ಮಂಗಳೂರು: ಜ. 31ರಂದು ಪಲ್ಸ್ ಪೋಲಿಯೋ ಕಾರ್ಯಕ್ರಮ ನಡೆಯಲಿದ್ದು, ದ.ಕ ಜಿಲ್ಲೆಯಲ್ಲಿ ಈ ಬಾರಿ 1,51,398 ಮಕ್ಕಳಿಗೆ ಲಸಿಕೆ ಹಾಕಲು ಗುರಿ ಇರಿಸಲಾಗಿದೆ ಎಂದು ದ.ಕ ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ರಾಮಚಂದ್ರ ಬಾಯಿರಿ ಹೇಳಿದರು.
ನಗರದ ಪ್ರೆಸ್ ಕ್ಲಬ್ನಲ್ಲಿ ಮಾತನಾಡಿದ ಅವರು, ಬಂಟ್ವಾಳದಲ್ಲಿ 30,352, ಬೆಳ್ತಂಗಡಿ ಯಲ್ಲಿ 19659, ಮಂಗಳೂರಿನಲ್ಲಿ 69,074, ಪುತ್ತೂರಿನಲ್ಲಿ 21,456, ಸುಳ್ಯದಲ್ಲಿ 10,857 ತಾಲೂಕುವಾರು ಮಕ್ಕಳಿಗೆ ಲಸಿಕೆ ಹಾಕಲಾಗುತ್ತದೆ. ಪ್ರತೀ ವರ್ಷದಂತೆ 921 ಲಸಿಕಾ ಬೂತ್ಗಳನ್ನು ತೆಗೆಯಲಾಗುತ್ತದೆ ಎಂದರು.
ಓದಿ-ಶೋಕಿಯಾಗಿ ಕಾಲ ಕಳೆದ ಮೈಸೂರು ರಾಜರು.. ರೆಸಾರ್ಟ್‌ ನಿಗಮದ ಅಧ್ಯಕ್ಷ ಅಪ್ಪಣ್ಣ ಮಾತಿನ ಕಿಡಿ..
ಕೋವಿಡ್ ಮುಂಜಾಗ್ರತೆ ವಹಿಸಿ ಬೆಳಗ್ಗೆ 8ರಿಂದ 5ರ ತನಕ ಲಸಿಕೆ ಹಾಕಲಾಗುತ್ತದೆ. ಹಾಗೂ 6 ಮೊಬೈಲ್ ಲಸಿಕಾ ಬೂತ್ಗಳನ್ನು ಸಹ ಆಯೋಜನೆ ಮಾಡಲಾಗಿದೆ. ರೈಲು ನಿಲ್ದಾಣ, ವಿಮಾನ ನಿಲ್ದಾಣ, ಬಸ್ ತಂಗುದಾಣಗಳು ಸೇರಿದಂತೆ 26 ಟ್ರ್ಯಾಂಸಿಯಂಟ್ ಬೂತ್ಗಳನ್ನು ತೆರೆಯಲಾಗಿದೆ. ಎಲ್ಲರೂ ತಪ್ಪದೆ ತಮ್ಮ ಮಕ್ಕಳಿಗೆ ಪೋಲಿಯೋ ಲಸಿಕೆ ಹಾಕಿಸಬೇಕೆಂದು ವಿನಂತಿ ಮಾಡಿದರು.
ಭಾರತದಲ್ಲಿ 2011 ಜ. 13ರಂದು ಪಶ್ಚಿಮ ಬಂಗಾಲದ ಹೌರಾದಲ್ಲಿ ಕೊನೆಯ ಪೋಲಿಯೋ ಪ್ರಕರಣ ದಾಖಲಾಗಿದೆ. ದ.ಕ ಜಿಲ್ಲೆಯಲ್ಲಿ 1999ನೇ ಇಸವಿಯಲ್ಲಿ ಕೊನೆಯ ಪ್ರಕರಣ ಕಂಡು ಬಂದಿದೆ. ಈ ಮೂಲಕ ಇಡೀ ಭಾರತದಲ್ಲಿ ಹತ್ತು ವರ್ಷಗಳಲ್ಲಿ ಯಾವುದೇ ಪೋಲಿಯೋ ಪ್ರಕರಣಗಳು ವರದಿಯಾಗಿಲ್ಲ ಎಂದು ಡಾ. ರಾಮಚಂದ್ರ ಬಾಯಿರಿ ಮಾಹಿತಿ ನೀಡಿದರು.
