ಮಂಗಳೂರು: ಕೇರಳ-ಕಣ್ಣೂರು-ಬೆಂಗಳೂರು ರೈಲಿನಲ್ಲಿ ಮಹಿಳೆಯೋರ್ವರು ಹೃದಯಾಘಾತದಿಂದ ಮೃತಪಟ್ಟ ಘಟನೆ ಇಂದು ರಾತ್ರಿ 8.50ರ ಸುಮಾರಿಗೆ ನಡೆದಿದೆ.
ಕೇರಳದ ಕಣ್ಣೂರಿನ ಆಯಿಷಾ (65) ಹೃದಯಾಘಾತದಿಂದ ಮೃತಪಟ್ಟ ಮಹಿಳೆ.
ಅನಾರೋಗ್ಯದ ಹಿನ್ನೆಲೆಯಲ್ಲಿ ಚಿಕಿತ್ಸೆಗಾಗಿ ಕೇರಳದ ಕಣ್ಣೂರಿನಿಂದ ಮಣಿಪಾಲ ಆಸ್ಪತ್ರೆಗೆ ಕುಟುಂಬದೊಂದಿಗೆ ಬಂದಿದ್ದರು. ಆದರೆ ಮಣಿಪಾಲದಿಂದ ಮರಳಿ ಕೇರಳಕ್ಕೆ ಮಂಗಳೂರು ಮೂಲಕ ರೈಲಿನಲ್ಲಿ ಹೋಗುತ್ತಿರುವಾಗಲೇ ಆಯಿಷಾಗೆ ರೈಲಿನಲ್ಲೇ ಹೃದಯಾಘಾತವಾಗಿದೆ.
ಹೃದಯಾಘಾತದಿಂದ ರೈಲಿನಲ್ಲೇ ಮಹಿಳೆ ಸಾವು
ಮಂಗಳೂರು ರೈಲ್ವೆ ನಿಲ್ದಾಣದಲ್ಲಿ ಪೊಲೀಸರು ರೈಲಿನಿಂದ ಮೃತದೇಹವನ್ನು ಹೊರತೆಗೆದಿದ್ದು, ಈ ಬಗ್ಗೆ ಮಂಗಳೂರು ರೈಲ್ವೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
