ಧಾರವಾಡ ಜಿಲ್ಲೆಯಲ್ಲಿ ಮತ್ತೊಂದು ಪ್ರಕರಣ: ಸೋಂಕಿತರ ಸಂಖ್ಯೆ 10ಕ್ಕೇರಿಕೆ

ಕಳೆದ ಒಂದು ವಾರದಿಂದ ಯಾವುದೇ ಪ್ರಕರಣ ದಾಖಲಾಗದೇ ಆರೆಂಜ್ ಝೋನ್ ಗೆ ತಿರುಗಿದ್ದ ಧಾರವಾಡ ಜಿಲ್ಲೆಯಲ್ಲಿ ಮತ್ತೊಂದು ಕೊರೊನಾ ವೈರಸ್ ಪ್ರಕರಣ ದೃಢಪಟ್ಟಿದೆ.

ಹುಬ್ಬಳ್ಳಿ: ಕಳೆದ ಒಂದು ವಾರದಿಂದ ಯಾವುದೇ ಪ್ರಕರಣ ದಾಖಲಾಗದೇ ಆರೆಂಜ್ ಝೋನ್ ಗೆ ತಿರುಗಿದ್ದ ಧಾರವಾಡ ಜಿಲ್ಲೆಯಲ್ಲಿ ಮತ್ತೊಂದು ಕೊರೊನಾ ವೈರಸ್ ಪ್ರಕರಣ ದೃಢಪಟ್ಟಿದೆ.

ಧಾರವಾಡ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 10ಕ್ಕೆ ಏರಿದ್ದು, 57 ವರ್ಷದ ವ್ಯಕ್ತಿಗೆ (ಪಿ. 589) ಸೋಂಕು ಧೃಢಪಟ್ಟಿದ್ದು, ಧಾರವಾಡ ಜಿಲ್ಲೆಯಲ್ಲಿ ಮತ್ತೆ ಆತಂಕವನ್ನು ಸೃಷ್ಟಿಸಿದೆ. ರೋಗ ಲಕ್ಷಣ ಕಂಡುಬಂದ ಹಿನ್ನೆಲೆಯಲ್ಲಿ ವ್ಯಕ್ತಿಯನ್ನು ತಪಾಸಣೆಗೆ ಒಳಪಡಿಸಲಾಗಿತ್ತು. ಇಂದು 57 ವರ್ಷದ ಸೋಂಕಿತನ ವರದಿ ವೈದ್ಯರ ಕೈ ಸೇರಿದ್ದು, ಸೋಂಕಿತ ವ್ಯಕ್ತಿಯ‌ ಟ್ರಾವೆಲ್ ಹಿಸ್ಟರಿಗಾಗಿ ಜಿಲ್ಲಾಡಳಿತ ‌ತಡಕಾಡುತ್ತಿದೆ.