ಕೊರೊನಾ ಸೋಂಕು ಹಿನ್ನೆಲೆ: ಟ್ರಾಮಾ ಸೆಂಟರ್​ಗೆ ಶಿಫ್ಟ್ ಆದ ಶಶಿಕಲಾ

ತಮಿಳುನಾಡು ಮಾಜಿ ಮುಖ್ಯಮಂತ್ರಿ ದಿ.ಜಯಲಲಿತಾ ಆಪ್ತೆ‌ ಶಶಿಕಲಾ ​​​ನಟರಾಜನ್ ಅವ​ರನ್ನು​ ವಿಕ್ಟೋರಿಯಾ ಆಸ್ಪತ್ರೆ ಆವರಣದ ಟ್ರಾಮಾ ಸೆಂಟರ್​ಗೆ ವರ್ಗಾಯಿಸಿ ಕ್ವಾರಂಟೈನ್​ ಮಾಡಲಾಗಿದೆ.

ಬೆಂಗಳೂರು: ಕೊರೊನಾ ಸೋಂಕಿನಿಂದ ಬಳಲುತ್ತಿರುವ ಶಶಿಕಲಾ ನಟರಾಜನ್​ರನ್ನು​ ವಿಕ್ಟೋರಿಯಾ ಆಸ್ಪತ್ರೆ ಆವರಣದ ಟ್ರಾಮಾ ಸೆಂಟರ್​ಗೆ ವರ್ಗಾಯಿಸಿ ಕ್ವಾರಂಟೈನ್​ ಮಾಡಲಾಗಿದೆ.

ನಿನ್ನೆ ಸಂಜೆ ಶಶಿಕಲಾಗೆ ಕೊರೊನಾ ಸೋಂಕು ದೃಢಪಡುತ್ತಿದ್ದಂತೆ ಐಸಿಯು ವಾರ್ಡ್​ಗೆ ಶಿಫ್ಟ್ ಮಾಡಿ, ಕೃತಕ ಉಸಿರಾಟ ವ್ಯವಸ್ಥೆ ಮಾಡಲಾಗಿದೆ‌‌. ಜೊತೆಗೆ ವಿಶೇಷ ಕೊರೊನಾ ನಿಗಾ ಕೇಂದ್ರಕ್ಕೆ ವರ್ಗಾಯಿಸಲಾಗಿದೆ‌.

ಕೊರೊನಾ ಹಿನ್ನೆಲೆ, ಶಶಿಕಲಾಗೆ ಶ್ವಾಸಕೋಶದಲ್ಲಿ ಸೋಂಕು ಇರುವುದರಿಂದ ಕೆಲವು ದಿನಗಳ ಕಾಲ ಕ್ವಾರಂಟೈನ್​ನಲ್ಲೇ ಇರಿಸಲಾಗುತ್ತದೆ. ಹೀಗಾಗಿ, ಇದೇ ತಿಂಗಳ 27ರಂದು ಶಶಿಕಲಾ ಬಿಡುಗಡೆಯಾಗುವ ಸಾಧ್ಯತೆ ಕಡಿಮೆಯಿದೆ.