ವಿಜಯನಗರ: ಹಗರಿಬೊಮ್ಮನಹಳ್ಳಿ ಪಟ್ಟಣದ ನ್ಯಾಯಾಲಯದಲ್ಲಿ ನಡೆದ ರಾಷ್ಟ್ರೀಯ ಲೋಕ ಅದಾಲತ್ನಲ್ಲಿ ವಿಚ್ಛೇದನ ಹಂತ ತಲುಪಿದ್ದ ದಂಪತಿಯನ್ನು ನ್ಯಾಯಾಧೀಶರು ಒಂದುಗೂಡಿಸಿದ್ದಾರೆ. ಈ ದಂಪತಿ ಇದೀಗ ಪರಸ್ಪರ ವಿರಸ ಮರೆತು ಸಮರಸವೇ ಜೀವನ ಎಂಬಂತೆ ಕೂಡಿ ಬಾಳುವ ವಾಗ್ದಾನ ಮಾಡಿದ್ದಾರೆ.
ಪಟ್ಟಣದ ಜೆಎಂಎಫ್‌ಸಿ ನ್ಯಾಯಾಲಯದಲ್ಲಿ ನಡೆದ ರಾಷ್ಟ್ರೀಯ ಲೋಕ ಅದಾಲತ್ನಲ್ಲಿ, ಕಿರಿಯ ಶ್ರೇಣಿ ನ್ಯಾಯಾಲಯದ ನ್ಯಾಯಾಧೀಶರಾದ ಭಾಗ್ಯಲಕ್ಷ್ಮೀ ಅವರ ಸಮ್ಮುಖದಲ್ಲಿ 1,41,000 ರೂಪಾಯಿ ಹಣ ಸಂಧಾಯದೊಂದಿಗೆ, ಚೆಕ್ಬೌನ್ಸ್, ವಾಹನಗಳ ಪ್ರಕರಣಕ್ಕೆ ಸಂಬಂಧಿಸಿದಂತೆ ಒಟ್ಟು 144 ಪ್ರಕರಣಗಳನ್ನು ಇತ್ಯರ್ಥಗೊಳಿಸಲಾಯಿತು. ರಾಷ್ಟ್ರೀಯ ಲೋಕ ಅದಾಲತ್ನಲ್ಲಿ ಹಿರಿಯ ಹಾಗೂ ಕಿರಿಯ ಶ್ರೇಣಿ ನ್ಯಾಯಾಲಯದ ಒಟ್ಟು 190 ಪ್ರಕರಣಗಳನ್ನು ರಾಜಿ ಸಂಧಾನದ ಮೂಲಕ ಇತ್ಯಾರ್ಥಗೊಳಿಸಲಾಯಿತು.
ಹಗರಿಬೊಮ್ಮನಹಳ್ಳಿ ಈ ಬಾರಿಯ ಲೋಕ ಅದಾಲತ್ನ ವಿಶೇಷವೆಂದರೆ, ದಾಂಪತ್ಯದ ಬಿರುಕಿನಿಂದ ವಿಚ್ಛೇದನ ಹಂತ ತಲುಪಿದ್ದ ದಂಪತಿಯನ್ನು ರಾಜಿಸಂಧಾನದ ಮೂಲಕ ಒಂದುಗೂಡಿಸಲಾಗಿದೆ. ಈ ದಂಪತಿಗೆ ಪರಸ್ಪರ ಹೂವಿನಹಾರ ಹಾಕಿಸುವ ಮೂಲಕ ಸಿಹಿ ತಿನ್ನಿಸಿ, ಒಂದುಗೂಡಿಸಿದ ಸಂತಸದ ಕ್ಷಣಕ್ಕೆ ಈ ಬಾರಿಯ ಲೋಕ ಅದಾಲತ್ ಸಾಕ್ಷಿಯಾಯಿತು. ಈ ಸಂದರ್ಭದಲ್ಲಿ ವಕೀಲರಾದ ಕೊಟ್ರೇಶ್ ಶೆಟ್ಟರ್, ಶ್ರೀನಿವಾಸ, ಯಾಸ್ಮಿನ್, ನಾಗರಾಜ ಉಪಸ್ಥಿತರಿದ್ದರು.
ಇದನ್ನೂ ಓದಿ:ಅಮರನಾಥ ಯಾತ್ರೆ: ಜಮ್ಮು ಬೇಸ್‌ ಕ್ಯಾಂಪ್ ತಲುಪಿದ ಭಕ್ತರ ತಂಡಕ್ಕೆ ಹಸಿರು ನಿಶಾನೆ ತೋರಿದ ಮನೋಜ್‌ ಸಿನ್ಹಾ
