ಬಳ್ಳಾರಿ: ಜಿಂದಾಲ್ ಏರ್ಪೋರ್ಟ್ಗೆ ಇಂದು ಬೆಳಗ್ಗೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಆಗಮಿಸಿದರೂ ಕೂಡ ಸಿಎಂ ಭೇಟಿಗೆ ಸಚಿವ ಆನಂದ್ ಸಿಂಗ್ ಮುಂದಾಗಲಿಲ್ಲ.
ಸಿಎಂ ಬೊಮ್ಮಾಯಿ ಆಲಮಟ್ಟಿಗೆ ಬಾಗಿನ ಅರ್ಪಿಸುವ ಸಲುವಾಗಿ ಜಿಂದಾಲ್ಗೆ ಭೇಟಿ ನೀಡಿದ್ದರು. ನಂತರ ಹೆಲಿಕಾಪ್ಟರ್ ಮೂಲಕ ವಿಜಯಪುರ ಜಿಲ್ಲೆಯ ಆಲಮಟ್ಟಿಗೆ ತೆರಳಿದರು.
ಮುಂದುವರೆದ ಆನಂದ ಸಿಂಗ್ ಮುನಿಸು: ಶುಕ್ರವಾರ ಸಂಜೆ ಹೊಸಪೇಟೆಗೆ ಬಂದಳಿದ ಉಪರಾಷ್ಟ್ರಪತಿ ವೆಂಕಯ್ಯ ನಾಯ್ಡು ಅವರನ್ನು ಸಚಿವ ಆನಂದ್ ಸಿಂಗ್ ಸ್ವಾಗತಿಸಿದ್ದರು. ಆದರೆ, ಇಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಜಿಂದಾಲ್ಗೆ ಭೇಟಿ ನೀಡಿದರೂ ಸಹ ಆನಂದ ಸಿಂಗ್ ಸೌಜನ್ಯಕ್ಕೂ ಕೂಡ ಭೇಟಿ ಮಾಡುವ ಗೋಜಿಗೆ ಹೋಗಿಲ್ಲ.
ಕಳೆದ ದಿನಗಳ ಹಿಂದೆ ನಡೆದ ಸಚಿವ ಸಂಪುಟ ಸಭೆಗೂ ಕೂಡ ಆನಂದ ಸಿಂಗ್ ಗೈರಾಗಿದ್ದರು. ಹೀಗಾಗಿ ಪ್ರಭಾವಿ ಖಾತೆಯ ಮುನಿಸು ಇನ್ನೂ ಶಮನವಾಗಿಲ್ಲ ಎಂಬ ಮಾತುಗಳು ರಾಜಕೀಯ ವಲಯದಲ್ಲಿ ಕೇಳಿ ಬರುತ್ತಿವೆ.
ಖಾಸಗಿ ಕಾರ್ಯಕ್ರಮದಲ್ಲಿ ಭಾಗಿ: ನಗರದ ಖಾಸಗಿ ಬ್ಯಾಂಕ್ ನ ಕಟ್ಟಡ ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ಬೆಳಗ್ಗೆ ಸಚಿವ ಆನಂದ ಸಿಂಗ್ ಭಾಗಿಯಾಗಿದ್ದರು. ಸಿಎಂ ಬೊಮ್ಮಾಯಿ ಅವರನ್ನು ಭೇಟಿಯಾಗದೇ, ಕ್ಷೇತ್ರದ ಕಾರ್ಯದಲ್ಲಿ ಬ್ಯುಸಿಯಾಗಿದ್ದರು.
