ಕಿಮ್ಸ್ ಆಸ್ಪತ್ರೆಯಿಂದ ಮಾಸ್ಕ್ ಕಳ್ಳತನ: ನರ್ಸ್​ಗೆ ನೋಟಿಸ್

ಮೇಲಧಿಕಾರಿಗಳ ಅನುಮತಿಯಿಲ್ಲದೇ ಫಾತಿಮಾ ಎಂಬ ನರ್ಸ್ ಮುಖ್ಯ ಔಷಧಾಲಯದಿಂದ 100 ಮಾಸ್ಕ್ ಇದ್ದ ಪ್ಯಾಕೆಟ್ ತೆಗೆದುಕೊಂಡು ಹೋಗಿದ್ದರು.‌ ಮಾಸ್ಕ್ ಪ್ಯಾಕೆಟ್ ಕಳ್ಳತನ ಮಾಡಿದ್ದಕ್ಕೆ ಕಿಮ್ಸ್ ನಿರ್ದೇಶಕ ನೋಟಿಸ್ ನೀಡಿದ್ದಾರೆ.

ಹುಬ್ಬಳ್ಳಿ: ಕಿಮ್ಸ್ ಆಸ್ಪತ್ರೆ ಯಿಂದ ಮಾಸ್ಕ್ ಪ್ಯಾಕೆಟ್ ಕಳ್ಳತನ ಮಾಡಿದ ನರ್ಸ್ ​ವೊಬ್ಬರಿಗೆ ಕಿಮ್ಸ್ ನಿರ್ದೇಶಕ ಡಾ. ರಾಮಲಿಂಗಪ್ಪ ನೋಟಿಸ್ ನೀಡಿದ್ದಾರೆ.

ಕಿಮ್ಸ್ ಸಿಬ್ಬಂದಿ ಫಾತಿಮಾ ಸೈಯದ್​ಗೆ ಕಾರಣ ಕೇಳಿ ನೋಟಿಸ್ ನೀಡಲಾಗಿದೆ‌. ಮೇಲಧಿಕಾರಿಗಳ ಅನುಮತಿಯಿಲ್ಲದೇ ಫಾತಿಮಾ ಮುಖ್ಯ ಔಷಧಾಲಯದಿಂದ 100 ಮಾಸ್ಕ್ ಇದ್ದ ಪ್ಯಾಕೆಟ್ ತಗೆದುಕೊಂಡು ಹೋಗಿದ್ದರು.‌

ನರ್ಸ್​ಗೆ ನೋಟಿಸ್

ಈ ಬಗ್ಗೆ ಕಿಮ್ಸ್ ಅಧಿಕಾರಿಗಳು ಪ್ರಶ್ನಿಸಿದರೆ ಇಲ್ಲ ಎಂದಿದ್ದರು. ಆದರೆ ಸಿಸಿಟಿವಿಯಲ್ಲಿ ಫಾತಿಮಾ ಪ್ಯಾಕೆಟ್ ತಗೆದುಕೊಂಡು ಹೋಗುವುದು ಸೆರೆಯಾಗಿದೆ. ಹೀಗಾಗಿ ಕಾರಣ ಕೇಳಿ ಕಿಮ್ಸ್ ನಿರ್ದೇಶಕ ಡಾ.ರಾಮಲಿಂಗಪ್ಪ ನೋಟಿಸ್ ನೀಡಿದ್ದಾರೆ.