ಹುಬ್ಬಳ್ಳಿ: ಎಸ್ಬಿಐನ ಯೊನೊ ಆ್ಯಪ್ ಅಪ್ಡೇಟ್ ಮಾಡಬೇಕು ಎಂದು ಕರೆ ಮಾಡಿದ ವ್ಯಕ್ತಿ ಧಾರವಾಡ ಮಹಿಳೆಯೊಬ್ಬರಿಗೆ 3.94.690 ರೂ. ವಂಚಿಸಿದ್ದಾನೆ.
ಧಾರವಾಡ ಡಾ. ಅನುಶ್ರೀ ಅಗ್ನಿಹೋತ್ರ ಎಂಬುವರಿಗೆ ಅಪರಿಚಿತ ವ್ಯಕ್ತಿ ನಿಮ್ಮ ಎಸ್ಬಿಐ ಆ್ಯಪ್ ಸದ್ಯದಲ್ಲೇ ಸ್ಥಗಿತವಾಗುತ್ತದೆ. ತಕ್ಷಣ ನೀವು ಆ್ಯಪ್ ಅಪ್ಡೇಟ್ ಮಾಡಬೇಕು ಎಂದು ಸಂದೇಶ ಕಳುಹಿಸಿದ್ದಾನೆ. ಸಂದೇಶದಲ್ಲಿರುವ ಲಿಂಕ್ ನಂಬಿದ ಮಹಿಳೆ ಲಿಂಕ್ಗೆ ಪಾನ್ ಕಾರ್ಡ್ ನಂಬರ್, ಜನ್ಮ ದಿನಾಂಕ ಮತ್ತು ಒಟಿಪಿ ಹಾಕಿ ಸಬ್ಮಿಟ್ ಮಾಡಿದ್ದಾರೆ.
ಅದಾದ ಬಳಿಕ ಅವರ ಬ್ಯಾಂಕ್ ಖಾತೆಯಲ್ಲಿ ಇದ್ದ ಹಣವನ್ನು ಹಂತ ಹಂತವಾಗಿ ವರ್ಗಾಯಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಈ ಸಂಬಂಧ ಸೈಬರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ: ಚಿಕ್ಕಬಳ್ಳಾಪುರ ಬಳಿ ಭೀಕರ ಅಪಘಾತ: ಶಬರಿಮಲೈ ಯಾತ್ರಿ ಸಾವು, ಇಬ್ಬರ ಸ್ಥಿತಿ ಗಂಭೀರ
