ಮಲ್ಲಿಕಾರ್ಜುನ ಖರ್ಗೆ ಶಾಸ್ತ್ರ ಹೇಳೋದು ಗೊತ್ತಿರಲಿಲ್ಲ, ಮೊನ್ನೆಯಷ್ಟೇ ಗೊತ್ತಾಯ್ತು: ವಿ.ಸೋಮಣ್ಣ

ಇಂದು ಉಪ ಚುನಾವಣಾ ಬಹಿರಂಗ ಪ್ರಚಾರ ಅಂತ್ಯ ಹಿನ್ನೆಲೆ ಬೂತ್ ಮಟ್ಟದ ಕಾರ್ಯಕರ್ತರ ಜೊತೆ ವಿ.ಸೋಮಣ್ಣ, ಬಿಜೆಪಿ ಅಭ್ಯರ್ಥಿ ಗೋಪಾಲಯ್ಯ ನಿವಾಸದಲ್ಲಿ ಸಭೆ ನಡೆಸಿದರು.

ಬೆಂಗಳೂರು: ಇಂದು ಉಪ ಚುನಾವಣಾ ಬಹಿರಂಗ ಪ್ರಚಾರ ಅಂತ್ಯ ಹಿನ್ನೆಲೆ ಬೂತ್ ಮಟ್ಟದ ಕಾರ್ಯಕರ್ತರ ಜೊತೆ ವಿ.ಸೋಮಣ್ಣ, ಬಿಜೆಪಿ ಅಭ್ಯರ್ಥಿ ಗೋಪಾಲಯ್ಯ ನಿವಾಸದಲ್ಲಿ ಸಭೆ ನಡೆಸಿದರು.

ಇನ್ನು ಡಿ. 9ರ ನಂತರ ಗುಡ್ ನ್ಯೂಸ್ ಕೊಡ್ತೇನೆ ಅಂತ ಖರ್ಗೆ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿದ ಅವರು, ಮಲ್ಲಿಕಾರ್ಜುನ ಖರ್ಗೆಯವರು ಶಾಸ್ತ್ರ ಹೇಳೋದು ಗೊತ್ತಿರಲಿಲ್ಲ. ಮೊನ್ನೆ ಅವರು ಹೇಳಿದ ಮೇಲೆ ಗೊತ್ತಾಯ್ತು. ಆದ್ರೆ ಸೋಲೇ ಕಾಣದ ಅವ್ರೇ ಈ ಬಾರಿ ಸೋತು ಹೋಗಿದ್ದಾರೆ ಎಂದರು. ರಾಜಕೀಯದಲ್ಲಿ ಯಾವ ಬದಲಾವಣೆ ಆಗಲ್ಲ. ಅವರವರೇ ಕಿತ್ತಾಡೋದು, ಇದೇ ಅವರು ಕೊಡೋ ಗುಡ್ ನ್ಯೂಸ್ ಬಿಟ್ರೆ ಬೇರೆ ಏನೂ ಕೊಡೋಕೆ ಆಗಲ್ಲ ಎಂದು ವಸತಿ ಸಚಿವ ವಿ.ಸೋಮಣ್ಣ ಟಾಂಗ್ ನೀಡಿದರು. ಗೋಪಾಲಯ್ಯ ಅವರು ಮಹಾಲಕ್ಷ್ಮಿ ಲೇಔಟ್​​​ಗೆ ದೊಡ್ಡ ಕೊಡುಗೆ ಕೊಟ್ಟಿದ್ದಾರೆ. ಬಡವರಿಗೆ ಬೇಕಾದ ಎಲ್ಲಾ ಸವಲತ್ತು ನೀಡಿದ್ದಾರೆ. ಹೀಗಾಗಿ ಗೋಪಾಲಯ್ಯ ಜೆಡಿಎಸ್ ಭದ್ರಕೋಟೆಯಲ್ಲಿ ಬಿಜೆಪಿ ಬಾವುಟ ಹಾರಿಸುತ್ತಾರೆ ಎಂದರು.