ವಾಣಿಜ್ಯ ವಿಮಾನಗಳ ಕಾರ್ಯಾಚರಣೆ ಸಂಬಂಧ ಎಸ್​ಒಪಿ ಹೊರಡಿಸಿದ ಡಿಜಿಸಿಎ

ನಿರ್ದಿಷ್ಟ ಸ್ಥಳಗಳಿಲ್ಲದೇ ಹಾರಾಟ ನಡೆಸುವ ವಾಣಿಜ್ಯ ವಿಮಾನಗಳ ಕಾರ್ಯಾಚರಣೆ ಕುರಿತಂತೆ ಡಿಜಿಸಿಎ ಮಹತ್ವದ ಸುತ್ತೋಲೆ ಹೊರಡಿಸಿದೆ.

ನವದೆಹಲಿ: ಯಾವುದೇ ಪರ್ಯಾಯ ತಲುಪುವ ಸ್ಥಳವಿಲ್ಲದೇ ಹಾರಾಟ ನಡೆಸುವ ವಾಣಿಜ್ಯ ವಿಮಾನ ಕಾರ್ಯಾಚರಣೆ ತಿಳಿದುಕೊಳ್ಳಲು ನಾಗರಿಕ ವಿಮಾನಯಾನ ಮಹಾ ನಿರ್ದೇಶನಾಲಯ ಸ್ಟಾಂಡರ್ಡ್​​ ಆಪರೇಟಿಂಗ್​ ಪ್ರೊಸಿಜರ್(ಎಸ್‌ಒಪಿ)​ ರೂಪಿಸುವಂತೆ ಎಲ್ಲಾ ವಿಮಾನ ನಿರ್ವಾಹಕರಿಗೆ ಕೇಳಿದೆ.

ಸುತ್ತೋಲೆಯಲ್ಲೇನಿದೆ?: ಫೆ. 20ರಂದು ಈ ಸಂಬಂಧ ಸುತ್ತೋಲೆ ಹೊರಡಿಲಾಗಿದೆ. ಕಾರ್ಯಾಚರಣೆಗಳನ್ನು ಏರೋಡ್ರಾಮ್​ ಪ್ರಕಾರ ಸ್ಥಾಪಿಸಬೇಕು. ಯಾವುದೇ ಪರ್ಯಾಯ ತಲುಪುವ ನಿರ್ದಿಷ್ಟ ಸ್ಥಳವಿಲ್ಲದೇ ಹಾರಾಟ ನಡೆಸುವ ಕಾರ್ಯವಿಧಾನ ತಿಳಿದುಕೊಳ್ಳಲು ವಿಮಾನ ಕಾರ್ಯಚಾರಣೆ ನಡೆಸುವ ಸಿಬ್ಬಂದಿಗೆ ಮಾರ್ಗದರ್ಶನ ನೀಡಬೇಕು. ಇದಕ್ಕೆ ಡಿಜಿಸಿಎ ಅನುಮೋದಿಸಿದೆ ಎಂದು ಸುತ್ತೋಲೆಯಲ್ಲಿ ತಿಳಿಸಲಾಗಿದೆ. ಜಾಗತಿಕ ಆರ್ಥಿಕತೆ ವೇಗವಾಗಿ ಬದಲಾಗುತ್ತಿದ್ದು, ಅಂತಾರಾಷ್ಟ್ರೀಯ ವಾಯು ಸಾರಿಗೆ ಉದ್ಯಮ ಹೊಸ ಟ್ರೆಂಡ್​ ಅನ್ನು ಬೇಗ ಅಳವಡಿಸಿಕೊಳ್ಳುತ್ತಿದೆ. ಇದು ಸ್ಪರ್ಧಾತ್ಮಕ ಮಾರುಕಟ್ಟೆ ಪರಿಸ್ಥಿತಿಯನ್ನು ಹೆಚ್ಚಿಸುತ್ತದೆ ಎಂದು ತಿಳಿಸಿದೆ.

ಪರಿಣಾಮಕಾರಿ ಕಾರ್ಯಾಚರಣೆಗೆ ಒತ್ತು: ವಾಯುಯಾನದಲ್ಲಿ ತಂತ್ರಜ್ಞಾನದ ವಿಶ್ವಾಸಾರ್ಹತೆ ನಿರಂತರವಾಗಿ ಹೆಚ್ಚುತ್ತಿದೆ. ಆರ್ಥಿಕ ಮತ್ತು ಪರಿಸರ ದೃಷ್ಟಿಯಿಂದ ಇಂಧನವನ್ನು ಹೆಚ್ಚು ಪರಿಣಾಮಕಾರಿಯಾಗಿ ಬಳಸಲು ನಿರ್ವಾಹಕರನ್ನು ಒತ್ತಾಯಿಸುವುದನ್ನು ಮುಂದುವರಿಸುತ್ತದೆ. ಪರಿಣಾಮವಾಗಿ, ಎಲ್ಲಾ ಆಪರೇಟರ್‌ಗಳು, ಅಸ್ತಿತ್ವದಲ್ಲಿರುವ ತಂತ್ರಜ್ಞಾನಗಳನ್ನು ಸದುಪಯೋಗ ಪಡಿಸಿಕೊಳ್ಳುವವರು ಮತ್ತು ಕಾರ್ಯಾಚರಣೆಯ ಸವಾಲುಗಳನ್ನು ಎದುರಿಸಲು ಹೊಸ ತಂತ್ರಜ್ಞಾನಗಳಲ್ಲಿ ಹೂಡಿಕೆ ಮಾಡುವವರು ಸೇರಿದಂತೆ, ತಮ್ಮ ಹೂಡಿಕೆಯ ಮೇಲೆ ಲಾಭವನ್ನು ಪಡೆಯುವ ಅವಕಾಶವನ್ನು ನೀಡಬೇಕು ಎಂದು ತಿಳಿಸಲಾಗಿದೆ. ಈ ಸುತ್ತೋಲೆಯ ಮೂಲಕ ಯಾವುದೇ ನಿರ್ದಿಷ್ಟ ಸ್ಥಳವಿಲ್ಲದೇ ವಿಮಾನಗಳ ಹಾರಾಟ ನಿರ್ವಹಿಸಲಿ ಪ್ರತಿ ಏರೋಡ್ರೋಮ್‌ಗೆ ನಿಗದಿತ ಕಾರ್ಯವಿಧಾನವನ್ನು ಸ್ಥಾಪಿಸಬೇಕು ಎಂದು ಡಿಜಿಸಿಎ ಸೂಚನೆ ನೀಡಿದೆ.

ಒಂದಕ್ಕಿಂತ ಹೆಚ್ಚು ಸ್ವತಂತ್ರ ರನ್‌ವೇ ಇರುವ ಸ್ಥಳಗಳಿಗೆ ಮಾತ್ರ ಈ ನಿಯಮ ಅನ್ವಯಿಸುತ್ತದೆ. ಇನ್‌ಸ್ಟ್ರುಮೆಂಟ್ ಅಪ್ರೋಚ್ ಪ್ರೊಸೀಜರ್‌ನೊಂದಿಗೆ ಕನಿಷ್ಠ ಒಂದು ರನ್‌ವೇ ಲಭ್ಯವಿರಬೇಕು. ಪ್ರಾಥಮಿಕ ರನ್‌ವೇಯಿಂದ ಸೆಕೆಂಡರಿ ರನ್‌ವೇಗೆ ಕಾಲಕ್ರಮೇಣ ಬದಲಾವಣೆಯನ್ನು ವಿಮಾನ ನಿಲ್ದಾಣ ನಿರ್ವಾಹಕರು ನಿರ್ದಿಷ್ಟಪಡಿಸಬೇಕು. ನಿರ್ವಾಹಕರು ಹಾರಾಟ ಕೈಗೊಳ್ಳುವ ಮುನ್ನ ಏರೋಡ್ರೋಮ್‌ನೊಂದಿಗೆ ಎಂಒಯುಗೆ ಸಹಿ ಹಾಕಿರಬೇಕು. ಸಂಭವನೀಯ ಸಾಮಾನ್ಯವಲ್ಲದ ಸನ್ನಿವೇಶಗಳು ಮತ್ತು ಆಕಸ್ಮಿಕ ಯೋಜನೆಗಳನ್ನು ಸಾಂಸ್ಥಿಕ ಮಟ್ಟದಲ್ಲಿ ಚರ್ಚಿಸಬೇಕು ಮತ್ತು ಒಳಗೊಂಡಿರುವ ವ್ಯಕ್ತಿಗಳೊಂದಿಗೆ ಹಂಚಿಕೊಳ್ಳಬೇಕು. ಯಾವುದೇ ಪರ್ಯಾಯವಿಲ್ಲದೆ ವಿಮಾನ ಕಾರ್ಯಾಚರಣೆಗಳನ್ನು ಕೈಗೊಳ್ಳುವ ಮೊದಲು ಒಳಗೊಂಡಿರುವ ಎಲ್ಲಾ ಸಿಬ್ಬಂದಿಗೆ ತರಬೇತಿ ನೀಡಲಾಗುತ್ತದೆ.

ಪ್ರತಿ ಏರೋಡ್ರೋಮ್ ಜೊತೆಗೆ ಸ್ಥಳೀಯ ನಿಯಂತ್ರಕರಿಂದ ಅಗತ್ಯ ಅನುಮೋದನೆಯನ್ನು ತೆಗೆದುಕೊಳ್ಳಲಾಗುತ್ತದೆ. ಜೊತೆಗೆ ನೋ ಡೆಸ್ಟಿನೇಶನ್ ಆಲ್ಟರ್ನೇಟ್ ನೊಂದಿಗೆ ಹಾರಾಟವನ್ನು ಪ್ರಾರಂಭಿಸುವ ಅಥವಾ ಮುಂದುವರಿಸುವ ನಿರ್ಧಾರವು ಸಂಪೂರ್ಣವಾಗಿ ಪೈಲಟ್ ಇನ್ ಕಮಾಂಡ್ ಅವರಿಗೆ ಬಿಟ್ಟಿರುತ್ತದೆ. ಇಂತಹ ಸಂದರ್ಭಗಳು ಅವರು ನಿರ್ದೇಶಿಸಿದರೆ, ವಿಮಾನವನ್ನು ನಿರ್ದಿಷ್ಟ ಸ್ಥಾನಗಳಿಗೆ ಕಳುಹಿಸಲಾಗುತ್ತದೆ ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ: ವರ್ಚುಯಲ್ ಕಲಿಕೆ: ತಂತ್ರಜ್ಞಾನದಿಂದ ಪಠ್ಯ ಸುಲಭವಾಗಿಸಿದ ಶಿಕ್ಷಕ