ಧಾರವಾಡ: ಜಿಲ್ಲೆಯ ನವಲಗುಂದ ಪಟ್ಟಣದಲ್ಲಿ ನಡೆದ ಕಾಂಗ್ರೆಸ್ ಸಮಾವೇಶದಲ್ಲಿ ಸಿ.ಎಂ.ಇಬ್ರಾಹಿಂ ಪ್ರಧಾನಿ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದರು.
ಸಮಾವೇಶದಲ್ಲಿ ಮಾತನಾಡುತ್ತಿರುವಾಗ ಮೋದಿ ನೀನು ಹೋದಿ, ಕೊನೆಗೆ ಆಗುವೆ ನೀ ಬೂದಿ ಎಂದು ಹೇಳಿದರು. ಎಬಿವಿಪಿ ಹುಡುಗ್ರು ಈಗ ಮೋದಿ ಮೋದಿ ಅಂತಿದ್ದಾರೆ. ಆದರೆ ವಿಜಯಪುರ ಕಡೆ ಮೋದಿ ನೀ ಹೋದಿ, ಹೋದಿ ಅಂತಿದ್ದಾರೆ. ಈ ಮೋದಿ ನೀ ಹೋದಿ ಕೊನೆಗೆ ನೀ ಆದೆ ಬೂದಿ. ಹಾಲು ಕುಡಿದ ಮಕ್ಕಳೆ ಬದುಕಲ್ಲ, ಇನ್ನು ವಿಷ ಕೂಡಿದ ಮಕ್ಕಳು ಬದುಕ್ತಾರಾ ಎಂದು ಹೇಳಿದರು.
ಮೋದಿಗೆ ಯಾರಾದ್ರೂ ಐಕಾನ್ ಇದ್ದಾರಾ?, ಅಮಿತ್ ಶಾ ಮತ್ತು ಮೋದಿ ಇಬ್ಬರೇ ಬಿಜೆಪಿಯಲ್ಲಿದ್ದಾರೆ. ಇವರಿಬ್ಬರು ಬಿಜೆಪಿಗೆ ಶುಂಭ-ನಿಶುಂಭ ಇದ್ದಂತೆ ಎಂದು ಹರಿಹಾಯ್ದಿದ್ದಾರೆ. ಮೋದಿ ಸತ್ತ ಮೇಲೆ ಯಾರು ಅಂತಾ ನಾ ಅಮಿತ್ ಶಾ ನಾ ಕೇಳಬಯಸುವೆ. ನಮ್ಮ ಕಡೆ ಮಮತಾ ಹೋದ್ರೆ ಮಯಾವತಿ ಇದ್ದಾರೆ. ಮಾಯಾವತಿ ಹೋದರೆ ಚಂದ್ರಬಾಬು ನಾಯ್ಡು ಇದ್ದಾರೆ. ಇವರೆಲ್ಲ ಹೋದರೆ ನಮ್ಮ ಕಡೆ ರಾಹುಲ್‌ ಗಾಂಧಿ ಇದಾರೆ. ಆದರೆ ಅಂತಹ ಒಂದು ಪೀಸ್ ಕೂಡ ಬಿಜೆಪಿಯಲ್ಲಿ ಇಲ್ಲ ಎಂದು ಮಾತನಾಡಿದ್ದಾರೆ.
