ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಬೇಕೇ?.. ಇಲ್ಲಿದೆ ಅದೆಲ್ಲದರ ಸಂಪೂರ್ಣ ಮಾಹಿತಿ..

ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಬೇಕೇ ಎಂಬುದು ಅನೇಕರಿಗೆ ಸಂದೇಹವಿರುತ್ತದೆ. ಇದರ ಬಗ್ಗೆ ತಿಳಿಯೋಣ ಬನ್ನಿ..

ಹೈದರಾಬಾದ್​: ಎಲ್ಲ ಮೂಲಗಳಿಂದ ಆದಾಯವು ಮೂಲ ವಿನಾಯಿತಿ ಮಿತಿಯನ್ನು ಮೀರಿದಾಗ ವ್ಯಕ್ತಿಗಳು ರಿಟರ್ನ್ಸ್ ಸಲ್ಲಿಸಬೇಕಾಗುತ್ತದೆ. ಸಂಬಳದಿಂದ ಬರುವ ಆದಾಯ, ಬ್ಯಾಂಕ್ ಉಳಿತಾಯ ಖಾತೆ, ನಿಶ್ಚಿತ ಠೇವಣಿಗಳಿಂದ ಬರುವ ಬಡ್ಡಿ, ಲಾಭಾಂಶ ಮತ್ತು ಬಾಡಿಗೆಯನ್ನು ಒಂದೇ ಕಡೆ ಸೇರಿಸಬೇಕು. 26 AS ಅಥವಾ AIS ಅನ್ನು ಗಮನಿಸಿದಾಗ ವಿವಿಧ ಮೂಲಗಳಿಂದ ಬರುವ ಆದಾಯದ ಬಗ್ಗೆ ತಿಳಿಯುತ್ತದೆ. ಸೆಕ್ಷನ್ 80C, 80CCD, 80D, 80G, 80TTA ಇತ್ಯಾದಿಗಳ ಹಿಂದಿನ ಆದಾಯ ಎಷ್ಟು ಎಂಬುದು ಎಚ್ಚರಿಕೆಯಿಂದ ನೋಡಬೇಕು.

* 60 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಿಗೆ ಮೂಲ ವಿನಾಯಿತಿ ರೂ.2.50 ಲಕ್ಷಗಳವರೆಗೆ ಇರುತ್ತದೆ. 60-80 ವರ್ಷದವರಿಗೆ 3 ಲಕ್ಷ ರೂಪಾಯಿ. 80 ವರ್ಷ ಮೇಲ್ಪಟ್ಟವರಿಗೆ ರೂ.5 ಲಕ್ಷದವರೆಗೆ ತೆರಿಗೆ ಅನ್ವಯಿಸುವುದಿಲ್ಲ. ವಿವಿಧ ವಿಭಾಗಗಳ ಅಡಿ ವಿನಾಯಿತಿಗಳಿವೆ ಮತ್ತು ತೆರಿಗೆಯ ಆದಾಯವು ಈ ಮಿತಿಗಿಂತ ಕೆಳಗಿರುತ್ತದೆ. ತೆರಿಗೆಯ ಆದಾಯವು ರೂ.5 ಲಕ್ಷಕ್ಕಿಂತ ಕಡಿಮೆ ಇದ್ದಾಗ ಸೆಕ್ಷನ್ 87A ಅಡಿ ತೆರಿಗೆ ರಿಯಾಯಿತಿ ಲಭ್ಯವಿದೆ. ಅಂತಹ ಸಂದರ್ಭಗಳಲ್ಲಿ ತೆರಿಗೆ ಪಾವತಿಸುವ ಅಗತ್ಯವಿಲ್ಲ. ಆದರೆ, ಅನ್ವಯವಾಗುವ ಐಟಿಆರ್ ಫಾರ್ಮ್‌ನಲ್ಲಿ ರಿಟರ್ನ್ಸ್ ಸಲ್ಲಿಸಲು ಬಾಧ್ಯತೆ ಇದೆ.

* ವಿದೇಶದಲ್ಲಿರುವ ಆಸ್ತಿಯಿಂದ ಲಾಭ ಗಳಿಸಿದಾಗ ತೆರಿಗೆ ವಿಧಿಸಬಹುದಾದ ಆದಾಯ ಇಲ್ಲದಿದ್ದರೂ ರಿಟರ್ನ್ಸ್ ವಿನಾಯಿತಿ ಇದೆ. ನೀವು ದೇಶದ ಹೊರಗೆ ನಡೆಸುವ ಯಾವುದೇ ಹಣಕಾಸಿನ ವಹಿವಾಟಿನಲ್ಲಿ ಭಾಗವಹಿಸಿದಾಗ, ನೀವು ಬ್ಯಾಂಕ್ ಖಾತೆಗಳನ್ನು ಹೊಂದಿರುವಾಗ ನೀವು ರಿಟರ್ನ್ಸ್ ಸಲ್ಲಿಸಬೇಕು.

* ವಿದೇಶಿ ಕಂಪನಿಗಳ ಷೇರುಗಳು, ಮ್ಯೂಚುವಲ್ ಫಂಡ್‌ಗಳು ಮತ್ತು ಬಾಂಡ್‌ಗಳಲ್ಲಿ ಹೂಡಿಕೆ ಮಾಡಿದವರು ಸಹ ರಿಟರ್ನ್ಸ್ ಸಲ್ಲಿಸಬೇಕು.

* ಎಲ್ಲ ಚಾಲ್ತಿ ಖಾತೆಗಳಲ್ಲಿ ಕೋಟಿ ರೂಪಾಯಿ, ಎಲ್ಲ ಉಳಿತಾಯ ಖಾತೆಗಳಲ್ಲಿ ನಗದು ಠೇವಣಿ ರೂ.50 ಲಕ್ಷಕ್ಕಿಂತ ಹೆಚ್ಚಾದಾಗ, ಐಟಿಆರ್ ಅನ್ನು ಖಂಡಿತವಾಗಿ ಸಲ್ಲಿಸಬೇಕಾಗುತ್ತದೆ.

* ಒಂದು ಹಣಕಾಸು ವರ್ಷದಲ್ಲಿ ನಿಮ್ಮ ಆದಾಯದಿಂದ ಕಡಿತಗೊಳಿಸಲಾದ ತೆರಿಗೆ ಮೊತ್ತವು ರೂ.25 ಸಾವಿರಕ್ಕಿಂತ ಹೆಚ್ಚಿದ್ದರೆ ನೀವು ರಿಟರ್ನ್ಸ್ ಸಲ್ಲಿಸಬೇಕು.

* ವಿದೇಶ ಪ್ರವಾಸಕ್ಕೆ ರೂ.2 ಲಕ್ಷಕ್ಕಿಂತ ಹೆಚ್ಚು ಖರ್ಚು ಮಾಡುವಾಗ ಐಟಿಆರ್ ಕಡ್ಡಾಯ. ತೆರಿಗೆದಾರರು ಮತ್ತು ಅವನ/ಅವಳ ಕುಟುಂಬದ ಸದಸ್ಯರ ವಿದೇಶಿ ಪ್ರಯಾಣವನ್ನು ಸಹ ಇಲ್ಲಿ ತೋರಿಸಬೇಕಾಗುತ್ತದೆ.

* ಆರ್ಥಿಕ ವರ್ಷದಲ್ಲಿ ರೂ.1 ಲಕ್ಷಕ್ಕಿಂತ ಹೆಚ್ಚಿನ ವಿದ್ಯುತ್ ಬಿಲ್ ಪಾವತಿಯ ಸಂದರ್ಭದಲ್ಲಿ ರಿಟರ್ನ್ಸ್ ಸಲ್ಲಿಸಬೇಕಾಗುತ್ತದೆ.

ಓದಿ: ಕೆಲವು ತೆರಿಗೆ ಉಳಿತಾಯ ಯೋಜನೆಗಳು ನಿಮ್ಮ ಹಣಕಾಸು ಯೋಜನೆ ಹಳಿತಪ್ಪಿಸುತ್ತವೆಯೇ?.. ಇಲ್ಲಿವೆ ಕೆಲವು ಟಿಪ್ಸ್​

ಐಟಿ ರಿಟರ್ನ್ಸ್​ ಸಲ್ಲಿಸಲು ಕೊನೆಯ ದಿನಾಂಕ: FY 2022-23 ಗಾಗಿ ಜುಲೈ 31 ರೊಳಗೆ ಆದಾಯ ತೆರಿಗೆ ರಿಟರ್ನ್ಸ್ (ITR ಗಳು) ಸಲ್ಲಿಸಬೇಕು. ಏಪ್ರಿಲ್ 1 ರಂದು ಹೊಸ ಮೌಲ್ಯಮಾಪನ ವರ್ಷ 2023-24 ಪ್ರಾರಂಭವಾಗಿದೆ. ಸಾಮಾನ್ಯವಾಗಿ, ITR ಫೈಲಿಂಗ್ ಅಂತಿಮ ದಿನಾಂಕ ಜುಲೈ 31.

ತಡವಾದ ITR ಅನ್ನು ಸಲ್ಲಿಸುವ ದಂಡವು 5,000 ರೂಪಾಯಿ ಆಗಿದೆ. ಆದರೆ ನಂತರದ ಫೈಲಿಂಗ್‌ಗಳಿಗೆ ಅದು ದ್ವಿಗುಣಗೊಳ್ಳುತ್ತದೆ. ನಿಮ್ಮ ತೆರಿಗೆಯ ಆದಾಯವು ರೂ. 5 ಲಕ್ಷಕ್ಕಿಂತ ಕಡಿಮೆಯಿದ್ದರೆ, ಗರಿಷ್ಠ ದಂಡ ರೂ. 1,000 ಆಗಿರುತ್ತದೆ. ಮತ್ತೊಂದೆಡೆ, ತೆರಿಗೆ ವಂಚನೆಯು ಮೀರಿದರೆ ಆದಾಯ ತೆರಿಗೆ ಇಲಾಖೆಯ ಕಾನೂನು ಪ್ರಕಾರ 6 ತಿಂಗಳಿಂದ 7 ವರ್ಷಗಳವರೆಗೆ ಶಿಕ್ಷೆ, 25 ಲಕ್ಷ ರೂಪಾಯಿ ದಂಡ ವಿಧಿಸಲಾಗುವುದು.