ಬೆಂಗಳೂರು: ಇಂದು ರಾಷ್ಟ್ರೀಯ ವೈದ್ಯರ ದಿನ. ಕೊರೊನಾ ಸೋಂಕಿನ ವಿರುದ್ಧ ಹೋರಾಡುತ್ತಿರುವ ಎಲ್ಲಾ ವೈದ್ಯರಿಗೂ ಬಿ.ಸಿ.ರಾಯ್ ಅವರ ಮನೋಸ್ಥೈರ್ಯ ಸಿಗಲಿ ಎಂದು ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ ಸೇವೆಸಲ್ಲಿಸುತ್ತಿರುವ ಡಾ.ನಮೃತಾ ತಿಳಿಸಿದ್ದಾರೆ.
ಎಲ್ಲಾ ವೈದ್ಯರಿಗೂ ಬಿ.ಸಿ.ರಾಯ್ ಅವರ ಮನೋಸ್ಥೈರ್ಯ ಸಿಗಲಿ...ಡಾ.ನಮೃತಾ
ಈಟಿವಿ ಭಾರತದೊಂದಿಗೆ ಮಾತನಾಡಿದ ಅವರು, ಕೊರೊನಾ ವಿರುದ್ಧ ಮುನ್ನುಗ್ಗಿ, ಮುಂದೆ ನಿಂತು ಹೋರಾಡುತ್ತಿದ್ದೇವೆ. ನಮ್ಮನ್ನ ನಾವು ರಕ್ಷಣೆ ಮಾಡಿಕೊಳ್ಳಲು ಪಿಪಿಇ ಕಿಟ್ ಹಾಕುತ್ತೇವೆ. ಪಿಪಿಇ ಕಿಟ್ ಧರಿಸಿ ಕೆಲಸ ಮಾಡುವುದು ಅಷ್ಟು ಸುಲಭವಲ್ಲ. ಉಸಿರಾಡಲು ಜಾಗವೂ ಇರಲ್ಲ. ತಲೆಸುತ್ತು ಬಂದು ಬಿದ್ದಿದೇವೆ. ಆರು ಗಂಟೆ ನೀರು, ಊಟ ಏನೂ ಸೇವಿಸುವ ಹಾಗಿಲ್ಲ. ದೈಹಿಕ ಮತ್ತು ಮಾನಸಿಕ ದಂಡನೆ ಇದ್ದರೂ ಕಷ್ಟ ಅಂದುಕೊಳ್ಳುವುದಿಲ್ಲ. ಕೊರೊನಾ ಸೋಂಕಿತರನ್ನ ಗುಣಪಡಿಸುವುದು ನಮ್ಮ ಉದ್ದೇಶ ಎಂದರು.
