ಜೈಲಿನಲ್ಲೂ ಜೀವ ಬೆದರಿಕೆ: ಮಾಜಿ ಬಿಎಸ್ಪಿ ಸಂಸದ ಧನಂಜಯ್ ಸಿಂಗ್ ಬೇರೆ ಕಾರಾಗೃಹಕ್ಕೆ ಶಿಫ್ಟ್​

ತನ್ನ ಜೀವಕ್ಕೆ ಅಪಾಯವಿದೆ ಎಂದು ಮಾಜಿ ಬಿಎಸ್ಪಿ ಸಂಸದ ಮತ್ತು ಮಾಫಿಯಾ ಡಾನ್ ಧನಂಜಯ್ ಸಿಂಗ್ ಜೈಲಧಿಕಾರಿಗಳಿಗೆ ಪತ್ರ ಬರೆದ ಕಾರಣ ಅವರನ್ನು ಉತ್ತರ ಪ್ರದೇಶದ ಮತ್ತೊಂದು ಜೈಲಿಗೆ ಶಿಫ್ಟ್ ಮಾಡಲಾಗಿದೆ.

ಲಖನೌ (ಉತ್ತರ ಪ್ರದೇಶ): ಮಾಜಿ ಬಿಎಸ್ಪಿ ಸಂಸದ ಮತ್ತು ಮಾಫಿಯಾ ಡಾನ್ ಧನಂಜಯ್ ಸಿಂಗ್​ರನ್ನು ಪ್ರಯಾಗರಾಜ್‌ನ ನೈನಿ ಕೇಂದ್ರ ಕಾರಾಗೃಹದಿಂದ ಫಾರೂಖಾಬಾದ್‌ನ ಫತೇಗಡ್ಸೆಂ​ಟ್ರಲ್​ ಜೈಲಿಗೆ ಸ್ಥಳಾಂತರಿಸಲಾಗಿದೆ.

2017ರ ಗ್ಯಾಂಗ್​ಸ್ಟರ್​ ಅಜಿತ್ ಸಿಂಗ್ ಹತ್ಯೆಗೆ ಸಂಬಂಧಿಸಿದ ಪ್ರಕರಣವೊಂದರಲ್ಲಿ ಲಖನೌ ನ್ಯಾಯಾಲಯ ಜಾಮೀನು ರಹಿತ ವಾರಂಟ್ ಹೊರಡಿಸಿದ ಬಳಿಕ ಧನಂಜಯ್ ಸಿಂಗ್ ಕೋರ್ಟ್​ ಮುಂದೆ ಶರಣಾಗಿದ್ದರು. ಇವರನ್ನು ಪ್ರಯಾಗರಾಜ್‌ನ ನೈನಿ ಕೇಂದ್ರ ಕಾರಾಗೃಹದಲ್ಲಿರಿಸಲಾಗಿತ್ತು.

ಇದನ್ನೂ ಓದಿ: ಕಾರಿಗೆ ಲಾರಿ ಡಿಕ್ಕಿ: ಶಿವರಾತ್ರಿಯಂದೇ ಸಾವಿನ ಮನೆ ಸೇರಿದ ಮೂವರು

ಆದರೆ, ನೈನಿ ಜೈಲಿನಲ್ಲಿ ಧನಂಜಯ್ ಸಿಂಗ್​ ಅವರ ಶತ್ರುಗಳಾದ ಮುಖ್ತಾರ್ ಅನ್ಸಾರಿ ಮತ್ತು ಅಭಯ್ ಸಿಂಗ್ಸ ಸೇರಿ 68 ಹಾರ್ಡ್‌ಕೋರ್ ಅಪರಾಧಿಗಳಿದ್ದಾರೆ. ತನ್ನ ದ್ವೇಷಿಗಳಿಂದ ನನಗೆ ಜೀವ ಬೆದರಿಕೆ ಎಂದು ಆರೋಪಿಸಿ ಜೈಲಧಿಕಾರಿಗಳಿಗೆ ಧನಂಜಯ್ ಸಿಂಗ್​ ಪತ್ರ ಬರೆದಿದ್ದರು. ಹೀಗಾಗಿ ಅವರನ್ನು ಫತೇಗಢ ಕೇಂದ್ರ ಕಾರಾಗೃಹಕ್ಕೆ ಶಿಫ್ಟ್ ಮಾಡಲಾಗಿದೆ.

ಇನ್ನು ಫತೇಘಡ್ ಜೈಲಿನಲ್ಲಿ ಮೂವರು ಮಾಫಿಯಾ ಡಾನ್​ಗಳ ಕೊಲೆ ಮಾಡಿರುವ ಸುನಿಲ್ ರತಿ ಜೊತೆ ಧನಂಜಯ್ ಸಿಂಗ್ ಇರಬೇಕಿದೆ.