ನಟಿ ಅದಿತಿ ರಾವ್ ಹೈದರಿ ಹಾಗೂ ನಟ ಸಿದ್ಧಾರ್ಥ್ ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ರೂಮರ್ ಚಿತ್ರರಂಗದಲ್ಲಿ ಹಲವು ದಿನಗಳಿಂದ ಹರಿದಾಡುತ್ತಿದೆ. ಆದರೂ ಈ ಜೋಡಿ ಎಲ್ಲಿಯೂ ತಮ್ಮ ಡೇಟಿಂಗ್ ಬಗ್ಗೆ ಎಲ್ಲಿಯೂ ಬಾಯ್ಬಿಟ್ಟಿರಲಿಲ್ಲ. ಆದರೆ ಇದೀಗ ನಟಿ ಅದಿತಿ ರಾವ್ ಹೈದರಿ ತಮ್ಮ ರೂಮರ್ ಬಾಯ್ಫ್ರೆಂಡ್ ಹಾಗೂ ನಟ ಸಿದ್ಧಾರ್ಥ್ ಜೊತೆ ಸೆಲ್ಫಿ ಹಂಚಿಕೊಂಡಿದ್ದು, ಗಾಳಿಮಾತಿಗೆ ಮತ್ತಷ್ಟು ಇಂಬು ಕೊಟ್ಟಂತಿದೆ. ಜೊತೆಗೆ ಇಬ್ಬರು ಸ್ಟಾರ್ಗಳ ಫ್ಯಾನ್ಸ್ ಜೋಡಿಯ ಡೇಟ್ ನೈಟ್ ಫೋಟೋ ನೋಡಿ ಫುಲ್ ಖುಷಿಯಾಗಿದ್ದಾರೆ.
ಅದಿತಿ ರಾವ್ ಸಿದ್ಧಾರ್ಥ್ ಹಾಗೂ ಇತರ ಇಬ್ರು ಸ್ನೇಹಿತರ ಜೊತೆಗಿನ ಫೋಟೋವನ್ನು ತಮ್ಮ ಸೋಶಿಯಲ್ ಮೀಡಿಯಾ ಇನ್ಸ್ಟಾಗ್ರಾಂ ಸ್ಟೋರಿಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಫೋಟೋ ಜೊತೆಗೆ 'ಹೋಮೀಸ್' ಎಂದು ಕ್ಯಾಪ್ಷನ್ ಹಾಕಿಕೊಂಡು ಪಕ್ಕದಲ್ಲಿ ಹೃದಯದ ಇಮೋಜಿ ಐಕಾನ್ ಇಟ್ಟಿದ್ದಾರೆ. ಆದರೆ ನಟಿ ತಾವು ಸಂಡೇ ಸ್ಪೆಷಲ್ ಡಿನ್ನರ್ ಮಾಡಿದ್ದೆಲ್ಲಿ ಎನ್ನುವ ಮಾಹಿತಿಯನ್ನು ಮಾತ್ರ ಹಂಚಿಕೊಂಡಿಲ್ಲ.
ಈ ರೂಮರ್ ಲವ್ ಬರ್ಡ್ಸ್ ತಮ್ಮ ಸಂಬಂಧದ ಬಗ್ಗೆ ಎಲ್ಲಿಯೂ ಮಾತನಾಡದೇ ಇದ್ದರೂ, ಪದೇ ಪದೇ ಒಂದಲ್ಲಾ ಒಂದು ಕಡೆ, ಜೋಡಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇಬ್ಬರೂ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ರೂಮರ್ ನಿಜವೆನ್ನುವಂತೆ ಕಾಣಿಸಿಕೊಳ್ಳುತ್ತಿದ್ದಾರೆ. ವರದಿಗಳ ಪ್ರಕಾರ 2021 ರಲ್ಲಿ ಶರ್ವಾನಂದಂ ಹಾಗೂ ಸಿದ್ಧಾರ್ಥ್ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ್ದ 'ಮಹಾಸಮುದ್ರಂ' ತೆಲುಗು ಚಿತ್ರದ ಸೆಟ್ನಲ್ಲಿ ಇಬ್ಬರೂ ಪರಸ್ಪರ ಪ್ರೀತಿಯಲ್ಲಿ ಬಿದ್ದಿದ್ದರು ಎಂದು ಹೇಳಲಾಗುತ್ತಿದೆ. ಈ ಸಿನಿಮಾದಲ್ಲಿ ಸಿದ್ಧಾರ್ಥ್ ಅವರಿಗೆ ಜೋಡಿಯಾಗಿ ಅದಿತಿ ರಾವ್ ಹೈದರಿ ಅಭಿನಯಿಸಿದ್ದರು.
ಕೆಲವು ತಿಂಗಳ ಹಿಂದೆ ನಟ ಸಿದ್ಧಾರ್ಥ್ ಅವರ ಜನ್ಮದಿನಕ್ಕೆ ನಟಿ ಅದಿತಿ ರಾವ್ ಹೈದರಿ ಅವರ ಹಾಲಿಡೇಸ್ನ ವಿಡಿಯೋ ಹಂಚಿಕೊಂಡು ತಮ್ಮ ಪ್ರೀತಿಯ 'ಮನಿಕಾರ್ನ್'ಗೆ ವಿಶ್ ಮಾಡಿದ್ದರು. ಯಾವುದೋ ಒಂದು ಅಜ್ಞಾತ ಸ್ಥಳದ ಬೀದಿಗಳಲ್ಲಿ ಜೋಡಿ ಡ್ಯಾನ್ಸ್ ಮಾಡುತ್ತಾ ಜಿಗಿಯುತ್ತಿದ್ದ ವಿಡಿಯೋ ಶೇರ್ ಮಾಡಿಕೊಂಡು, 'ಹ್ಯಾಪಿ ಬರ್ತ್ ಡೇ ಮಾನಿಕಾರ್ನ್. ಯಾವಾಗಲೂ ಖುಷಿಯಾಗಿರು. ಯಾವಾಗಲೂ ಸ್ಟ್ರಾಂಗ್ ಹಾಗೂ ಶುದ್ಧ ಹೃದಯ ಹೊಂದಲು ಪ್ರೀತಿ, ಸಂಗೀತ, ಚಲನಚಿತ್ರಗಳು, ಮ್ಯಾಜಿಕ್, ತುಂಬಿತುಳುಕುವಷ್ಟು ನಗು, ಎಂದಿಗೂ ಬೆಳೆಯುತ್ತಿರು, ಮ್ಯಾಕಲ್ ಆಗಿರು, ನೀನು ನೀನಾಗಿರು, ಸಿದ್ದು ದಿನದ ಶುಭಾಶಯಗಳು' ಎಂದು ಬರೆದುಕೊಂಡಿದ್ದರು.
ಕಳೆದ ವರ್ಷ ಅದಿತಿ ರಾವ್ ಬರ್ತ್ಡೇಗೆ ಸಿದ್ಧಾರ್ಥ್ ನಟಿಯೊಂದಿಗಿನ ಇದುವರೆಗೆ ಕಾಣದ ಫೋಟೋವನ್ನು ಹಂಚಿಕೊಂಡಿದ್ದರು. ಫೋಟೋ ಜೊತೆಗೆ "ಹ್ಯಾಪಿ ಹ್ಯಾಪಿ ಜನ್ಮದಿನದ ಶುಭಾಶಯಗಳು ಹೃದಯದ ರಾಜಕುಮಾರಿ @aditirAohydari. ನಿನ್ನ ಎಲ್ಲಾ ಕನಸುಗಳು ನನಸಾಗಲು ನಾನು ಪ್ರಾರ್ಥಿಸುತ್ತೇನೆ. ದೊಡ್ಡ, ಸಣ್ಣ, ಇನ್ನೂ ಕಾಣದಿರುವ ಎಲ್ಲಾ ಕನಸುಗಳು ನನಸಾಗಲಿ. ಯಾವಾಗಲೂ ನಿಮಗಾಗಿ. ಸೂರ್ಯನ ಸುತ್ತ ಉತ್ತಮ ಪ್ರವಾಸ ನಿನ್ನದಾಗಲಿ" ಎಂದು ಹಾರೈಸಿ ರೆಡ್ ಹಾರ್ಟ್ ಇಮೋಜಿಯೊಂದಿಗೆ ಬರೆದಿದ್ದರು.
ಹುಟ್ಟುಹಬ್ಬ ಮಾತ್ರವಲ್ಲದೆ ಈ ರೂಮರ್ ಲವ್ ಬರ್ಡ್ಸ್ ಪ್ರತಿ ಪೋಸ್ಟ್ಗಳಿಗೂ ಆಗಾಗ್ಗೆ ಕಾಮೆಂಟ್ ಮಾಡುತ್ತಿರುತ್ತಾರೆ. ಹೇಗೆ ತಮ್ಮ ಇಬ್ಬರ ಡೇಟಿಂಗ್ ಬಗ್ಗೆ ಜೋಡಿ ಖಚಿತಪಡಿಸಿಲ್ಲವೋ ಅದೇ ರೀಓತಿ ಈ ರೂಮರ್ ಸುಳ್ಳು ಎಂಬುದನ್ನೂ ಜೋಡಿ ಹೇಳಿಲ್ಲ. ನಟಿ ಅದಿತಿ ಅವರು ಈ ಹಿಂದೆ, ಫ್ಯಾಶನ್ ಡಿಸೈನರ್ ಮಸಾಬಾ ಅವರನ್ನು ವರಿಸಿದ ನಟ ಸತ್ಯದೀಪ್ ಮಿಶ್ರಾ ಅವರನ್ನು ಮದುವೆಯಾಗಿದ್ದರು. ಸಿನಿಮಾಗಳ ಬಗ್ಗೆ ನೋಡುವುದಾದರೆ ಅದಿತಿ ಇಂಡೋ ಯುಕೆ ಸಹ ನಿರ್ಮಾಣದ ಲಯನೆಸ್ ನಲ್ಲಿ ಅಭನಯಿಸಲು ರೆಡಿಯಾಗಿದ್ದಾರೆ.
ಇದನ್ನೂ ಓದಿ: Jailer: ದೇಶಾದ್ಯಂತ ಜೈಲರ್ ಹವಾ - ರಜನಿಕಾಂತ್ ಸಿನಿಮಾ ವೀಕ್ಷಿಸಿದ ಕೇರಳ ಸಿಎಂ ಪಿಣರಾಯಿ ವಿಜಯನ್
