ಬೆಂಗಳೂರು: ಕೆಜಿಎಫ್ 1 ಮತ್ತು 2ನಂತಹ ಪ್ಯಾನ್ ಇಂಡಿಯಾ ಹಿಟ್ ನೀಡಿದ ನಿರ್ದೇಶಕ ಪ್ರಶಾಂತ್ ನೀಲ್ ಈಗಾಗಲೇ ಜ್ಯೂ. ಎನ್ಟಿಆರ್ ಅವರ ಸಿನಿಮಾ ನಿರ್ಮಾಣಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಸಲಾರ್ ಚಿತ್ರದ ಬಳಿಕ ಈ ಎನ್ಟಿಆರ್ 31 ಸೆಟ್ಟೆರುವ ಸಾಧ್ಯತೆ ಇದ್ದು, ಈ ಚಿತ್ರದಲ್ಲಿ ಇದೆ ಮೊದಲ ಬಾರಿಗೆ ನಟ ಅಮೀರ್ ಖಾನ್ ನಟಿಸುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ.
ಕೆಜಿಎಫ್ನಲ್ಲಿ ಸಂಜಯ್ ದತ್, ರವಿನಾ ಟಂಡನ್ ಅನ್ನು ಕನ್ನಡಕ್ಕೆ ಕರೆ ತಂದ ಸ್ಟಾರ್ ಡೈರೆಕ್ಟರ್ ಜ್ಯೂ ಎನ್ಟಿಆರ್ ಸಿನಿಮಾದಲ್ಲಿ ಬಾಲಿವುಡ್ ಪರ್ಫೆಕ್ಷನಿಸ್ಟ್ ಅನ್ನು ಕರೆತರಲಿದ್ದಾರೆ ಎನ್ನಲಾಗಿದೆ. ಈ ಪಾತ್ರದಲ್ಲಿ ನಟ ಅಮೀರ್ ಖಾನ್ ಖಳನಟದ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, ಈ ಚಿತ್ರ ಅಂದುಕೊಂಡಂತೆ ಆದರೆ ಮುಂದಿನ ವರ್ಷದಿಂದ ಪ್ರಾರಂಭವಾಗಬಹುದು.
ಸದ್ಯ ಪ್ರಶಾಂತ್ ನೀಲ್ ಬಾಹುಬಲಿ ಖ್ಯಾತಿಯ ನಟ ಪ್ರಭಾಸ್ ಜೊತೆ ಸಲಾರ್ ಚಿತ್ರದ ನಿರ್ದೇಶಿಸುತ್ತಿದ್ದಾರೆ. ಮೂಲಗಳ ಪ್ರಕಾರ ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ವರ್ಕ್ ನಡೆಯುತ್ತಿದೆ. ಈ ಚಿತ್ರ ಸಂಪೂರ್ಣ ಮುಗಿದ ಬಳಿಕ ಜ್ಯೂ. ಎನ್ಟಿಆರ್ ಜೊತೆ ಕೆಲಸ ಪ್ರಾರಂಭಿಸಲಿದ್ದಾರೆ. ಈ ಚಿತ್ರ ಕೂಡ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಇರಲಿದೆ.
ಇನ್ನು ಪ್ರಶಾಂತ್ ನೀಲ್ ಜ್ಯೂ ಎನ್ಟಿಆರ್ಗಾಗಿ ಎರಡು ದಶಕದ ಹಿಂದೆಯೇ ಈ ಕಥೆಯನ್ನು ಸಿದ್ಧವಾಗಿಟ್ಟುಕೊಂಡಿದ್ದರಂತೆ. ಸರಿಯಾದ ಸಮಯದಲ್ಲಿ ಇಬ್ಬರು ಒಟ್ಟಿಗೆ ಕೆಲಸ ಮಾಡಲು ಕಾಯುತ್ತಿರುವುದಾಗಿ ಈ ಹಿಂದೆ ಹೇಳಿದ್ದರು. ಈ ಚಿತ್ರದ ಐಡಿಯಾ 20 ವರ್ಷದ ಹಿಂದೆಯೇ ತಮಗೆ ಬಂದಿದ್ದು, ಚಿತ್ರದ ಪರಿಣಾಮ ಅದರ ಮಟ್ಟದಿಂದ ಹಿಂದೆ ಸರಿದಿದ್ದೆ. ಕಡೆಗೂ ನನ್ನ ಕನಸಿನ ಯೋಜನೆಗೆ ಕಾಲ ಕೂಡಿ ಬಂದಿದೆ ಎಂದಿದ್ದಾರೆ.
ಜ್ಯೂ ಎನ್ಟಿಆರ್ ಹುಟ್ಟುಹಬ್ಬದಂದು ಇಬ್ಬರು ಒಟ್ಟಿಗೆ ಫೋಟೋ ಹಂಚಿಕೊಳ್ಳುವ ಮೂಲಕ ಕೆಲಸ ಮಾಡುವುದಾಗಿ ಘೋಷಿಸಿದ್ದರು. ಮೈತ್ರಿ ಮೂವಿ ಮೇಕರ್ ಈ ಚಿತ್ರದ ನಿರ್ಮಾಣ ಮಾಡಲಿದ್ದು, ಏಪ್ರಿಲ್ 2023ರಿಂದ ಎನ್ಟಿಆರ್ 31 ಕೆಲಸ ಆರಂಭಿಸುವುದಾಗಿ ಅಭಿಮಾನಿಗಳಿಗೆ ತಿಳಿಸಿದ್ದರು.
ಇದನ್ನೂ ಓದಿ: ರಮ್ಯಾ ನಿರ್ಮಾಣದ ಸ್ವಾತಿ ಮುತ್ತಿನ ಮಳೆ ಹನಿಯೇ ಚಿತ್ರದಲ್ಲಿ ಸಿರಿ ಜೊತೆ ರಾಜ್ ಬಿ ಶೆಟ್ಟಿ ರೊಮ್ಯಾನ್ಸ್
