ಮೀರತ್‌: ಉತ್ತರ ಪ್ರದೇಶದ ಮೀರತ್‌ ಚುನಾವಣೆ ಚುನಾವಣೆ ಪ್ರಚಾರ ಮುಗಿಸಿ ದೆಹಲಿಗೆ ವಾಪಸ್‌ ಹೋಗುತ್ತಿದ್ದ ಎಐಎಂಐಎಂ ಪಕ್ಷದ ಮುಖ್ಯಸ್ಥ, ಸಂಸದ ಅಸಾದುದ್ದೀನ್‌ ಓವೈಸಿ ಬೆಂಗಾಲುವ ವಾಹನ ಮೇಲೆ ದಾಳಿ ಸಂಬಂಧ ಈ ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
ಗುಂಡಿನ ದಾಳಿ ನಡೆಸಿರುವ ವಿಡಿಯೋ ವೈರಲ್‌ ಆಗಿದ್ದು, ಬೆಚ್ಚಿ ಬೀಳಿಸುವಂತಿದೆ. ಟೋಲ್‌ಗೇಟ್‌ವೊಂದರ ಬಳಿ ಮೊದಲು ಅಸಾದುದ್ದೀನ್‌ ಓವೈಸಿ ಅವರಿದ್ದ ಕಾರಿನ ಮೇಲೆ ಗುಂಡಿನ ದಾಳಿಗೆ ಆರೋಪಿಗಳು ಮುಂದಾಗಿದ್ದಾರೆ. ಈ ವೇಳೆ ಕಾರು ಸ್ವಲ್ಪ ಮುಂದಕ್ಕೆ ಪಾಸ್‌ ಆಗುತ್ತಿದೆ. ಬಳಿಕ ಹಿಂದೆ ಬರುತ್ತಿದ್ದ ಬೆಂಗಾಲುವ ವಾಹನದ ಮೇಲೆ ಗುಂಡಿನ ದಾಳಿ ನಡೆಸಲಾಗಿದೆ.
ಕೆಂಪು ಬಣ್ಣದ ಫುಲ್‌ಓವರ್‌ ಧರಿಸಿದ್ದ ವ್ಯಕ್ತಿ ಓಡೋಡಿ ಬಂದು ಕಾರಿನತ್ತ ಗುಂಡಿನ ದಾಳಿ ನಡೆಸುತ್ತಾನೆ. ಆಗ ಕಾರು ನೇರವಾಗಿ ಆತನತ್ತ ನುಗ್ಗಿ ಬರುತ್ತದೆ. ಕೂಡಲೇ ಆತ ನೆಲಕ್ಕೆ ಬೀಳುತ್ತಾನೆ. ಮತ್ತೆ ಎದ್ದು ಸ್ವಲ್ಪ ಮುಂದಕ್ಕೆ ಹೋಗುತ್ತಾನೆ. ನಂತರ ಬಿಳಿ ಶರ್ಟ್‌ ಧರಿಸಿದ್ದ ವ್ಯಕ್ತಿ ಬೆಂಗಾವಲು ವಾಹನದ ಮೇಲೆ ಗುಂಡು ಹಾರಿಸುತ್ತಾನೆ. ಟೋಲ್‌ಗೇಟ್‌ನಲ್ಲಿದ್ದ ಸಿಸಿ ಕ್ಯಾಮರಾದಲ್ಲಿ ಘಟನೆಯ ದೃಶ್ಯಗಳು ಸೆರೆಯಾಗಿವೆ.
ಇದನ್ನೂ ಓದಿ: ಸಂಸದ ಅಸಾದುದ್ದೀನ್‌ ಓವೈಸಿ ಬೆಂಗಾವಲು ಕಾರಿನ ಮೇಲೆ ಗುಂಡಿನ ದಾಳಿ; ಇಬ್ಬರ ಬಂಧನ
