ಬೆಂಗಳೂರು: ಕೋವಿಡ್ ಮಹಾಮಾರಿ ಹೆಸರು ಕೇಳಿದರೆ ಸಾಕು ಜಗತ್ತು ಬೆಚ್ಚಿಬೀಳುತ್ತದೆ. ಇದೀಗ ಬೆಂಗಳೂರು ಮೂಲದ ಉದ್ಯಮಿಯ ಹೆಸರು ಕೋವಿಡ್ ಕಪೂರ್ ಎಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಲ್ಲಿದೆ.
ಹಾಲಿಡಿಫೈ ಸಂಸ್ಥೆಯ ಸಂಸ್ಥಾಪಕ ಕೋವಿಡ್ ಕಪೂರ್ ತಮ್ಮ ಹೆಸರಿನ ಬಗ್ಗೆ ಸ್ಪಷ್ಟನೆ ಕೂಡ ಕೊಟ್ಟಿದ್ದಾರೆ. ನನ್ನ ಹೆಸರು ಕೋವಿಡ್ ಕಪೂರ್, ಆದರೆ ನಾನು ವೈರಸ್ ಅಲ್ಲ ಎಂದು ತಮಾಷೆಯಾಗಿ ಅವರು ಬರೆದುಕೊಂಡಿದ್ದಾರೆ.
ಹನುಮಾನ್ ಚಾಲೀಸ್‍ನಲ್ಲಿರುವ ಪದ:
ವಾಸ್ತವವಾಗಿ ಕೋವಿಡ್ ಎನ್ನುವುದು ಹನುಮಾನ್ ಚಾಲೀಸ್‍ನಲ್ಲಿರುವ ಪದವಾಗಿದೆ. ಕೋವಿಡ್ ಎಂದರೆ ವಿದ್ವಾಂಸ, ಎಲ್ಲವನ್ನೂ ಬಲ್ಲವನು ಎನ್ನುವ ಅರ್ಥ ನೀಡುತ್ತದೆ. ಆದರೆ ಸಾಂಕ್ರಾಮಿಕ ನಂತರ ಅರ್ಥವೇ ಬದಲಾಗಿದೆ ಎಂದು ಕೋವಿಡ್ ಕಪೂರ್ ಹೇಳುತ್ತಾರೆ.
ಇದನ್ನೂ ಓದಿ: ಅಂತಾರಾಷ್ಟ್ರೀಯ ಪ್ರಯಾಣಿಕರಿಗೆ ಹೊಸ ನಿಯಮ: 7 ದಿನ ಹೋಂ ಕ್ವಾರಂಟೈನ್‌ ಕಡ್ಡಾಯ
