ಬೆಂಗಳೂರು: ವರ್ಷದ ಮೊದಲನೇ ಹಬ್ಬವಾದ ಸಂಕ್ರಾಂತಿಗೆ ಇನ್ನೇನು ಕೆಲವೇ ದಿನಗಳು ಬಾಕಿ ಇದ್ದು, ಸಂಕ್ರಾತಿಯ ವಿಶೇಷ ಸಿಹಿ ಕಬ್ಬು ಕೊಳ್ಳಲು ಮಾರುಕಟ್ಟೆಯಲ್ಲಿ ಗ್ರಾಹಕರಿಲ್ಲದೇ ವ್ಯಾಪಾರಸ್ಥರು ಕಂಗಾಲಾಗಿದ್ದಾರೆ.
ಕಂಗಾಲಾದ ಕಬ್ಬು ಬೆಳೆಗಾರರು ಮತ್ತು ವ್ಯಾಪಾರಸ್ಥರು
ಓದಿ: ರಾಜ್ಯದಲ್ಲಿಂದು 792 ಮಂದಿಗೆ ಕೊರೊನಾ: 2 ಸೋಂಕಿತರು ಬಲಿ
ಪ್ರತೀ ವರ್ಷ ಜನವರಿ ತಿಂಗಳ ಆರಂಭದಲ್ಲೇ ಹಬ್ಬಕ್ಕೆ 2 ವಾರಗಳ ಮುಂಚೆಯೇ ಮಂಡ್ಯದಿಂದ ರೈತರು ಬೆಳೆದ ಸುಮಾರು 15-16 ಲೋಡ್ ಕಬ್ಬು ಬೆಂಗಳೂರಿಗೆ ಸರಬರಾಜು ಮಾಡಲಾಗುತ್ತಿತ್ತು. ಆದರೆ ಈ ಬಾರಿ ಹಬ್ಬಕ್ಕೆ ಮೂರು ದಿನ ಬಾಕಿ ಇದ್ದರೂ ನಗರಕ್ಕೆ ಬಂದಿರೋದು ಕೇವಲ ಒಂದೇ ಲೋಡ್ ಕಬ್ಬು ಮಾತ್ರ.
ಕೊರೊನಾ ಕಾರಣದಿಂದಾಗಿ ಲಾಕ್‌ಡೌನ್ ಸಮಯದಲ್ಲಿ ರೈತರಿಗೆ ಕಬ್ಬು ಬೆಳೆಯಲು ಸರಿಯಾದ ಸವಲತ್ತುಗಳು ಸಿಗದೇ ಈ ಬಾರಿ ಕಬ್ಬು ಬೆಳೆ ಕೂಡ ಕಡಿಮೆಯಾಗಿದೆ. ಇನ್ನು ಕಬ್ಬು ಬೆಳೆ ಕಡಿಮೆ ಮತ್ತು ಬೆಲೆ ಹೆಚ್ಚಾದ ಕಾರಣ ಗ್ರಾಹಕರೂ ಕೂಡ ಕಬ್ಬು ಕೊಳ್ಳಲು ಮಾರುಕಟ್ಟೆಗೆ ಬರುತ್ತಿಲ್ಲ. ಇದರಿಂದ ರೈತರಿಗೆ ಹಾಗೂ ವ್ಯಾಪಾರಸ್ಥರಿಗೆ ತುಂಬಾ ನಷ್ಟವಾಗುತ್ತಿದೆ.
