ಚೆನ್ನೈ: ಹೂಡಿಕೆ ವಿಚಾರದಲ್ಲಿ ಚಿನ್ನ ಎಂದಿಗೂ ಲಾಭದಾಯಕ. 2023ರ ಹಣಕಾಸು ವರ್ಷದ ಕಡೆಯ ದಿನ ಚಿನಿವಾರ ಪೇಟೆಯಲ್ಲಿ ಚಿನ್ನದ ಬೆಲೆ ಹೆಚ್ಚಳ ಕಂಡಿದ್ದು, ಹೂಡಿಕೆದಾರರು ಲಾಭ ಮಾಡಿದರು. ಈ ಹಳದಿ ಲೋಹ 2024ರ ಹಣಕಾಸು ವರ್ಷದಲ್ಲಿ ಮತ್ತಷ್ಟು ಲಾಭ ತರಲಿದ್ದು, 10-15ರಷ್ಟು ಏರಿಕೆ ಕಾಣುವ ನಿರೀಕ್ಷೆ ಇದೆ ಎಂದು ತಜ್ಞರು ತಿಳಿಸಿದ್ದಾರೆ.
2023 ಹಣಕಾಸು ವರ್ಷದಲ್ಲಿ ಬಂಗಾರದ ಬೆಲೆ 8000 ಸಾವಿರಕ್ಕೆ ಏರಿಕೆ ಕಂಡಿದ್ದು, ದೇಶಿಯ ಮಾರುಕಟ್ಟೆಯಲ್ಲಿ ಚಿನ್ನ 52 ಸಾವಿರದಿಂದ 60 ಸಾವಿರ ಆಗಿದ್ದು, ಶೇ 15ರಷ್ಟು ಲಾಭ ತಂದುಕೊಟ್ಟಿದೆ. ಈ ಮೂಲಕ ಇನ್ನಿತರ ಹೂಡಿಕೆ ಆಸ್ತಿಗಿಂತ ಚಿನ್ನವೇ ಲಾಭದಾಯಕ ಎಂಬುದನ್ನು ಮತ್ತೆ ಸಾಬೀತು ಮಾಡಿದೆ ಎಂದು ಎಲ್ಕೆಪಿ ಸೆಕ್ಯೂರಿಟಿಸ್ ಸಂಶೋಧಕ ವಿಶ್ಲೇಷಕ, ಉಪ ಅಧ್ಯಕ್ಷ ಜತೀನ್ ತ್ರಿವೇದಿ ತಿಳಿಸಿದ್ದಾರೆ.
ಜಾಗತಿಕ ಹಣದುಬ್ಬರ ಹೆಚ್ಚಿರುವಾಗ ಸುರಕ್ಷತಾ ದೃಷ್ಟಿಯಿಂದಾಗಿ ಆರ್ಒಐಗೆ ಸಂಬಂಧಿಸಿದಂತೆ ಚಿನ್ನ ಲಾಭದಾಯಕ. ಬಡ್ಡಿ ಚಕ್ರ ಸರಾಗವಾಗಿದ್ದು, ಮುಂದಿನ ಆರ್ಧಿಕ ವರ್ಷದಲ್ಲಿ ಶೇ 10 ರಿಂದ 15ರಷ್ಟು ಲಾಭವನ್ನು ಚಿನ್ನ ನೀಡಲಿದೆ ಎಂದಿದ್ದಾರೆ.
ಈಗಾಗಲೇ 60 ಸಾವಿರದ ಗಡಿಯಲ್ಲಿರುವ ಚಿನ್ನವು ಮುಂಬರುವ 2024ರ ಆರ್ಥಿಕ ವರ್ಷದಲ್ಲಿ 66 ಸಾವಿರದಿಂದ- 68 ಸಾವಿರ ಗಡಿ ತಲುಪಲಿದೆ. ಅಪಾಯಕಾರಿ ಸ್ವತ್ತುಗಳಲ್ಲಿನ ದುರ್ಬಲ ಮತ್ತು ಅನಿಶ್ಚಿತ ಕಾರ್ಯಕ್ಷಮತೆಯ ಹಿನ್ನೆಲೆಯಲ್ಲಿ ಶೇ 10-15 ಶೇಕಡಾ ಮತ್ತು ಚಿನಿವಾರ ಪೇಟೆಯಲ್ಲಿ ಚಿನ್ನದ ಮೇಲಿನ ಹೂಡಿಕೆಯಿಂದಾಗಿ ಶೇಕಡಾ 15-20 ರಷ್ಟು ಲಾಭ ಮಾಡಬಹುದು ಎಂದು ಅವರು ತಿಳಿಸಿದ್ದಾರೆ.
ಶುಕ್ರವಾರ ಮತ್ತೆ ಬಂಗಾರದ ಬೆಲೆ ಏರಿಕೆ ಕಂಡಿದ್ದು, ಈ ಕುರಿತು ಮಾತನಾಡಿರುವ ಮೊತಿಲಾಲ್ ಒಸ್ವಾಲ್ ಫೈನಾನ್ಷಿಯಲ್ ಸರ್ವಿಸ್ ಕಮಾಡಿಟಿ ರಿಸರ್ಚ್, ಹಿರಿಯ ಉಪ ಅಧ್ಯಕ್ಷ ನವನೀತ್ ದಮನಿ, ಡಾಲರ್ ಸ್ಥಿರವಾಗಿರುವ ಹಿನ್ನೆಲೆ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ಶೇಕಡಾ 1 ಕ್ಕಿಂತ ಹೆಚ್ಚು ಲಾಭ ಗಳಿಸಿದೆ. ದೇಶೀಯ ವಾಹಿವಾಟಿನ ಬೆಲೆಗಳು ರೂ 59,500-60,300 ವ್ಯಾಪ್ತಿಯನ್ನು ಇದು ಹೊಂದಿದೆ ಎಂದಿದ್ದಾರೆ.
ಅಮೆರಿಕದ ಮ್ಯಾಕ್ರೋ ಡೇಟಾ ದುರ್ಬಲವಾದ ಬಳಿಕ ಹಿಂದಿನ ಸೆಷನ್ನಲ್ಲಿ ಚಿನ್ನದ ಬೆಲೆಗಳು ಹೆಚ್ಚಾದವು. 2022 ರ ನಾಲ್ಕನೇ ತ್ರೈಮಾಸಿಕದಲ್ಲಿ ಅಮೆರಿಕ ಜಿಡಿಪಿ ಸ್ವಲ್ಪ ಕಡಿಮೆಯಾಗಿದೆ. 2.7 ಶೇಕಡಾದಿಂದ 2.6 ಶೇಕಡಾ ಇದೆ. ಈ ತಿಂಗಳಲ್ಲಿ ಕೊಮೆಕ್ಸ್ ಚಿನ್ನ ಶೇ 7ರಷ್ಟು ಪ್ರತಿಶತ ಹೆಚ್ಚಲಿದೆ. ಅಮೆರಿಕದ ಬ್ಯಾಂಕಿಂಗ್ ಪ್ರಕ್ಷುಬ್ಧತೆ ಉದ್ಯಮ ಆರ್ಥಿಕತೆಯು ಆರ್ಥಿಕ ಹಿಂಜರಿತಕ್ಕೆ ಕಾರಣವಾಗಬಹುದು. ಕಾಮೆಕ್ಸ್ ಸ್ಪಾಟ್ ಚಿನ್ನವು ಪ್ರತಿ ಔನ್ಸ್‌ಗೆ 1,955 ಡಾಲರ್ ಬೆಂಬಲ ಮತ್ತು ಪ್ರತಿ ಔನ್ಸ್‌ಗೆ 2,010 ಡಾಲರ್ನಷ್ಟು ಪ್ರತಿರೋಧವನ್ನು ಹೊಂದಿದೆ. ಎಂಸಿಎಕ್ಸ್ ಚಿನ್ನದ ಭವಿಷ್ಯ ಜೂನ್ನಲ್ಲಿ ಪ್ರತಿ 10 ಗ್ರಾಂಗೆ 59,480 ರೂಗಳಲ್ಲಿ ಬೆಂಬಲವನ್ನು ಹೊಂದಿದ್ದು, ಪ್ರತಿ 10 ಗ್ರಾಂಗೆ 60,340 ರೂ.ಗಳಲ್ಲಿ ಪ್ರತಿರೋಧವನ್ನು ಹೊಂದಿದೆ.
ಇದನ್ನೂ ಓದಿ: ವಾಣಿಜ್ಯ ಸಿಲಿಂಡರ್ ದರದಲ್ಲಿ 91 ರೂಪಾಯಿ ಇಳಿಕೆ: ಐದು ತಿಂಗಳ ಬಳಿಕ ಇದೇ ಮೊದಲು ಬೆಲೆ ಕಡಿತ
