ಬೆಂಗಳೂರು: ರಾಷ್ಟ್ರೀಯ, ಧಾರ್ಮಿಕ ಹಬ್ಬಗಳು ಸೇರಿದಂತೆ ಎಲ್ಲಾ ರಜಾ ದಿನಗಳಲ್ಲಿ ದುಡಿಯುವ ಬಿಎಂಟಿಸಿ ಬಸ್ ಚಾಲಕ, ನಿರ್ವಾಹಕರಿಗೆ ಈ ಬಾರಿ ತಿಂಗಳ ವೇತನ ಸಿಗದೆ ಆಯುಧ ಪೂಜೆ ಸಂಭ್ರಮವೇ ಕಮರಿ ಹೋಗಿದೆ.
ಆಡಳಿತ ವರ್ಗವನ್ನು ಕೇಳಿದರೆ ಸಾಲು ಸಾಲು ರಜೆ ಇರುವ ಕಾರಣ ವೇತನ ವಿಳಂಬವಾಗುತ್ತಿದೆ ಎಂದು ತಿಳಿಸಿದೆ. ಬಿಎಂಟಿಸಿ ಆಡಳಿತ ವರ್ಗವು ಆಯುಧ ಪೂಜೆಗೆ ಪ್ರತಿ ಬಸ್ನ ಪೂಜೆಗೆ ಕೇವಲ ₹ 100 ನೀಡಿದ್ದು, ಇತ್ತ ಸಂಬಳವೂ ಇಲ್ಲದೇ ಈ ದುಬಾರಿ ದುನಿಯಾದಲ್ಲಿ ಸಂಸ್ಥೆ ನೀಡಿರುವ ₹100 ಪೂಜೆ ಮಾಡಲು ಸಾಧ್ಯವಾಗುತ್ತಾ ಎಂಬ ಪ್ರಶ್ನೆ ಉದ್ಭವಿಸಿದೆ.
ಮೆಕ್ಯಾನಿಕ್ಗಳಿಗೆ 1ರಂದು, ಚಾಲಕರಿಗೆ 6ರಂದು, ನಿರ್ವಾಹಕರಿಗೆ 9ನೇ ತಾರೀಖಿನಂದು ವೇತನ ಆಗಬೇಕಿತ್ತು. ಆದರೆ ಸೆಪ್ಟೆಂಬರ್ ತಿಂಗಳ ವೇತನ 10ರಂದು ಆಗಲಿದೆ ಎನ್ನಲಾಗಿದೆ.
