ಬೆಂಗಳೂರಿನ ಬೀದಿಗಳಲ್ಲಿ ಸುತ್ತಾಡುತ್ತಿರುವ ಚಾಲಕ ರಹಿತ ಕಾರು.. ನೋಡಿ ದಂಗಾದ ಸ್ಥಳೀಯರು!

ಕರ್ನಾಟಕದ ರಾಜಧಾನಿ ಬೆಂಗಳೂರಿನಲ್ಲಿ ಚಾಲಕ ರಹಿತ ಕಾರೊಂದು ಕಾಣಿಸಿಕೊಂಡಿದೆ. ಇದೀಗ ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಬೆಂಗಳೂರು: ಚಾಲಕ ರಹಿತ ಕಾರೊಂದು ಬೆಂಗಳೂರಿನ ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ. ಕಾರು ಯಾವುದೋ ವೈಜ್ಞಾನಿಕ ಟಿವಿ ಕಾರ್ಯಕ್ರಮದಂತೆ ತೋರುತ್ತಿದೆ. ಹೀಗಾಗಿ ಚಾಲಕ ರಹಿತ ಕಾರು ಕಂಡು ಸ್ಥಳೀಯರು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಚಾಲಕ ರಹಿತ ಕಾರು ರಸ್ತೆಯಲ್ಲಿ ಸಂಚರಿಸುತ್ತಿರುವುದನ್ನು ಕಂಡು ವ್ಯಕ್ತಿಯೊಬ್ಬ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾನೆ. ಈ ವಿಡಿಯೋ ಸಾಕಷ್ಟು ವೈರಲ್ ಆಗಿದೆ. ಆ ಕಾರು ಎಲ್ಲಿಂದ ಬಂತು? ಇದು ಭಾರತೀಯ ಸೈಬರ್ ಟ್ರ್ಯಾಕ್ ಆಗಿದೆಯೇ? ಅಸಲಿ ವಿಷಯ ಏನು ಅಂತ ನೆಟ್ಟಿಗರು ಪ್ರಶ್ನೆಗಳ ಸುರಿಮಳೆಯನ್ನೇ ಹರಿಸಿದ್ದಾರೆ. ಇದರೊಂದಿಗೆ ಕಾರಿನ ವಿಷಯ ಹೊರಬಿದ್ದಿದೆ.

• On the streets of Bengaluru. ⁦@peakbengaluru⁩ pic.twitter.com/VtahXpa6Mh

  — anirudh ravishankar (@anrdh89) July 22, 2023 " class="align-text-top noRightClick twitterSection" data="

  On the streets of Bengaluru. ⁦@peakbengaluru⁩ pic.twitter.com/VtahXpa6Mh

  — anirudh ravishankar (@anrdh89) July 22, 2023

  ">

  On the streets of Bengaluru. ⁦@peakbengaluru⁩ pic.twitter.com/VtahXpa6Mh

  — anirudh ravishankar (@anrdh89) July 22, 2023

ಅಸಲಿ ವಿಷಯವೇನೆಂದರೆ.. ಡ್ರೈವರ್ ಇಲ್ಲದೇ ನಗರದ ರಸ್ತೆಗಳಲ್ಲಿ ಓಡಾಡುತ್ತಿದ್ದ ಕಾರನ್ನು ನೆಟಿಜನ್‌ಗಳು 'zPod' ಎಂದು ಗುರುತಿಸಿದ್ದಾರೆ. ಈ 'zPod' ಬೆಂಗಳೂರು ಮೂಲದ 'ಮೈನಸ್ ಝೀರೋ' ಸ್ಟಾರ್ಟ್‌ಅಪ್‌ನ ಮೆದುಳಿನ ಕೂಸು. ಆದರೆ ಇದು ಭಾರತದ ಮೊದಲ ಸ್ವಾಯತ್ತ ವಾಹನವಾಗಿದೆ. ಇದು ಕೃತಕ ಬುದ್ಧಿಮತ್ತೆಯಲ್ಲಿ (AI) ಕಾರ್ಯನಿರ್ವಹಿಸುತ್ತದೆ. ಈ ವಾಹನ ಈಗಾಗಲೇ ಎರಡು ಬಾರಿ ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ ಎಂದು ಬೆಂಗಳೂರು ನಿವಾಸಿಗಳು ತಿಳಿಸಿದ್ದಾರೆ. ಆದರೆ, ಪರೀಕ್ಷೆಯ ಭಾಗವಾಗಿ ಕಾರು ರಸ್ತೆಗಳಲ್ಲಿ ಕಾಣಿಸಿಕೊಂಡಿದೆ ಎಂದು ತೋರುತ್ತದೆ.

ಕಾರಿನ ಬಗ್ಗೆ ಹೇಳುವುದಾದರೆ... ಈ zPod ವಾಹನವು ನಾಲ್ಕು ಆಸನಗಳನ್ನು ಹೊಂದಿದೆ. ಸಾಮಾನ್ಯ ಕಾರಿನಲ್ಲಿರುವಂತೆ ಇದರಲ್ಲಿ ಸ್ಟೀರಿಂಗ್ ವೀಲ್ ಮತ್ತು ಡ್ಯಾಶ್ ಬೋರ್ಡ್ ಇರುವುದಿಲ್ಲ. ಟ್ರಾಫಿಕ್ ಸಮಸ್ಯೆ ಮತ್ತು ರಸ್ತೆ ಅಪಘಾತಗಳನ್ನು ಕಡಿಮೆ ಮಾಡುವ ಭಾಗವಾಗಿ ಇದನ್ನು ತರಲಾಗಿದೆ ಎಂದು ಮೈನಸ್ ಝೀರೋ ಕಂಪನಿ ಹೇಳಿದೆ.

ಈ ಕಾರು ಅಪಾಯಕಾರಿ ತಿರುವುಗಳು ಮತ್ತು ಯು - ಟರ್ನ್‌ಗಳಿರುವ ಪ್ರದೇಶಗಳಲ್ಲಿ ಪ್ರಯಾಣಿಸುವ ಬದಲು, ಬೇರೆ ಮಾರ್ಗವನ್ನು ಆರಿಸಿಕೊಂಡು. ಆ ಮಾರ್ಗದಲ್ಲಿ ಪ್ರಯಾಣಿಸುತ್ತದೆ. ಆದರೆ, ಟ್ರಾಫಿಕ್ ರಸ್ತೆಯ ಪರಿಸ್ಥಿತಿಗಳನ್ನು ಮೇಲ್ವಿಚಾರಣೆ ಮಾಡಲು AI ಮತ್ತು ಕ್ಯಾಮರಾಗಳನ್ನು ಅವಲಂಬಿಸಿದೆ. ಈ ಕಾರಿನಲ್ಲಿ ಒಟ್ಟು 6 ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆ. ಇವುಗಳ ಸಹಾಯದಿಂದ ಸುತ್ತಮುತ್ತಲಿನ ಪರಿಸ್ಥಿತಿಗಳನ್ನು ನಿರಂತರವಾಗಿ ನಿರ್ಣಯಿಸಲಾಗುತ್ತದೆ ಮತ್ತು ಅಪಾಯ ಪತ್ತೆಯಾದರೆ ವಾಹನವು ತಕ್ಷಣವೇ ನಿಲ್ಲುತ್ತದೆ.

ಓದಿ: AI technology: ಡ್ರೈವರ್​ ಇಲ್ಲ, ಸ್ಟೇರಿಂಗೂ ಇಲ್ಲ.. ಬೆಂಗಳೂರಿನಲ್ಲಿ ಸ್ಟಾರ್ಟ್‌ಅಪ್ ಮೈನಸ್ ಝೀರೋದಿಂದ ಚಾಲಕ ರಹಿತ ವಾಹನ 'ಝಡ್‌ಪಾಡ್' ಅಭಿವೃದ್ಧಿ

ಬೆಂಗಳೂರು: ಸಿಲಿಕಾನ್ ಸಿಟಿ ಮೂಲದ ಸ್ಟಾರ್ಟ್‌ಅಪ್ ಮೈನಸ್ ಝೀರೋದಿಂದ ಚಾಲಕ ರಹಿತ ವಾಹನ 'ಝಡ್‌ಪಾಡ್' ಅಭಿವೃದ್ಧಿ ಪಡಿಸಲಾಗಿದ್ದು, ಡ್ರೈವರ್, ಸ್ಟೇರಿಂಗ್, ಮಷಿನ್ ಲರ್ನಿಂಗ್ ಅಗತ್ಯವಿಲ್ಲದೆ ಮತ್ತು 6 ಕ್ಯಾಮರಾಗಳೊಂದಿಗೆ ಇದನ್ನು ವಿನ್ಯಾಸಗೊಳಿಸಲಾಗಿದೆ. ಜಾಗತಿಕವಾಗಿ ತೋರಿಸಿರುವ ಕೆಲವು ಸ್ವಯಂಚಾಲಿತ ವಾಹನಗಳಂತೆ ಟೋಸ್ಟರ್‌ ಆಕಾರದಲ್ಲಿರುವ ಝಡ್‌ಪಾಡ್ ಸ್ವಯಂಚಾಲಿತ ಕಾರು ತನ್ನ ಕ್ಯಾಮೆರಾ- ಸೆನ್ಸಾರ್ ಸೂಟ್‌ ಮೂಲಕ ಎಲ್ಲ ರೀತಿಯ ಪರಿಸ್ಥಿತಿಗಳು ಮತ್ತು ಹವಾಮಾನ ಇದ್ದಾಗಲೂ ಚಾಲನೆ ಮಾಡಿಕೊಂಡು ಹೋಗುವ ಸಾಮರ್ಥ್ಯ ಹೊಂದಿದೆ.

ಸ್ಟೇರಿಂಗ್ ಚಕ್ರ ಇಲ್ಲದೇ ಇರುವುದೇ ಈ ವಾಹನದ ವೈಶಿಷ್ಟ್ಯ. ಟ್ರಾಫಿಕ್ ಸೇರಿ ಡ್ರೈವಿಂಗ್ ಪರಿಸ್ಥಿತಿಗಳನ್ನು ವಿಶ್ಲೇಷಿಸಲು ಆಯಕಟ್ಟಿನ ಜಾಗದಲ್ಲಿ ಇರಿಸಲಾಗಿರುವ ಹೈ ರೆಸಲ್ಯೂಶನ್ ಕ್ಯಾಮೆರಾಗಳ ಸರಣಿಯನ್ನು ಬಳಸುತ್ತದೆ.