ಜಿಲ್ಲಾಧಿಕಾರಿ ಆದೇಶ ಧಿಕ್ಕರಿಸಿ ಹಿಂಬಾಗಿಲಿನಿಂದ ಮದ್ಯ ಮಾರಾಟ ಆರೋಪ

ಕೊರೊನಾ ಭೀತಿಯಿಂದ ಧಾರವಾಡದಲ್ಲಿ ಬಾರ್‌ ಹಾಗೂ ಮದ್ಯದ ಅಂಗಡಿ‌ ನಿಷೇಧಿಸಿ ‌ಜಿಲ್ಲಾಧಿಕಾರಿ ದೀಪಾ‌ ಚೋಳನ್​ ಆದೇಶದ ಹೊರಡಿಸಿದ ಹಿನ್ನೆಲೆ ಧಾರವಾಡದ ಬಾರ್​ವೊಂದರಲ್ಲಿ ಹಿಂಬಾಗಿಲಿನಿಂದ ಮದ್ಯ ಮಾರಾಟ ಮಾಡಿದ ಆರೋಪ ಕೇಳಿಬಂದಿದೆ.

ಧಾರವಾಡ: ಕೊರೊನಾ ಭೀತಿಯಿಂದ ಧಾರವಾಡದಲ್ಲಿ ಬಾರ್‌ ಹಾಗೂ ಮದ್ಯದ ಅಂಗಡಿ‌ ನಿಷೇಧಿಸಿ ‌ಜಿಲ್ಲಾಧಿಕಾರಿ ದೀಪಾ‌ ಚೋಳನ್​ ಆದೇಶದ ಹೊರಡಿಸಿದ್ದರೂ ಸಹ ಬಾರ್​ವೊಂದರಲ್ಲಿ ಹಿಂಬಾಗಿಲಿನಿಂದ ಮದ್ಯ ಮಾರಾಟ ಮಾಡಿದ ಆರೋಪ ಕೇಳಿಬಂದಿದೆ.

ಧಾರವಾಡದ ಬಾರ್ ಅಂಗಡಿಯವರು ಜಿಲ್ಲಾಧಿಕಾರಿ ಆದೇಶಕ್ಕೂ ಕೂಡ ಬೆಲೆ‌ ಕೊಟ್ಟಿಲ್ಲ ಎನ್ನಲಾಗಿದೆ. ಬಾರ್ ಹಾಗೂ ಮದ್ಯದಂಗಡಿ ಬಂದ್ ಎಂದು ಜಿಲ್ಲಾಧಿಕಾರಿ ‌ಆದೇಶ ಹೊರಡಿಸುತ್ತಿದ್ದಂತೆ ಅಪ್ಸರಾ ಬಾರ್​ನವರು ಮುಂಭಾಗ ಅಂಗಡಿ ಬಂದ್ ಮಾಡಿ, ಹಿಂಬಾಗಿಲಿನಿಂದ ಮದ್ಯ ಮಾರಾಟ ಮಾಡಿದ್ದಾರೆ ಎನ್ನಲಾಗಿದೆ.

ಜಿಲ್ಲೆಯಲ್ಲಿ ಕೊರೊನಾ ಹರಡುವ ಭೀತಿ ಹಿನ್ನೆಲೆ ಜಿಲ್ಲಾಧಿಕಾರಿ ದೀಪಾ ಚೋಳನ್​ ಅವರು ಹೋಟೆಲ್, ಬಾರ್ ಹಾಗೂ ಮದ್ಯದ ಅಂಗಡಿಗಳನ್ನು ಇಂದಿನಿಂದ ಮಾರ್ಚ್ 31ರ ವರೆಗೆ ಬಂದ್ ಮಾಡಿ‌ ಆದೇಶ ಹೊರಡಿಸಿದ್ದಾರೆ.