ಸ್ವರಾ ಮತ್ತು ಫಹಾದ್ ಮದುವೆ ಸಂಭ್ರಮ: ಅದ್ದೂರಿಯಾಗಿ ನಡೆದ ಮೆಹಂದಿ, ಸಂಗೀತ ಕಾರ್ಯಕ್ರಮ

ರಿಜಿಸ್ಟರ್​ ಮದುವೆ ಬಳಿಕ ಅದ್ದೂರಿ ಮದುವೆ ಸಜ್ಜಾಗಿದ್ದ ಸ್ವರಾ - ಫಹಾದ್​​ ಅವರ ಸಂಗೀತ ಮತ್ತು ಅರಿಶಿಣ ಕಾರ್ಯಕ್ರಮ ಅದ್ದೂರಿಯಾಗಿ ನಡೆದಿದೆ

ಹೈದರಾಬಾದ್​: ಇತ್ತೀಚೆಗಷ್ಟೇ ಸಮಾಜವಾದಿ ಪಕ್ಷದ ನಾಯಕ ಫಹಾದ್​ ಝಿರಾರ್​ ಅಹ್ಮದ್​ ಅವರನ್ನು ಮದುವೆಯಾಗಿ ನಟಿ ಸ್ವರಾ ಭಾಸ್ಕರ್​​ ಸುದ್ದಿಯಾಗಿದ್ದರು. ರಿಜಿಸ್ಟರ್​ ಕಚೇರಿಯಲ್ಲಿ ಸರಳವಾಗಿ ಮದುವೆಯಾಗಿದ್ದ ಸ್ವರಾ ಇದೀಗ ಅದ್ದೂರಿ ಮದುವೆಯಾಗಲು ಸಜ್ಜಾಗಿದ್ದಾರೆ. ಕುಟುಂಬದ ಸಮ್ಮುಖದಲ್ಲಿ ಇದೇ ಮಾರ್ಚ್​ 15 ಮತ್ತು 16ರಂದು ಮತ್ತೆ ಸಪ್ತಪದಿ ತುಳಿಯಲಿದ್ದಾರೆ. ಅದಕ್ಕೂ ಮುನ್ನ ಕುಟುಂಬದ ಪೂರ್ವ ಕಾರ್ಯಕ್ರಮಗಳಲ್ಲಿ ನವ ಮಧುಮಗಳು ಮಿಂಚಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಇವರ ಫೋಟೋ ವೈರಲ್​ ಆಗಿದೆ.

ಸ್ವರಾ ಮತ್ತು ಫಹಾದ್ ಮದುವೆ ಸಂಭ್ರಮ

ಒಂದೇ ದಿನ ನಡೆದ ಎರಡು ಕಾರ್ಯಕ್ರಮ: ಭಾನುವಾರ ನಟಿ ಸ್ವರಾ ಭಾಸ್ಕರ್​ ಅವರ ಮೆಹಂದಿ ಮತ್ತು ಸಂಗೀತ ಕಾರ್ಯಕ್ರಗಳು ಒಂದರ ನಂತರ ಒಂದು ನಡೆದಿದೆ. ಸಂಜೆ ನಡೆದ ಸಂಗೀತ ಕಾರ್ಯಕ್ರಮದಲ್ಲಿ ಜನಪತ ಹಾಡುಗಾರ್ತಿ ದೀನೆ ಖಾನ್​ ಮೆರಗು ಹೆಚ್ಚಿಸಿದರು. ಕಾರ್ಯಕ್ರಮದ ಸಂಭ್ರಮದ ಚಿತ್ರಣಗಳಲ್ಲಿ ಸ್ವರಾ ಮತ್ತು ಫಹಾದ್​ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. #SwaadAnusaar ಎಂಬ ಹ್ಯಾಷ್​ಟ್ಯಾಗ್​ನ್ನು ಇಬ್ಬರು ಬಳಸಿರುವುದು ಎಲ್ಲರ ಗಮನ ಸೆಳೆದಿದೆ.

ಸ್ವರಾ ಮತ್ತು ಫಹಾದ್ ಮದುವೆ ಸಂಭ್ರಮ

ಯಾವುದೇ ಸಾಂಪ್ರದಾಯಿಕ ಕಾರ್ಯಕ್ರಮಗಳನ್ನು ಕೂಡ ಫನ್​ ಕಾರ್ಯಕ್ರಮವನ್ನಾಗಿ ರೂಪಿಸುವುದು ಕಾಣಬಹುದು. ಹೋಳಿ ಜೊತೆಯಲ್ಲಿಯೆ ಅರಿಶಿನ ಶಾಸ್ತ್ರವನ್ನು ಕೂಡ ಆಚರಿಸಲಾಗಿದ್ದು, ಮೆಹಂದಿ ಕಾರ್ಯಕ್ರಮದಲ್ಲಿ ಫಹಾದ್​, ಸ್ವರಾ ಮಜಾ ಮಾಡಿದ್ದಾರೆ. ಇನ್ನು ಹಳದಿ ಕಾರ್ಯಕ್ರಮದಲ್ಲಿ ಕಿತ್ತಳೆ ಬಣ್ಣದ ಅನಾರ್ಕಲಿ ಯಲ್ಲಿ ಸ್ವರಾ ಮಿಂಚಿದ್ದಾರೆ. ದೊಡ್ಡದಾದ ತಲೆಬೊಟ್ಟು (ಮಂಗ್​ ಟಿಕಾ), ದೊಡ್ಡ ಝುಮುಕಿಯಲ್ಲಿ ಅವರು ಎಲ್ಲರ ಕಣ್ಸೆಳೆದಿದ್ದಾರೆ. ಸ್ವರಾ ಭಾಸ್ಕರ್​ ಗಂಡ ಫಹಾದ್​ ಅವರು, ತಿಳಿ ನೀಲಿ ಕುರ್ತಾ, ಬಿಳಿ ಪೈಜಾಮದಲ್ಲಿ ಮಿಂಚಿದ್ದಾರೆ.

ಸ್ವರಾ ಮತ್ತು ಫಹಾದ್ ಮದುವೆ ಸಂಭ್ರಮ

ಇನ್ಸ್ಟಾಗ್ರಾಂನಲ್ಲಿ ಸ್ವರಾ ಅವರು, ಮೆಹಂದಿ ಕಾರ್ಯಕ್ರಮದ ಕ್ಯಾಂಡಿಡ್​ ವಿಡಿಯೋವನ್ನು ಹಂಚಿಕೊಂಡಿದ್ದು, ಇದರಲ್ಲಿ ಅವರು ಚಾಟ್​ ತಿನ್ನುತ್ತಿರುವುದು ಕಾಣಬಹುದಾಗಿದೆ. ವಿಡಿಯೋದಲ್ಲಿ ಚಾಟ್​ ತಿನ್ನುವ ಮೂಲಕ ನಗೆಗಡಲಲ್ಲಿ ತೇಲಿತ್ತಿರುವ ಕಾಣಬಹುದು. ಮೆಹಂದಿ ಕಾರ್ಯಕ್ರಮದ ಕುರಿತು ಇಬ್ಬರು ಹಂಚಿಕೊಂಡಿರುವುದು ಕಾಣಬಹುದಾಗಿದೆ.

ಸಂಜೆ ನಡೆದ ಸಂಗೀತ ಕಾರ್ಯಕ್ರಮದಲ್ಲಿ ಸ್ವರಾ ಗಾಢ ಹಸಿರುವ ಬಣ್ಣದ ಲೆಹಾಂಗಾದಲ್ಲಿ ಕಂಡು ಬಂದರು. ಇದೇ ವೇಳೆ, ಈ ಮ್ಯೂಸಿಕಲ್​ ನೈಟ್​ ಮತ್ತು ಡೆಕೋರೇಷನ್​ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಸ್ವರಾ ಮತ್ತು ಫಹಾದ್ ಮೆಹಂದಿ ಕಾರ್ಯಕ್ರಮ

ಮದುವೆ ಬಳಿಕ ಟೀಕೆಗೆ ಗುರಿ: ಫಹಾದ್​ ಅವರನ್ನು ನೋಂದಾಣಿ ಕಚೇರಿಯಲ್ಲಿ ಸರಳವಾಗಿ ಮದುವೆಯಾದ ಬಳಿಕ ನಟಿ ಸ್ವರಾ ಭಾಸ್ಕರ್​ ತಮ್ಮ ಮೊದಲ ರಾತ್ರಿಗೆ ಸಿದ್ದವಾಗಿದ್ದ ಮಂಚದ ಚಿತ್ರವನ್ನು ಹಂಚಿಕೊಂಡಿದ್ದರು. ಅವರ ಈ ಚಿತ್ರಕ್ಕೆ ನೆಟ್ಟಿಗರು ಕೆಂಡ ಕಾರಿದರು. ಖಾಸಗಿತನವನ್ನು ಕೊಂಚವಾದರೂ ಕಾಯ್ದುಕೊಳ್ಳಬೇಕು ಎಂಬ ಬುದ್ದಿ ಮಾತುಗಳು ಕೇಳಿ ಬಂದಿದ್ದವು. ಈ ಬೆನ್ನಲ್ಲೇ ಅವರು, ಈ ಫೋಟೋವನ್ನು ತೆಗೆದು ಹಾಕಿದರು.

ಮೆಹಂದಿ ಕಾರ್ಯಕ್ರಮ

ವೈರಲ್​ ಆದ ಆಮಂತ್ರಣ ಪತ್ರಿಕೆ: ಮಗಳು ಸರಳವಾಗಿ ಮದುವೆಯಾದ ಹಿನ್ನಲೆ ಇದೀಗ ಕುಟುಂಬಸ್ಥರು ಅದ್ದೂರಿಯಾಗಿ ಮದುವೆ ನಡೆಸುತ್ತಿದ್ದು, ಈ ವಿವಾಹದ ಆಮಂತ್ರಣ ಪತ್ರಿಕೆ ಎಲ್ಲರ ಗಮನ ಸೆಳೆದಿತ್ತು. ವಿನ್ಯಾಸಕಾರ ಪ್ರತೀಕ್​ ವಿನ್ಯಾಸದಲ್ಲಿ ಮೂಡಿ ಬಂದಿದ್ದ ಈ ಕಾರ್ಡ್​ ಎಲ್ಲರ ಮೆಚ್ಚುಗೆಗೂ ಕೂಡ ಪಾತ್ರವಾಗಿತ್ತು.

ಇದನ್ನೂ ಓದಿ: ಸಿದ್ಧಾರ್ಥ್ ಕಿಯಾರಾ ವಿವಾಹ: ವಧುವಿನ ಕಡೆಯವರಿಗಿಂತ ವರನ ಅತಿಥಿಗಳ ಸಂಖ್ಯೆಯೇ ದುಪ್ಪಟ್ಟು!