'2nd ಲೈಫ್' ಅಂತಾ ಟೈಟಲ್ ಇಟ್ಟುಕೊಂಡು ಹೊಸ ತಂಡವೊಂದು ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಟ್ಟಿದೆ. ಯುವ ನಟ ಆದರ್ಶ್ ಗುಂಡುರಾಜ್ ಹಾಗು ಸಿಂಧೂರಾವ್ ಅಭಿನಯಿಸಿರುವ 2nd ಲೈಫ್ ಸಿನಿಮಾ ಒಂದು ವಿಭಿನ್ನ ಸಂದೇಶದೊಂದಿಗೆ ಸಿನಿ ಪ್ರೇಮಿಗಳ ಮುಂದೆ ಬರಲು ಸಜ್ಜಾಗಿದ್ದು, ಸಿನಿಮಾದ ಟ್ರೈಲರ್ ಬಿಡುಗಡೆ ಆಗಿದೆ.
ಹೌದು, ಮಗು ಜನಿಸಿದ ಕೆಲವೇ ದಿನಗಳಲ್ಲಿ ಹೊಕ್ಕಳು ಬಳ್ಳಿ ಬೀಳುತ್ತದೆ. ಅದನ್ನು ಕ್ಯಾನ್ಸರ್ ರೋಗಿಗಳ ಔಷಧಕ್ಕೆ ಬಳಸಿಕೊಳ್ಳಲಾಗುತ್ತದೆ. ಕರ್ನಾಟಕ ಒಂದರಲ್ಲೇ 70 ರಿಂದ 80 ಸಾವಿರ ಜನರು ಕ್ಯಾನ್ಸರ್ಗೆ ತುತ್ತಾಗುತ್ತಿದ್ದಾರೆ. ಅಂತಹವರಿಗೆ ಇದು ಉಪಯೋಗವಾಗುತ್ತದೆ. ಕರುಳಬಳ್ಳಿಯನ್ನು ಶೇಖರಿಸಿಡುವ ಕಾರ್ಯ ಕೂಡ ಎಲ್ಲೆಡೆ ನಡೆಯುತ್ತಿದೆ. ಈ ಅಂಶವನ್ನೇ ಪ್ರಮುಖವಾಗಿಟ್ಟುಕೊಂಡು "2nd ಲೈಫ್" ಚಿತ್ರ ತಯಾರಾಗಿದೆ.
ಇತ್ತೀಚೆಗೆ ಈ ಚಿತ್ರದ ಟ್ರೈಲರ್ ಬಿಡುಗಡೆ ಕಾರ್ಯಕ್ರಮ ನಡೆಯಿತು. ಸೂಕ್ಷ್ಮ ವಿಷಯವನ್ನು ನಿರ್ದೇಶಕ ರಾಜ್ ದೇವಸಂದ್ರ ತೆರೆ ಮೇಲೆ ತರುವ ಪ್ರಯತ್ನ ಮಾಡಿದ್ದಾರೆ. ಜೀವನದಲ್ಲಿ ಯಾವುದೋ ದೊಡ್ಡ ಅನಾಹುತ ನಡೆದು ಅದರಿಂದ ಪಾರಾದಾಗ ಎಲ್ಲರೂ ಹೇಳುವುದೇನೆಂದರೆ ನಿನ್ನ ಹೊಸಜೀವನ ಆರಂಭವಾಗಿದೆ ಎಂದು. ಈ ರೀತಿಯ ಘಟನೆ ಚಿತ್ರದಲ್ಲಿ ನಡೆಯುವುದರಿಂದ ಚಿತ್ರಕ್ಕೆ "2nd ಲೈಫ್" ಅಂತ ಹೆಸರಿಡಲಾಗಿದೆ ಎಂದು ನಿರ್ದೇಶಕ ರಾಜ್ ದೇವಸಂದ್ರ ತಿಳಿಸಿದರು.
- " class="align-text-top noRightClick twitterSection" data="">
ಈ ಚಿತ್ರ ನಾಯಕ ನಟ ಆದರ್ಶ್ ಗುಂಡುರಾಜ್ ಮಾತನಾಡಿ, ನಾನು ಈ ಹಿಂದೆ "ಸ್ವಾರ್ಥ ರತ್ನ" ಎಂಬ ಚಿತ್ರದಲ್ಲಿ ಅಭನಯಿಸಿದ್ದೆ. ಈಗ "2 nd ಲೈಫ್" ಚಿತ್ರದಲ್ಲಿ ನಟಿಸಿದ್ದೇನೆ. ನಾನು ಮೂಲತಃ ಆಡಿಟರ್. ಮಂಜುಳಾ ರಮೇಶ್ ಅವರು ಬರೆದಿರುವ ಈ ಚಿತ್ರದ ಕಥೆ ಹಿಡಿಸಿತು. ಹಾಗಾಗಿ ಇದರಲ್ಲಿ ನಟಿಸಿದ್ದೇನೆ. ಪಿ.ಆರ್.ಕೆ ಆಡಿಯೋ ಮೂಲಕ ಹಾಡು ಬಿಡುಗಡೆಯಾಗಿದೆ. ಕನ್ನಡ, ತೆಲುಗು ಹಾಗೂ ತಮಿಳು ಮೂರು ಭಾಷೆಗಳಲ್ಲಿ ನಮ್ಮ ಚಿತ್ರ ನಿರ್ಮಾಣವಾಗಿದೆ ಎಂದರು.
ಇದನ್ನೂ ಓದಿ: ಪುನೀತ್ ರಾಜ್‌ಕುಮಾರ್ '2nd ಲೈಫ್' ಚಿತ್ರ ನಿರ್ಮಾಣ ಮಾಡಬೇಕಿತ್ತು: ಆದರ್ಶ್ ಗುಂಡುರಾಜ್
ಇನ್ನೂ ಆದರ್ಶ್ ಜೋಡಿಯಾಗಿ ಸಿಂಧೂರಾವ್ ಅಭಿನಯಿಸಿದ್ದು, ಈ ಚಿತ್ರದಲ್ಲಿ ಅಂಧರ ಪಾತ್ರ ಮಾಡಿದ್ದಾರೆ. ಆರವ್ ರಿಶಿಕ್ ಸಂಗೀತವಿದ್ದು, ರಮೇಶ್ ಕೊಯಿರ ಅವರ ಕ್ಯಾಮರಾ ವರ್ಕ್ ಇದೆ. ಇದರೊಂದಿಗೆ ನಟ ಶಿವ ಪ್ರದೀಪ್ ಹಾಗೂ ನಟ ರುದ್ರಮುನಿ ಈ ಚಿತ್ರದ ಒಂದು ಭಾಗವಾಗಿದ್ದಾರೆ. ನಿರ್ದೇಶಕ ರಾಜ್ ದೇವಸಂದ್ರ ಸಂಭಾಷಣೆ ಬರೆಯೋದರ ಜೊತೆಗೆ ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ. ಬಹುತೇಕ ಚಿತ್ರೀರಕಣ ಮುಗಿಸಿರೋ 2 nd ಲೈಫ್ ಚಿತ್ರವನ್ನು ಜಯಣ್ಣ ಫಿಲಂಸ್ ಹಾಗೂ ಶುಕ್ರ ಫಿಲಂಸ್ ಜಂಟಿಯಾಗಿ ನಿರ್ಮಿಸಿದ್ದು, ಸಿನಿಮಾ ಸದ್ಯದಲ್ಲೇ ತೆರೆಗೆ ಬರಲಿದೆ.
