ಬೆಂಗಳೂರು: ರಾಜೀನಾಮೆ ನೀಡಿದ ಪಕ್ಷೇತರ ಶಾಸಕನ ವಿರುದ್ಧ ಅರಸೀಕೆರೆ ಶಾಸಕ ಶಿವಲಿಂಗೇಗೌಡ ಕಿಡಿಕಾರಿದ್ದಾರೆ. ಖಾಸಗಿ ಹೋಟೆಲ್ನಲ್ಲಿ ಸಿಎಂ ನೇತೃತ್ವದ ಸಭೆ ಮುಗಿಸಿ ಹೊರಬಂದು ಮಾತನಾಡಿದ ಅವರು, ಸಚಿವರಾಗಿ 15 ದಿನ ಆಗಿಲ್ಲ. ರಾಜೀನಾಮೆ ಕೊಟ್ಟಿದ್ದಾರೆ. ಥೂ ನಾಚಿಗೆ ಆಗಬೇಕು. ಬಿಜೆಪಿಯವರಿಗೆ ಮಾನ ಮರ್ಯಾದೆ ಇಲ್ಲ ಎಂದು ವಾಗ್ದಾಳಿ ನಡೆಸಿದರು.
ರಾಜೀನಾಮೆ ನೀಡಿರುವವರ ವಿರುದ್ಧ ವಾಗ್ದಾಳಿ ನಡೆಸುತ್ತಿರುವ ಶಿವಲಿಂಗೇಗೌಡ
105 ಸ್ಥಾನದಲ್ಲಿರುವ ಬಿಜೆಪಿಯ ಸಂಖ್ಯೆ 113 ಆಗುತ್ತಾ ಎಂದು ಪ್ರಶ್ನಿಸಿದ ಅವರು, 105 ಸೀಟು ತಗೊಂಡಿದ್ದಾರೆ ಎಂದು ಕುಣಿಯುತ್ತಿದ್ದಾರೆ. ಯಾರೂ ಕೂಡ ನಮ್ಮನ್ನ ಎದುರಿಸೋಕೆ ಆಗಲ್ಲ ಎಂದು ವಿಶ್ವಾಸ ವ್ಯಕ್ತಪಡಿಸಿದರು. ವಿಶ್ವನಾಥ್ ಯಾಕೆ ಹೋದರು, ಯಾವ ಮಣ್ಣು ತಿಂದ್ರೋ? ನಮಗೆಲ್ಲಾ ದ್ರೋಹ ಮಾಡಿದ್ದಾರೆ. ಗೋಪಾಲಯ್ಯದು ಎರಡನೇ ಟ್ರಿಪ್. ಮುಂಬೈಗೆ ಹೋದವರನ್ನ ಕ್ಯಾಕರಿಸಿ ಉಗೀಬೇಕು. ಆತ್ಮಸಾಕ್ಷಿ ಇರೋರು ಇರ್ತಾರೆ, ಇಲ್ಲದೇ ಇರೋರು ಹೋಗ್ತಾರೆ. ನಾನು ಯಾವ್ ಬಾಗಿಲಿಗೂ ಹೋಗಲ್ಲ, ಪ್ರಾಮಾಣಿಕವಾಗಿ ಇರುತ್ತೇನೆ ಎಂದು ಹೇಳಿದರು.
