ಮುಂಬೈ : ಮೂರು ದಿನಗಳಿಂದ ನಡೆದಿದ್ದ ದೇಶೀಯ ಷೇರುಪೇಟೆಯಲ್ಲಿನ ಕುಸಿತದ ಪ್ರಕ್ರಿಯೆ ಬುಧವಾರ ಅಂತ್ಯಗೊಂಡಿದೆ. ಸೆನ್ಸೆಕ್ಸ್, ನಿಫ್ಟಿ ಇಂದು ಏರಿಕೆಯೊಂದಿಗೆ ಮುಕ್ತಾಯಗೊಂಡವು. ಬಿಎಸ್‌ಇಯ 30-ಷೇರುಗಳ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 351.49 ಪಾಯಿಂಟ್‌ಗಳು ಅಥವಾ ಶೇಕಡಾ 0.53 ರಷ್ಟು ಏರಿಕೆಯೊಂದಿಗೆ 66,707.20 ಪಾಯಿಂಟ್‌ಗಳಿಗೆ ಕೊನೆಗೊಂಡಿತು.
ಎನ್‌ಎಸ್‌ಇ ನಿಫ್ಟಿ 97.70 ಪಾಯಿಂಟ್‌ಗಳು ಅಥವಾ ಶೇಕಡಾ 0.5 ರಷ್ಟು ಏರಿಕೆಯೊಂದಿಗೆ 19,778.30 ಪಾಯಿಂಟ್‌ಗಳ ಮಟ್ಟದಲ್ಲಿ ಕೊನೆಗೊಂಡಿತು. ಟೆಲಿಕಾಂ ಕಂಪನಿ ವೊಡಾಫೋನ್ ಐಡಿಯಾ ಶೇರುಗಳು ಗರಿಷ್ಠ ಶೇ 15ರಷ್ಟು ಏರಿಕೆಯೊಂದಿಗೆ ಮುಕ್ತಾಯಗೊಂಡಿದೆ. ನಿಫ್ಟಿಯಲ್ಲಿ ಲಾರ್ಸೆನ್ ಮತ್ತು ಟೂಬ್ರೊ ಷೇರುಗಳು ಗರಿಷ್ಠ 3.56 ಶೇಕಡಾ ಗಳಿಕೆಯೊಂದಿಗೆ ಮುಕ್ತಾಯಗೊಂಡವು.
ಹಿಂದಿನ ಮುಕ್ತಾಯದ 66,355.71 ರ ವಿರುದ್ಧ ಇಂದು ಸೆನ್ಸೆಕ್ಸ್ 79 ಪಾಯಿಂಟ್‌ಗಳ ಏರಿಕೆಯೊಂದಿಗೆ 66,434.72 ನಲ್ಲಿ ಪ್ರಾರಂಭವಾಯಿತು ಮತ್ತು ಇಡೀ ದಿನ ಏರಿಕೆಯಲ್ಲಿಯೇ ಇತ್ತು. ಸೆನ್ಸೆಕ್ಸ್ ಇಂದು ಇಂಟ್ರಾಡೇ ಗರಿಷ್ಠ 66,897.27 ಅನ್ನು ತಲುಪಿತು. ಬಿಎಸ್ಇ-ಲಿಸ್ಟೆಡ್ ಕಂಪನಿಗಳ ಒಟ್ಟಾರೆ ಮಾರುಕಟ್ಟೆ ಬಂಡವಾಳೀಕರಣವು ಹಿಂದಿನ ದಿನದಲ್ಲಿ ₹ 302.6 ಲಕ್ಷ ಕೋಟಿ ಇದ್ದದ್ದು, ಇಂದು ₹ 303.9 ಲಕ್ಷ ಕೋಟಿಗೆ ಏರಿದೆ. ಹೂಡಿಕೆದಾರರು ಒಂದೇ ದಿನದಲ್ಲಿ ₹ 1.3 ಲಕ್ಷ ಕೋಟಿಗಳಷ್ಟು ಶ್ರೀಮಂತರಾಗಿದ್ದಾರೆ.
ವಲಯವಾರು ಸೂಚ್ಯಂಕಗಳ ಬಗ್ಗೆ ನೋಡುವುದಾದರೆ- ಬಂಡವಾಳ ಸರಕುಗಳು, ಎಫ್ಎಂಸಿಜಿ ಮತ್ತು ರಿಯಲ್ ಎಸ್ಟೇಟ್ ಕ್ಷೇತ್ರಗಳಿಗೆ ಸಂಬಂಧಿಸಿದ ಸೂಚ್ಯಂಕದಲ್ಲಿ 1-1 ರಷ್ಟು ಜಿಗಿತ ಕಂಡುಬಂದಿದೆ. ಅಂತೆಯೇ, ಬಿಎಸ್ಇ ಮಿಡ್‌ಕ್ಯಾಪ್ ಮತ್ತು ಸ್ಮಾಲ್‌ಕ್ಯಾಪ್ ಸೂಚ್ಯಂಕಗಳು ಸಹ ಹಸಿರು ಬಣ್ಣದಲ್ಲಿ ಮುಚ್ಚಲ್ಪಟ್ಟವು.
ಬಿಎಸ್ಇ ಸೆನ್ಸೆಕ್ಸ್‌ನಲ್ಲಿ ಲಾರ್ಸೆನ್ ಮತ್ತು ಟೂಬ್ರೊ ಷೇರುಗಳು ಇಂದು ಗರಿಷ್ಠ 3.30 ಶೇಕಡಾ ಜಿಗಿತದೊಂದಿಗೆ ಮುಕ್ತಾಯಗೊಂಡವು. ಅದೇ ರೀತಿ ಐಟಿಸಿ ಷೇರುಗಳು ಶೇ 2.11, ಸನ್ ಫಾರ್ಮಾ ಶೇ 1.70, ರಿಲಯನ್ಸ್ ಇಂಡಸ್ಟ್ರೀಸ್ ಶೇ 1.65, ಕೋಟಕ್ ಮಹೀಂದ್ರಾ ಬ್ಯಾಂಕ್ ಶೇ 1.12, ಆಕ್ಸಿಸ್ ಬ್ಯಾಂಕ್ ಶೇ 1.10 ಮತ್ತು ಇನ್ಫೋಸಿಸ್ ಶೇ 1.07 ನಲ್ಲಿ ಮುಕ್ತಾಯಗೊಂಡವು.
ಬಜಾಜ್ ಫೈನಾನ್ಸ್ ಸೆನ್ಸೆಕ್ಸ್‌ನಲ್ಲಿ ಶೇ 2.29 ನಷ್ಟದೊಂದಿಗೆ ಅತಿ ಹೆಚ್ಚು ನಷ್ಟವನ್ನು ಅನುಭವಿಸಿತು. ಅದೇ ರೀತಿ ಬಜಾಜ್ ಫಿನ್‌ಸರ್ವ್, ಮಹೀಂದ್ರಾ ಆಂಡ್ ಮಹೀಂದ್ರಾ, ಟೆಕ್ ಮಹೀಂದ್ರಾ, ಏಷ್ಯನ್ ಪೇಂಟ್ಸ್, ಟೈಟಾನ್, ಅಲ್ಟ್ರಾಟೆಕ್ ಸಿಮೆಂಟ್, ಎಚ್‌ಡಿಎಫ್‌ಸಿ ಬ್ಯಾಂಕ್ ಮತ್ತು ಐಟಿಸಿ ಷೇರುಗಳು ನಷ್ಟದಲ್ಲಿ ಕ್ಲೋಸ್ ಆದವು.
ಡಾಲರ್ ಎದುರು ರೂಪಾಯಿ ಇಂದು 13 ಪೈಸೆ ಕುಸಿದು 82ಕ್ಕೆ ತಲುಪಿದೆ. ಹಿಂದಿನ ಅವಧಿಯಲ್ಲಿ, ಇದು 81.87 ಮಟ್ಟದಲ್ಲಿ ಮುಕ್ತಾಯವಾಗಿತ್ತು. ಏತನ್ಮಧ್ಯೆ, ಯುಎಸ್ ಫೆಡ್ ಬಡ್ಡಿದರದ ನಿರ್ಧಾರಕ್ಕೆ ಮುಂಚಿತವಾಗಿ ಕಚ್ಚಾ ತೈಲ ಬೆಲೆಗಳು ಏರಿಳಿತಕ್ಕೆ ಸಾಕ್ಷಿಯಾಗಿವೆ. ಸಂಜೆ 4 ಗಂಟೆ ಹೊತ್ತಿಗೆ ಬ್ರೆಂಟ್ ಕ್ರೂಡ್ ಪ್ರತಿ ಬ್ಯಾರೆಲ್‌ಗೆ $83 ಆಗಿತ್ತು.
ಇದನ್ನೂ ಓದಿ : External Debt: ಭಾರತದ ಒಟ್ಟು ಬಾಹ್ಯ ಸಾಲದ ಮೊತ್ತ $624 ಬಿಲಿಯನ್: ಸಂಸತ್ತಿಗೆ ಕೇಂದ್ರ ಸರ್ಕಾರ ಮಾಹಿತಿ
