ಲಿ ತಮ್ಮ ಪ್ರೀತಿಯ ವಿಚಾರವನ್ನು ಬಹಿರಂಗಪಡಿಸಿದರು.
ಇದನ್ನೂ ಓದಿ: Jawan: ಬಾಕ್ಸ್ ಆಫೀಸ್ನಲ್ಲಿ 'ಜವಾನ್' ಅಬ್ಬರ: ಅಬ್ಬಬ್ಬಾ.. ಎರಡು ದಿನದಲ್ಲಿ ಇಷ್ಟೊಂದು ಕಲೆಕ್ಷನ್
