ನವದೆಹಲಿ : ಗಣರಾಜ್ಯೋತ್ಸವ ಸಮಾರಂಭದಲ್ಲಿ ದೆಹಲಿಯ ರಾಜಪಥದಲ್ಲಿ ನಡೆದ ಎನ್ಸಿಸಿಯ ಪರೇಡ್ನಲ್ಲಿ ಮೈಸೂರಿನ ಪ್ರಮೀಳಾ ಕುನ್ವರ್ ತಂಡದ ನೇತೃತ್ವ ವಹಿಸಿ ಕರುನಾಡಿನ ಕೀರ್ತಿ ಪತಾಕೆ ಹಾರಿಸಿದ್ದಾರೆ.
ಮೈಸೂರಿನ ಮಹಾರಾಣಿ ಕಾಲೇಜಿನಲ್ಲಿ ಬಿಎಸ್ಸಿ ವ್ಯಾಸಂಗ ಮಾಡುತ್ತಿರುವ ಪ್ರಮೀಳಾ ಕುನ್ವರ್ ಅವರ ತಂದೆ ನಗರದ ಕಾಳಿದಾಸ ರಸ್ತೆಯಲ್ಲಿ ಟೀ ಅಂಗಡಿ ನಡೆಸುತ್ತಿದ್ದಾರೆ. ಬಡತನದಲ್ಲಿ ಅರಳಿದ ಪ್ರತಿಭೆ ಪ್ರಮೀಳಾ ಕುನ್ವರ್ ಎನ್ಸಿಸಿಯ ಕೆಡೆಟರ್ಗಳ ಮುಂದಾಳತ್ವ ವಹಿಸಿ ಈಗ ದೇಶದ ಗಮನ ಸೆಳೆದಿದ್ದಾರೆ.
ಪರೇಡ್ಗೆ ಆಯ್ಕೆಯಾದ ದೇಶದ ಎಲ್ಲಾ 17 ಎನ್ಸಿಸಿ ನಿರ್ದೇಶನಾಲಯ ಘಟಕಗಳ ಸೀನಿಯರ್ ವಿಂಗ್ ಕೆಡೆಟರ್ಗಳಿಗೆ ಕಮಾಂಡಿಂಗ್ ಲೀಡರ್ ಆಗಿ ಪ್ರಮೀಳಾ ಕುನ್ವರ್ ಅವರು ಕಾರ್ಯನಿರ್ವಹಿಸುವ ಮೂಲಕ ರಾಜ್ಯದ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ ಎಂದು ಎನ್ಸಿಸಿ ತಿಳಿಸಿದೆ.
ಇದನ್ನೂ ಓದಿ: ಪರೇಡ್ನಲ್ಲಿ ಟ್ಯಾಬ್ಲೋಗಳ ಕಲರವ...ದೆಹಲಿಯ ರಾಜ್ಪಥದಲ್ಲಿ ದೇಶದ ಸಂಸ್ಕೃತಿಯ ಅನಾವರಣ!
