ಬೆಂಗಳೂರು: ಲೋಕಸಭಾ ಚುನಾವಣೆಗೆ ಬಿಜೆಪಿ ಅಭ್ಯರ್ಥಿಗಳ ಮೊದಲ ಪಟ್ಟಿ ಪ್ರಕಟಗೊಂಡಿದೆ. ಲೋಕಸಮರ ಗೆಲ್ಲಲು ಕೇಸರಿ ಪಾಳೆಯ ಘಟಾನುಘಟಿ ನಾಯಕರನ್ನೇ ಕಣಕ್ಕಿಳಿಸಿದೆ.
28 ಕ್ಷೇತ್ರಗಳ ಪೈಕಿ 21 ಕ್ಷೇತ್ರಗಳ ಮೊದಲ ಪಟ್ಟಿಯನ್ನು ಬಿಡುಗಡೆಗೊಳಿಸಲಾಗಿದೆ. ತೀವ್ರ ಕುತೂಹಲ ಕೆರಳಿಸಿರುವ ಬೆಂಗಳೂರು ದಕ್ಷಿಣ, ಮಂಡ್ಯ ಸೇರಿ 7 ಕ್ಷೇತ್ರಗಳ ಎರಡನೇ ಪಟ್ಟಿ ಸದ್ಯದಲ್ಲೇ ಬಿಡುಗಡೆಯಾಗಲಿದೆ.
ಅಭ್ಯರ್ಥಿಗಳನ್ನು ಅಳೆದು ತೂಗಿ, ಎಲ್ಲಾ ಹಾಲಿ ಸಂಸದರಿಗೂ ಟಿಕೆಟ್ ನೀಡಿದ್ದಾರೆ. ದೆಹಲಿಯಲ್ಲಿ ಸುದ್ದಿಗೋಷ್ಟಿ ನಡೆಸಿದ ಸಚಿವ ಜೆ.ಪಿ ನಡ್ಡಾ ಅಭ್ಯರ್ಥಿಗಳ ಪಟ್ಟಿಯನ್ನು ಬಿಡುಗಡೆಗೊಳಿಸಿದರು.
ಯಾರಿಗೆಲ್ಲ ಟಿಕೆಟ್
- ಬೀದರ್- ಭಗವಂತ ಖೂಬ
- ಬಳ್ಳಾರಿ- ದೇವೇಂದ್ರಪ್ಪ
- ಹಾವೇರಿ- ಶಿವಕುಮಾರ ಉದಾಸಿ
- ಧಾರವಾಡ- ಪ್ರಹ್ಲಾದ್ ಜೋಶಿ
- ಉತ್ತರ ಕನ್ನಡ- ಅನಂತ್ ಕುಮಾರ್ ಹೆಗಡೆ
- ದಾವಣಗೆರೆ- ಜಿ.ಎಂ ಸಿದ್ದೇಶ್ವರ
- ಶಿವಮೊಗ್ಗ-ಬಿ.ವೈ ರಾಘವೇಂದ್ರ
- ಉಡುಪಿ-ಚಿಕ್ಕಮಗಳೂರು- ಶೋಭಾ ಕರಂದ್ಲಾಜೆ
- ಹಾಸನ- ಎ.ಮಂಜು
- ದಕ್ಷಿಣ ಕನ್ನಡ- ನಳೀನ್ ಕುಮಾರ್ ಕಟೀಲು
- ಚಿತ್ರದುರ್ಗ-ಎ.ನಾರಾಯಣ ಸ್ವಾಮಿ
- ತುಮಕೂರು- ಜಿ.ಎಸ್ ಬಸವರಾಜು
- ಮೈಸೂರು- ಪ್ರತಾಪ್ ಸಿಂಹ
- ಚಾಮರಾಜನಗರ- ಶ್ರೀನಿವಾಸ ಪ್ರಸಾದ್
- ಬೆಂಗಳೂರು ಉತ್ತರ- ಡಿ.ವಿ ಸದಾನಂದಗೌಡ
- ಬೆಂಗಳೂರು ಕೇಂದ್ರ- ಪಿ.ಸಿ ಮೋಹನ್
- ಚಿಕ್ಕಬಳ್ಳಾಪುರ- ಬಿ.ಎನ್ ಬಚ್ಚೇಗೌಡ
- ಬೆಳಗಾವಿ- ಸುರೇಶ್ ಅಂಗಡಿ
- ಬಾಗಲಕೋಟೆ- ಪಿ.ಸಿ ಗದ್ದೀಗೌಡರ್
- ವಿಜಯಪುರ- ರಮೇಶ್ ಜಿಗಜಿಣಗಿ
- ಕಲಬುರಗಿ- ಡಾ.ಉಮೇಶ್ ಜಾದವ್
ಮೊದಲ ಪಟ್ಟಿಯಲ್ಲಿ ಟಿಕೆಟ್ ಪಡೆದ ಹೊಸ ಮುಖಗಳು
- ದೇವೇಂದ್ರಪ್ಪ-ಬಳ್ಳಾರಿ
- ಹಾಸನ - ಎ.ಮಂಜು
- ಚಿತ್ರದುರ್ಗ- ಎ. ನಾರಾಯಣಸ್ವಾಮಿ
- ಗುಲಬರ್ಗಾ- ಡಾ. ಉಮೇಶ್ ಜಾಧವ್
ಮೊದಲ ಪಟ್ಟಿಯಲ್ಲಿ ಘೋಷಣೆಯಾಗದ ಕ್ಷೇತ್ರಗಳು
ಬೆಂಗಳೂರು ದಕ್ಷಿಣ,ಕೋಲಾರ,ಮಂಡ್ಯ,ರಾಯಚೂರು, ಬೆಂಗಳೂರು ಗ್ರಾಮಾಂತರ, ಚಿಕ್ಕೋಡಿ, ಕೊಪ್ಪಳ
ಈ ಏಳೂ ಕ್ಷೇತ್ರಗಳ ಎರಡನೇ ಪಟ್ಟಿ ಸದ್ಯದಲ್ಲೇ ಬಿಡುಗಡೆಯಾಗಲಿದೆ. ಅಭ್ಯರ್ಥಿಗಳ ಆಯ್ಕೆಯಲ್ಲಿ ಯಾವುದೇ ಗೊಂದಲ ಇಲ್ಲ, ಹೆಸರು ಫೈನಲ್ ಆಗಿವೆ. ಸದ್ಯದಲ್ಲೇ ಪ್ರಕಟಗೊಳ್ಳಲಿದೆ ಎಂದು ರಾಜ್ಯ ಬಿಜೆಪಿ ನಾಯಕರು ತಿಳಿಸಿದ್ದಾರೆ.
