ದಾವಣಗೆರೆ: ಸಂಸದ ಜಿ.ಎಂ.ಸಿದ್ದೇಶ್ವರ್ ಪೆಟ್ರೋಲ್ ಬಗ್ಗೆ ಮಾತನಾಡಿ ಸಾಕಷ್ಟು ನಗೆಪಾಟಲಿಗೀಡಾಗಿದ್ದಾರೆ. ಇದೀಗ ಪದೇ ಪದೇ ಪೆಟ್ರೋಲ್ ಬಗ್ಗೆ ಕೇಳಿ ನನ್ನನ್ನು ಟ್ರೋಲ್ ಮಾಡಬೇಡಿ ಮಾರಾಯ ಎಂದು ನಗುತ್ತಲೇ ಮನವಿ ಮಾಡಿದ್ದಾರೆ.
ಸಂಸದ ಜಿ.ಎಂ.ಸಿದ್ದೇಶ್ವರ್
ದಾವಣಗೆರೆಯಲ್ಲಿ ಮಾತನಾಡಿದ ಅವರು, ಹಣಕಾಸು ಸಚಿವರ ಜಿಎಸ್ಟಿ ಸಭೆ ನಡೆದಿರುವುದು ನನಗೆ ಗೊತ್ತೇ ಇಲ್ಲ. ಅದರಲ್ಲಿಯೂ ಜಿಎಸ್ಟಿ ವ್ಯಾಪ್ತಿಗೆ ಪೆಟ್ರೋಲ್ ತರುವ ವಿಚಾರ ಕೂಡ ಗೊತ್ತಿಲ್ಲ. ಎಲ್ಲಾ ರಾಜ್ಯಗಳು ಒಪ್ಪಿದರೆ ಈ ಕೆಲಸ ಆಗಬಹುದು, ಆದರೆ ಕೋವಿಡ್ ಹಿನ್ನೆಲೆ ಈ ಕೆಲಸ ಅಸಾಧ್ಯ ಎಂದರು.
ಪೆಟ್ರೋಲ್ ವಿಚಾರ ಬಿಟ್ಟು ನಮ್ಮ ಸಾಧನೆಗಳ ಬಗ್ಗೆ ಪ್ರಶ್ನೆ ಕೇಳಿ ಎಂದು ಪತ್ರಕರ್ತರ ಮೇಲೆ ಗರಂ ಆದ ಸಿದ್ದೇಶ್ವರ್, ಶಾಸಕ ಉತ್ನಾಳ್ ಬಗ್ಗೆ ಮಾತನಾಡಿ, ಯತ್ನಾಳ್ ಬುದ್ದಿವಂತ. ಒಳ್ಳೆ ಸುದ್ದಿಯನ್ನು ಆ ದೇವರು ಕೊಡಲಿ ಎಂದರು.
