ಮಾಸ್ಟರ್​​ ಕಾರ್ಡ್​ ವ್ಯವಹಾರದ ಮೇಲಿನ ನಿರ್ಬಂಧ ತೆರವು ಮಾಡಿದ ಆರ್​ಬಿಐ

ಸ್ಥಳೀಯ ಡೇಟಾ ಶೇಖರಣಾ ಮಾನದಂಡಗಳನ್ನು ಅನುಸರಿಸಲು ವಿಫಲವಾದ ಕಾರಣ ವರ್ಷದ ಹಿಂದೆ ಮಾಸ್ಟರ್​​ ಕಾರ್ಡ್​ ವ್ಯವಹಾರದ ಮೇಲೆ ಆರ್​ಬಿಐ ನಿರ್ಬಂಧ ವಿಧಿಸಿತ್ತು.

ಮುಂಬೈ(ಮಹಾರಾಷ್ಟ್ರ): ಸ್ಥಳೀಯ ಡೇಟಾ ಶೇಖರಣಾ ಮಾನದಂಡಗಳನ್ನು ಅನುಸರಿಸಲು ವಿಫಲವಾದ ಕಾರಣ ಮಾಸ್ಟರ್​​ ಕಾರ್ಡ್ ಮೇಲೆ ಕಳೆದ ವರ್ಷ ವಿಧಿಸಿದ್ದ ವ್ಯವಹಾರದ ನಿರ್ಬಂಧಗಳನ್ನು ಆರ್​​ಬಿಐ ತೆರವುಗೊಳಿಸಿದೆ.

ಮಾಸ್ಟರ್​​ ಕಾರ್ಡ್ ಏಷ್ಯಾ/ಪೆಸಿಫಿಕ್ ಪ್ರೈ.ಲಿಮಿಟೆಡ್ ಪಾವತಿ ಸಿಸ್ಟಮ್ ಡೇಟಾ ಸಂಗ್ರಹಣೆಯಲ್ಲಿ ತೃಪ್ತಿದಾಯಕ ಅನುಸರಣೆಯನ್ನು ಪ್ರದರ್ಶಿಸಿದೆ. ಆದ್ದರಿಂದ ಹೊಸ ದೇಶೀಯ ಗ್ರಾಹಕರ ಪರಿಚಿತಗೊಳಿಸುವ ಮೇಲೆ ಹೇರಿದ ನಿರ್ಬಂಧಗಳನ್ನು ತಕ್ಷಣದಿಂದಲೇ ತೆಗೆದುಹಾಕಲಾಗಿದೆ ಎಂದು ಆರ್​ಬಿಐ ತಿಳಿಸಿದೆ.

ಪಾವತಿ ಸಿಸ್ಟಮ್ ಡೇಟಾದ ಶೇಖರಣಾ ಮಾನದಂಡಗಳನ್ನು ಅನುಸರಿಸುವವರೆಗೆ ಹೊಸ ದೇಶೀಯ ಗ್ರಾಹಕರನ್ನು (ಡೆಬಿಟ್, ಕ್ರೆಡಿಟ್ ಅಥವಾ ಪ್ರಿಪೇಯ್ಡ್) ಪರಿಚಯ ಮಾಡದಂತೆ ಮಾಸ್ಟರ್​ ಕಾರ್ಡ್ ಏಷ್ಯಾ /ಪೆಸಿಫಿಕ್ ಪಿಟಿಇಗೆ 2021ರ ಜುಲೈ 14ರಿಂದ ನಿರ್ಬಂಧಿಸಲಾಗಿತ್ತು.

ಇದನ್ನೂ ಓದಿ: ಶೇ 0.75ರಷ್ಟು ದಾಖಲೆ ಮಟ್ಟದ ಬಡ್ಡಿದರ ಏರಿಸಿದ ಫೆಡರಲ್​ ಬ್ಯಾಂಕ್​​.. ಸಾಲ ಇನ್ನು ದುಬಾರಿ!!