ಸಂಗರೆಡ್ಡಿ (ತೆಲಂಗಾಣ): ಭೂವಿವಾದ ತಾರಕ್ಕೇರಿ ಮಾಜಿ ವಾರ್ಡ್ ಸದಸ್ಯೆಯನ್ನು ಅವರ ಮೈದುನನೇ ದಾರುಣವಾಗಿ ಕೊಲೆ ಮಾಡಿರುವ ಘಟನೆ ತೆಲಂಗಾಣದ ಸಂಗರೆಡ್ಡಿ ಜಿಲ್ಲೆಯಲ್ಲಿ ನಡೆದಿದೆ.
ಮೈದುನನಿಂದಲೇ ಮಾಜಿ ವಾರ್ಡ್ ಸದಸ್ಯೆಯ ಬರ್ಬರ ಹತ್ಯೆ
ಜಹೀರಾಬಾದ್ ಮಂಡಲದ ಪಾಸ್ಟಾಪುರ ನಿವಾಸಿ ಶಬಾನಾ ಬೇಗಂ, ಕೊಲೆಯಾದ ಮಹಿಳೆ. ಶಬಾನಾರ ಪತಿ ಜಹಾಂಗೀರ್ ಹಾಗೂ ಪತಿಯ ಸಹೋದರರಾದ ಯಾಕೂಬ್ ಮತ್ತು ಖಾಜಾ ನಡುವೆ ನಿನ್ನೆ ರಾತ್ರಿ ಜಮೀನಿನ ವಿಚಾರಕ್ಕೆ ಗಲಾಟೆಯಾಗಿದೆ. ಈ ವೇಳೆ ಕತ್ತಿ ಎತ್ತಿಕೊಂಡ ಖಾಜಾ, ಶಬಾನಾರ ಕುತ್ತಿಗೆ ಕತ್ತರಿಸಿದ್ದಾನೆ.
ಇದನ್ನೂ ಓದಿ: ಹಳೇ ದ್ವೇಷ: ಚಾಕುವಿನಿಂದ ಇರಿದು ಗ್ರಾ.ಪಂ. ಸದಸ್ಯನ ಕೊಲೆಗೆ ಯತ್ನ
ಗಂಭೀರವಾಗಿ ಗಾಯಗೊಂಡಿದ್ದ ಶಬಾನರನ್ನು ತಕ್ಷಣವೇ ಆಸ್ಪತ್ರೆಗೆ ಕರೆದೊಯ್ಯಲಾಗಿದ್ದು, ವೈದ್ಯರು ಈಗಾಗಲೇ ಅವರು ಮೃತಪಟ್ಟಿರುವುದಾಗಿ ತಿಳಿಸಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಜಹೀರಾಬಾದ್ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ. ಆರೋಪಿ ಖಾಜಾ ಪರಾರಿಯಾಗಿದ್ದಾನೆ.
