ಮುಂಬೈ ಕರ್ನಾಟಕದಲ್ಲಿ ಹೇಗಿದೆ ರಾಜಕೀಯ... ಸದ್ಯದ ಸ್ಥಿತಿಗತಿ ಏನು?

ಪ್ರಸ್ತುತ ಮುಂಬೈ ಕರ್ನಾಟಕದಲ್ಲಿ ಬಿಜೆಪಿಯದ್ದೇ ಪ್ರಾಬಲ್ಯ. ಕಳೆದ ವಿಧಾನಸಭೆ ಚುನಾವಣೆ ವೇಳೆಯೂ ಇಲ್ಲಿ ಬಿಜೆಪಿಯೇ ಪ್ರಾಬಲ್ಯ ಮೆರೆದಿದೆ.

ಹುಬ್ಬಳ್ಳಿ: ಹೇಳಿ ಕೇಳಿ ಮುಂಬೈ ಕರ್ನಾಟಕ ಲಿಂಗಾಯತ ರಾಜಕೀಯದ ಅಗ್ರಗಣ್ಯ ನೆಲೆ. ಇನ್ನು ಇಲ್ಲಿ ಸ್ವಾತಂತ್ರ್ಯ ಬಂದು 70 ವರ್ಷ ಕಳೆದರೂ ಕುಡಿವ ನೀರಿನ ಸಮಸ್ಯೆ ಮಾತ್ರ ಬಗೆಹರಿದಿಲ್ಲ, ಇದುವೇ ಈ ಭಾಗದ ಬಹುದೊಡ್ಡ ಸಮಸ್ಯೆ.

ಪ್ರಸ್ತುತ ಮುಂಬೈ ಕರ್ನಾಟಕದಲ್ಲಿ ಬಿಜೆಪಿಯದ್ದೇ ಪ್ರಾಬಲ್ಯ. ಕಳೆದ ವಿಧಾನಸಭೆ ಚುನಾವಣೆ ವೇಳೆಯೂ ಇಲ್ಲಿ ಬಿಜೆಪಿಯೇ ಪ್ರಾಬಲ್ಯ ಮೆರೆದಿದೆ. ಈ ಬಾರಿ ಜೆಡಿಎಸ್​ನೊಂದಿಗೆ ಹೊಂದಾಣಿಕೆ ಮಾಡಿಕೊಂಡಿರುವ ಕಾರಣ ಕಾಂಗ್ರೆಸ್​ಗೆ ಸ್ವಲ್ಪ ಮಟ್ಟಿನ ಲಾಭ ಆದರೂ ಆಗಬಹುದು.

ಲೋಕಸಭಾ ಕ್ಷೇತ್ರಗಳು :
ಬೆಳಗಾವಿ

ಚಿಕ್ಕೋಡಿ

ಧಾರವಾಡ

ಹಾವೇರಿ

ಬಾಗಲಕೋಟೆ

ವಿಜಯಪುರ

ಇಲ್ಲಿನ ವಿಧಾನಸಭೆ ಕ್ಷೇತ್ರಗಳ ಸಂಖ್ಯೆ: 48

ಬಿಜೆಪಿ - 29

ಕಾಂಗ್ರೆಸ್​ - 16

ಜೆಡಿಎಸ್​ - 2

ಪಿ.ಸಿ ಗದ್ದಿಗೌಡರ್

ಮುಂಬೈ ಕರ್ನಾಟಕದಲ್ಲಿ ಕೇಸರಿ ಬ್ರಿಗೇಡ್​​ನದ್ದೇ ಪ್ರಾಬಲ್ಯ..ಕಾಂಗ್ರೆಸ್​ ನಂತರದ ಸ್ಥಾನದಲ್ಲಿದ್ದರೆ, ಜೆಡಿಎಸ್​ ವಿಜಯಪುರ ಜಿಲ್ಲೆಗಷ್ಟೇ ಸೀಮಿತವಾಗಿದೆ.

ಪಕ್ಷ ಎಂಎಲ್​ಎಗಳು ಪ್ರತಿಶತ

ಬಿಜೆಪಿ 29 ಶೇ. 44.66

ಕಾಂಗ್ರೆಸ್​ 16 40.00

ಜೆಡಿಎಸ್​ 02 6.50

ಕೆಪಿಜೆಪಿ 01 ( ರಾಣೆಬೆನ್ನೂರಿನಲ್ಲಿ ಆರ್​.ಶಂಕರ್​ ಗೆಲುವು)

ಚುನಾವಣಾ ಇತಿಹಾಸ: ದಳ ಇಬ್ಭಾಗವಾದ ಬಳಿಕ ಮುಂಬೈ ಕರ್ನಾಟಕದಲ್ಲಿ ಭಾರತೀಯ ಜನತಾಪಕ್ಷ ಬಿಗಿ ಹಿಡಿತ ಸಾಧಿಸಿದೆ. ಇಲ್ಲಿ ಜೆಡಿಎಸ್​​ ಪ್ರಭಾವ ಕೇವಲ ಬೆರಳೆಣಿಕೆಗೆ ಮಾತ್ರ ಸಿಮೀತವಾಗಿದೆ.

1991ರ ಬಳಿಕ ಚಿಕ್ಕೋಡಿಯಲ್ಲಿ ಕಳೆದ ಬಾರಿ( 2014) ರಲ್ಲಿ ಕಾಂಗ್ರೆಸ್​ ಗೆಲುವು ಸಾಧಿಸಿದೆ. ಪ್ರಕಾಶ್​ ಹುಕ್ಕೇರಿ ರಮೇಶ್​ ಕತ್ತಿ ಸೋಲಿಸಿ ಗೆಲುವಿನ ನಗೆ ಬೀರಿದ್ದರು.

ಪ್ರಕಾಶ್ ಹುಕ್ಕೇರಿ

2004ರಲ್ಲಿ ಮೊದಲ ಬಾರಿಗೆ ಜೆಡಿಎಸ್​ ಅಭ್ಯರ್ಥಿ ಕೆ.ಎನ್​.ಸಿದ್ದಪ್ಪ 1.37 ಲಕ್ಷ ಮತ ಪಡೆದು ಮೂರನೇ ಸ್ಥಾನಕ್ಕೆ ಬಂದಿದ್ದರು. ಈ ಪ್ರಾಂತ್ಯದಲ್ಲಿ ಮೊದಲ ಬಾರಿಗೆ ಜೆಡಿಎಸ್​ ಅಭ್ಯರ್ಥಿಯೊಬ್ಬರು 1 ಲಕ್ಷ ಮತ ಪಡೆದ ಹೆಗ್ಗಳಿಕೆ ಹೊಂದಿದ್ದರು.

1996ರ ಬಳಿಕ ಧಾರವಾಡದಲ್ಲಿ ಬಿಜೆಪಿ ಸೋಲು ಕಂಡಿಲ್ಲ. ಈ ಮೊದಲು ಈ ಕ್ಷೇತ್ರ ಧಾರವಾಡ ಉತ್ತರ ಎಂಬ ಹೆಸರು ಹೊಂದಿತ್ತು. ಪ್ರಹ್ಲಾದ್​ ಜೋಶಿ ಮೂರು ಬಾರಿ ಈ ಕ್ಷೇತ್ರದಿಂದ ಗೆಲುವು ಸಾಧಿಸಿದ್ದಾರೆ.

ಪ್ರಹ್ಲಾದ್ ಜೋಶಿ

ಗೆಲುವಿನ ಅಂತರ

ಬಾಗಲಕೋಟೆ ಲೋಕಸಭಾ ಕ್ಷೇತ್ರದಿಂದ 2004 ರಲ್ಲಿ ಪಿಸಿ ಗದ್ದಿಗೌಡರ್​ 1.67 ಲಕ್ಷ ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದರು.

ಕಡಿಮೆ ಅಂತರದ ಗೆಲುವು

2014ರ ಚುನಾವಣೆಯಲ್ಲಿ ಪ್ರಕಾಶ್ ಹುಕ್ಕೇರಿ ರಮೇಶ್​ ಕತ್ತಿ ವಿರುದ್ಧ ಕೇವಲ 3003 ಮತಗಳ ಅಂತರದಿಂದ ಗೆಲುವು ಸಾಧಿಸಿದ್ದರು.