ಬೆಂಗಳೂರು: ಸಿಲಿಕಾನ್ ಸಿಟಿ ಅಂದ್ರೆ ಐಟಿ ಬಿಟಿ ಕಂಪನಿಗಳ ತಾಣ, ಒಂದು ವರ್ಷಕ್ಕಿಂತ ಮೇಲೆ ವರ್ಕ್ ಫ್ರಮ್ ಹೋಮ್ ಆಧಾರದಲ್ಲಿ ನಡೆಯುತ್ತಿರುವ ಈ ಸಂಸ್ಥೆಗಳು ಇನ್ನು ಜುಲೈ ತಿಂಗಳಲ್ಲಿ ತೆರೆಯಬೇಕಾಗಿದ್ದು, ಈಗ ವರ್ಷವೂ ಬಾಗಿಲು ತೆರೆಯುವ ಯಾವುದೇ ಲಕ್ಷಣ ಇನ್ನೂ ಕಂಡಿಲ್ಲ.
ಅನೇಕ ಉದ್ಯಮಗಳು ಐಟಿ- ಬಿಟಿ ಸಂಸ್ಥೆಗಳನ್ನ ನಂಬಿಕೊಂಡು ಕಾರ್ಯನಿರ್ವಹಣೆ ಮಾಡುತ್ತಿದ್ದವು. ಆದರೆ ಕಳೆದ ಒಂದು ವರ್ಷದಿಂದ ಹೋಟೆಲ್, ಟ್ಯಾಕ್ಸಿ ಹಾಗೂ ಇನ್ನಿತರೆ ಸೇವೆಗಳು ಪೂರ್ಣವಾಗಿ ಸ್ಥಗಿತಗೊಂಡಿವೆ.
ಐಟಿ- ಬಿಟಿ ಸಂಸ್ಥೆಗಳಲ್ಲಿ ಲಸಿಕೆ ಅಭಿಯಾನ
ಕೋವಿಡ್ ಹೆಮ್ಮಾರಿ ವಿರುದ್ಧ ಸಮರ ಸಾರಲು ಲಸಿಕೆ ಮಾರುಕಟ್ಟೆಯಲ್ಲಿ ಲಭ್ಯವಿದ್ದು, ಈ ತಿಂಗಳಿಂದ ಸಂಸ್ಥೆಯ ನೌಕರರಿಗೆ ಲಸಿಕಾ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುವುದು. ಇದರಿಂದ ನೌಕರರು ಕೋವಿಡ್ನಿಂದ ಸುರಕ್ಷತೆ ಕಾಪಾಡಿಕೊಳ್ಳುತ್ತಾರೆ ಹಾಗೂ ದೇಶದಲ್ಲಿ ಕೋವಿಡ್ ನಿಯಂತ್ರಣ ಸಾಧಿಸಲು ಸಾಧ್ಯ ಎಂದು ಬೌನ್ಸ್ ಸಂಸ್ಥೆ ಸಹ ಸ್ಥಾಪಕ ವಿವೇಕಾನಂದ ಹೇಳಿದ್ದಾರೆ.
ಇದನ್ನೂ ಓದಿ: ಉಪನ್ಯಾಸಕನಾಗಿದ್ದ ಶಿವಕುಮಾರಯ್ಯ 'ಪ್ರಶ್ನೆಪತ್ರಿಕೆ ಸೋರಿಕೆ ಪಿತಾಮಹಾ' ಆದ ಕುರಿತು..
ಐಟಿ ಸಂಸ್ಥೆಗಳಲ್ಲಿ ಏ.ಸಿ ಬಳಕೆ ಅತ್ಯಗತ್ಯ, ಅತಿ ಕಂಪ್ಯೂಟರ್ ಬಳಕೆಯಿಂದ ಉಷ್ಣಾಂಶ ಹೆಚ್ಚುತ್ತದೆ. ಇದಕ್ಕೆ ಫ್ಯಾನ್ ಬಳಕೆ ಅಸಾಧ್ಯ ಹಾಗೂ ಕಂಪ್ಯೂಟರ್ ಕೂಡ ಏ.ಸಿ ಇಲ್ಲದಿದ್ರೆ ಹಾಳಾಗುತ್ತದೆ. ಇದಲ್ಲದೆ ನಮ್ಮ ಸಿಬ್ಬಂದಿ ವರ್ಕ್ ಫ್ರಮ್ ಹೋಮ್ ಇರುವ ಹಿನ್ನೆಲೆಯಲ್ಲಿ ಅವರ ಸ್ವಂತ ಊರಿಗೆ ಹೋಗಿದ್ದಾರೆ ಹಾಗೂ ಇಲ್ಲಿ ಮನೆಗಳನ್ನೂ ಖಾಲಿ ಮಾಡಿದ್ದಾರೆ. ಹೀಗಾಗಿ ನಮ್ಮ ಕಚೇರಿ ತೆರೆಯುವ 4 ತಿಂಗಳ ಮುನ್ನ ಅವರಿಗೆ ತಿಳಿಸಬೇಕಾಗುತ್ತದೆ ಎಂದು ಅಂತಾರಾಷ್ಟ್ರೀಯ ಸಂಸ್ಥೆಯೊಂದರ ಮಾನವಸಂಪನ್ಮೂಲ ಅಧಿಕಾರಿ ಮಾಹಿತಿ ನೀಡಿದ್ದಾರೆ.
ಒಟ್ಟಾರೆ ಲಸಿಕೆ ಕಾರ್ಯಕ್ರಮಕ್ಕೆ ಉತ್ತಮ ಪ್ರತಿಕ್ರಿಯೆ ದೊರಕಿ, ಎಲ್ಲಾ ಉದ್ಯೋಗಿಗಳು ಮರಳಿ ಕಚೇರಿಗೆ ಬಂದರೆ ಮಾತ್ರ ಐಟಿ-ಬಿಟಿ ಸಂಸ್ಥೆಗಳ ನಂಬಿದವರ ಉದ್ಯಮ ಚೇತರಿಕೆ ಕಾಣಲಿದೆ.
