ಬಳ್ಳಾರಿ: ಜಿಂದಾಲ್ ಸಮೂಹ ಸಂಸ್ಥೆಯಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಹೆಚ್ಚಾಗುತ್ತಿರುವ ಹಿನ್ನೆಲೆ ಸೋಮವಾರ ಜಿಲ್ಲಾಧಿಕಾರಿ ಕಚೇರಿಯಲ್ಲಿ ತುರ್ತು ಸಭೆ ಕರೆಯಲಾಗಿದೆ ಎಂದು ಜಿಲ್ಲಾ ಉಸ್ತುವಾರಿ ಸಚಿವ ಆನಂದ್ ಸಿಂಗ್ ತಿಳಿಸಿದರು.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಜಿಂದಾಲ್ನಲ್ಲಿ ಕೋವಿಡ್-19 ಪ್ರಕರಣಗಳು ಏರುತ್ತಿರುವುದರಿಂದ ಜಿಲ್ಲೆಯ ಜನರು ಭಯಭೀತರಾಗಿದ್ದಾರೆ. ಹೀಗಾಗಿ, ಕಂಪನಿಯ ಮುಖ್ಯಸ್ಥರು ಹಾಗೂ ಜಿಲ್ಲೆಯ ಜನಪ್ರತಿನಿಧಿಗಳನ್ನೊಳಗೊಂಡ ತುರ್ತು ಸಭೆಯನ್ನು ಕರೆಯಲಾಗಿದೆ ಎಂದು ಹೇಳಿದರು.
ಸೀಲ್ಡೌನ್ ಮಾಡುವುದರ ಕುರಿತು ನಿರ್ಧಾರ
ಮೈಸೂರಿನ ಜುಬಿಲಂಟ್ ಕಾರ್ಖಾನೆಯನ್ನು ಸಂಪೂರ್ಣವಾಗಿ ಮುಚ್ಚುವ ಮೂಲಕ ಸೋಂಕು ಮುಕ್ತ ಮಾಡಲಾಯಿತು. ಅದರಂತೆ ಜಿಂದಾಲ್ ಅನ್ನು ಕೊರೊನಾ ಮುಕ್ತ ಮಾಡುವ ನಿರ್ಧಾರ ಕೈಗೊಳ್ಳುತ್ತೇವೆ. ಹೀಗಾಗಿ, ಆರೋಗ್ಯ ಇಲಾಖೆಯ ಕಾರ್ಯದರ್ಶಿ ಜಾವೇದ್ ಅಖ್ತರ್ ಅವರೊಂದಿಗೆ ಚರ್ಚಿಸಿರುವೆ ಎಂದು ಮಾಹಿತಿ ನೀಡಿದರು.
ಜಿಂದಾಲ್ ವಿಚಾರವಾಗಿ ಯಾವುದೇ ಮೃದುಧೋರಣೆ ತಾಳಲ್ಲ. ಕೊರೊನಾ ಸೋಂಕಿತರನ್ನ ಹರಡುಸುವ ಕಾರ್ಖಾನೆಯಂತೂ ಅಲ್ಲ. ಈ ಕೊರೊನಾ ಯಾರಿಂದ ಯಾರಿಗೆ ಹರಡಲಿದೆ ಎಂಬುದೇ ವೈದ್ಯರಿಗೆ ಗೊತ್ತಿಲ್ಲ. ಹೀಗಾಗಿ, ಜಿಂದಾಲ್ ಕಂಪನಿಯನ್ನು ಸ್ಪಲ್ಪದಿನದ ಮಟ್ಟಿಗೆ ಲಾಕ್ಡೌನ್ ಮಾಡುವ ವಿಚಾರ ಕುರಿತು ಚರ್ಚಿಸಲಾಗುವುದು ಎಂದರು.
