ಮಂಗಳೂರು: ವಿಶ್ವಶಾಂತಿ ಹಾಗೂ ಕೋವಿಡ್ ವಾರಿಯರ್ಸ್ಗೆ ನಮನ ಸಲ್ಲಿಸುವ ಉದ್ದೇಶದಿಂದ ಪುಣೆಯಿಂದ ಕನ್ಯಾಕುಮಾರಿವರೆಗೆ ಸೈಕಲ್ ಜಾಥಾ ಮಾಡುತ್ತಿರುವ ಆರು ಮಂದಿ ವಿದ್ಯಾರ್ಥಿಗಳು ಇದೀಗ ಮಂಗಳೂರು ತಲುಪಿದ್ದಾರೆ.
ಪುಣೆಯಿಂದ ಪ್ರಯಾಣ ಆರಂಭಿಸಿರುವ ಈ ವಿದ್ಯಾರ್ಥಿಗಳು ಈಗಾಗಲೇ ಐದು ದಿನಗಳ ಪ್ರಯಾಣ ಮುಗಿಸಿದ್ದಾರೆ. ನಿತ್ಯವೂ 160 ಕಿ.ಮೀ. ಪ್ರಯಾಣ ಬೆಳೆಸುತ್ತಿದ್ದು, ಮುಂದಿನ ಐದು ದಿನಗಳಲ್ಲಿ ಕನ್ಯಾಕುಮಾರಿ ತಲುಪಲಿದ್ದಾರೆ.
ಸೈಕಲ್ ಜಾಥಾ ಮಾಡುತ್ತಿರುವ ಆರು ಮಂದಿ ವಿದ್ಯಾರ್ಥಿಗಳು
ಪುಣೆಯ ಎಂಐಟಿ- ಎಡಿಟಿ ಯುನಿವರ್ಸಿಟಿ ಹಾಗೂ ಸಿಯುಪಿ ಕಾಲೇಜಿನ ಆರು ವಿದ್ಯಾರ್ಥಿಗಳು ಈ ಸೈಕಲ್ ಸವಾರಿ ಕೈಗೊಂಡಿದ್ದಾರೆ. ಮುಂದಿನ ಐದು ದಿನಗಳಲ್ಲಿ ಇವರು ಕನ್ಯಾಕುಮಾರಿಯ ವಿವೇಕಾನಂದ ರಾಕ್ ಅನ್ನು ತಲುಪಲಿದ್ದು, ಅಲ್ಲಿ ತಮ್ಮ ಸೈಕಲ್ ಜಾಥಾವನ್ನು ಅಂತ್ಯಗೊಳಿಸಲಿದ್ದಾರೆ.
ಕೋವಿಡ್ ಲಾಕ್ಡೌನ್ ಸಂದರ್ಭದಲ್ಲಿ ಜಿಮ್ಗಳು ಬಂದ್ ಆಗಿದ್ದ ವೇಳೆ ಸೈಕಲ್ ಅಭ್ಯಾಸದಲ್ಲಿ ತೊಡಗಿದ್ದ ಈ ವಿದ್ಯಾರ್ಥಿಗಳು, ಇದೀಗ ಸೈಕಲ್ ಜಾಥಾವನ್ನು ಕೈಗೊಂಡು ತಮ್ಮ ಗುರಿ ತಲುಪುತ್ತಿದ್ದಾರೆ.
