ಯಶ್‌ ಅಭಿಮಾನಿಗಳಿಗೆ ಗುಡ್ ನ್ಯೂಸ್! ಹೊಸ ಸಿನಿಮಾಗೆ ಮುಹೂರ್ತ ಫಿಕ್ಸ್​

Yash new movie tittle announcement date fixed: ನಟ ಯಶ್‌ ಅವರ ಮುಂದಿನ ಸಿನಿಮಾ ಯಾವುದು, ಯಾವಾಗ ತೆರೆಗೆ ಬರುತ್ತದೆ ಎಂಬೆಲ್ಲ ಹತ್ತು ಹಲವು ಪ್ರಶ್ನೆಗಳನ್ನು ಕೇಳುತ್ತಿದ್ದ ಅಭಿಮಾನಿಗಳಿಗೆ ಇಲ್ಲಿದೆ ಒಂದು ಸಿಹಿ ಸುದ್ದಿ.!

ಕೆಜಿಎಫ್​ ಸರಣಿ ಸಿನಿಮಾಗಳ ಮೂಲಕ ವಿಶ್ವದ ಗಮನ ಸೆಳೆದವರು ರಾಕಿಂಗ್​ ಸ್ಟಾರ್ ಯಶ್.​ ಇದೀಗ ಇವರು ಸೌತ್ ಸಿನಿಮಾ ಇಂಡಸ್ಟ್ರಿಯ ರೇಸ್​ನಲ್ಲಿರುವ ಓಡುವ ಕುದುರೆಯೂ ಹೌದು. ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಬಾಕ್ಸ್ ಆಫೀಸ್‌ನಲ್ಲಿ ಕೋಟಿ ಕೋಟಿ ಹಣ ಬಾಚುವ ಮೂಲಕ ಯಶ್ ಅವರ ಸ್ಟಾರ್ ಡಮ್ ಅನ್ನು ಆಕಾಶದೆತ್ತರಕ್ಕೆ ಏರಿಸಿತು. ಈ ಸಿನಿಮಾ ತೆರೆಕಂಡು ಒಂದೂವರೆ ವರ್ಷ ಕಳೆಯುತ್ತಿದೆ. ಆದರೆ ನಟನ ಮುಂದಿನ ಸಿನಿಮಾ ಯಾವುದು ಅನ್ನೋದು ಬೆಂಗಳೂರಿನ ಗಾಲ್ಫ್ ರಸ್ತೆಯಲ್ಲಿರುವ ಯಶ್ ಅಪಾರ್ಟ್​ಮೆಂಟ್​ನಿಂದ ಹಿಡಿದು ಬಾಲಿವುಡ್ ಅಂಗಳದವರೆಗೂ ಕೇಳಿ ಬರುತ್ತಿರುವ ಪ್ರಶ್ನೆ.

ಯಶ್ ಅವರು ಮುಂದಿನ ಸಿನಿಮಾ ಮಾಡಿದರೆ ಕನ್ನಡದಲ್ಲೇ ಮಾಡ್ತಾರಾ? ಹಿಂದಿ ಅಥವಾ ತೆಲುಗಿನಲ್ಲಿ ಮಾಡ್ತಾರಾ? ಯಾವ ನಿರ್ದೇಶಕನ ಜೊತೆ ಮುಂದಿನ ಚಿತ್ರ? ಅದು ಪ್ಯಾನ್​ ಇಂಡಿಯಾ ಸಿನಿಮಾನಾ? ಅನ್ನೋದೆಲ್ಲ ಸೌತ್ ಸಿನಿಮಾ‌ ಇಂಡಸ್ಟ್ರಿಯಲ್ಲಿ ಟಾಕ್ ಆಗುತ್ತಿದೆ.

• It’s time… 8th December, 9:55 AM.
  Stay tuned to @KvnProductions #Yash19 pic.twitter.com/stZYBspuxY

  — Yash (@TheNameIsYash) December 4, 2023 " class="align-text-top noRightClick twitterSection" data="

  It’s time… 8th December, 9:55 AM.
  Stay tuned to @KvnProductions #Yash19 pic.twitter.com/stZYBspuxY

  — Yash (@TheNameIsYash) December 4, 2023

  ">

  It’s time… 8th December, 9:55 AM.
  Stay tuned to @KvnProductions #Yash19 pic.twitter.com/stZYBspuxY

  — Yash (@TheNameIsYash) December 4, 2023

ಆದರೆ ಇದೀಗ ಕಳೆದ 20 ತಿಂಗಳುಗಳಿಂದ ಕಾತರದಿಂದ ಕಾಯುತ್ತಿದ್ದ ಅಭಿಮಾನಿಗಳಿಗೆ ಕೊನೆಗೂ ಯಶ್​ ಸಿಹಿಸುದ್ದಿ ನೀಡಿದ್ದಾರೆ. ಹೌದು, ಯಶ್ 19ನೇ ಸಿನಿಮಾ ಯಾವುದು? ಎಂಬುದರ ಬಗ್ಗೆ ಈವರೆಗೆ ಒಂದೇ ಒಂದು ಅಧಿಕೃತ ಮಾಹಿತಿ ಸಹ ಸಿಕ್ಕಿರಲಿಲ್ಲ. ಆದರೆ ತೆರೆಮರೆಯಲ್ಲಿ ಯಶ್ ಭರ್ಜರಿ ತಯಾರಿ ನಡೆಸಿದ್ದಾರೆ ಎಂಬುದರ ಬಗ್ಗೆ ಅವರೇ ಹಿಂಟ್ ಬಿಟ್ಟುಕೊಟ್ಟಿದ್ದರು. ಇದೀಗ ಯಶ್ ಅಧಿಕೃತ ಮಾಹಿತಿ ಹೊರಹಾಕಿದ್ದಾರೆ. ಇದು ತುದಿಗಾಲಲ್ಲಿ ನಿಂತು ಅಪ್ಡೇಟ್‌ಗಾಗಿ ಕಾಯುತ್ತಿದ್ದ ಅವರ ಅಭಿಮಾನಿಗಳ ಸಂತಸ ಮತ್ತು ನಿರೀಕ್ಷೆ ಹೆಚ್ಚಿಸಿದೆ.

ಸದ್ಯ ಗಾಂಧಿನಗರದಲ್ಲಿ ಸಿನಿಮಾ ಪಂಡಿತರು ಹೇಳುವ ಪ್ರಕಾರ, ಯಾವ ನಿರ್ದೇಶಕ ಎನ್ನುವ ಮಾಹಿತಿಯನ್ನು ಯಶ್​ ಬಿಟ್ಟು ಕೊಟ್ಟಿಲ್ಲ. ಆದರೆ ಕೆಜಿಎಫ್‌ 2 ಕಳೆದ ವರ್ಷ 2022 ಏಪ್ರಿಲ್ 14ರಂದು ರೀಲಿಸ್ ಆಗಿತ್ತು. ಅದಾದ ಬಳಿಕ ಅವರ ಮುಂದಿನ ಸಿನಿಮಾದ ಯಾವ ಅಪ್ಡೇಟ್ ಕೂಡ ಸಿಕ್ಕಿರಲಿಲ್ಲ. ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಯಶ್ ತಮ್ಮ ಮುಂದಿನ ಸಿನಿಮಾದ ಟೈಟಲ್ (Yash 19 title announcement) ಘೋಷಣೆ ಮಾಡುವುದಾಗಿ ಪೋಸ್ಟ್​ ಹಾಕಿದ್ದಾರೆ. ಇದೇ ಡಿಸೆಂಬರ್ 8ರಂದು ಬೆಳಿಗ್ಗೆ 9.55ಕ್ಕೆ ಟೈಟಲ್​ ಘೋಷಣೆ ಮಾಡುವುದಾಗಿ ಎಂದು 'ರಾಕಿಭಾಯ್' ಮಾಹಿತಿ ಹಂಚಿಕೊಂಡಿದ್ದಾರೆ.

ಕನ್ನಡದ ಪ್ರತಿಷ್ಠಿತ ನಿರ್ಮಾಣ ಸಂಸ್ಥೆ, ಕೆವಿಎನ್ ಪ್ರೊಡಕ್ಷನ್ ಜೊತೆ ಸಿನಿಮಾ‌ ಮಾಡುವ ಮಾತುಕತೆ ಮಾಡಲಾಗಿದೆ. ಆದರೆ ಯಶ್ 19ನೇ ಸಿನಿಮಾಗೆ ಯಾರು ಆ್ಯಕ್ಷನ್​ ಕಟ್​ ಹೇಳ್ತಾರೆ ಅನ್ನೋದು ಸದ್ಯ ಸೌತ್ ಸಿನಿಮಾ ಇಂಡಸ್ಟ್ರಿಯಲ್ಲಿ ಟಾಕ್ ಆಗುತ್ತಿದೆ. ಈ ಎಲ್ಲಾ ಪ್ರಶ್ನೆಗಳಿಗೆ ಡಿಸೆಂಬರ್ 8ರಂದು ಉತ್ತರ ಸಿಗಲಿದೆ.

ಇದನ್ನೂ ಓದಿ: 'ಸಲಾರ್' ಟ್ರೇಲರ್ ದಾಖಲೆ: 24 ಗಂಟೆಯೊಳಗೆ 116 ಮಿಲಿಯನ್‌ಗೂ ಹೆಚ್ಚು ವೀಕ್ಷಣೆ!