ಹೈದರಾಬಾದ್: ಈಗಾಗಲೇ ತೆಗೆದುಕೊಂಡಿರುವ ಸಾಲದ ಅವಧಿಯನ್ನು ಬದಲಾಯಿಸಲು ಸಾಧ್ಯವಿಲ್ಲ ಎಂದು ನಮ್ಮಲ್ಲಿ ಹಲವರು ಭಾವಿಸಿದ್ದಾರೆ. ಆದ್ರೆ ನಮ್ಮ ಮರುಪಾವತಿ ನಿಯಮಿತವಾಗಿದ್ದರೆ, ಸಾಲದ ಅವಧಿಯನ್ನು ಕಡಿಮೆ ಮಾಡುವಂತೆ ನಾವು ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಗಳನ್ನು ಕೇಳಿಕೊಳ್ಳಬಹುದಾಗಿದೆ.
EMI ನಲ್ಲಿ ಹೆಚ್ಚುವರಿ ಹೆಚ್ಚಳ ಮಾಡಿ: ಒಮ್ಮೆ ಸಾಲದ ಅವಧಿ ಕಡಿಮೆಯಾದರೆ, ಆಗ EMI ಹೆಚ್ಚಾಗುತ್ತದೆ. ಇದು ಕಟ್ಟುವ ಲೋನ್‌ ಬೇಗ ಮುಗಿಯಲು ಕಾರಣವಾಗುತ್ತದೆ. ನಿಮಗೆ ಹಣಕಾಸಿನ ತೊಂದರೆ ಇಲ್ಲದಿದ್ದರೆ, ನೀವು EMI ನಲ್ಲಿ ಹೆಚ್ಚುವರಿ ಹೆಚ್ಚಳವನ್ನು ಕೇಳಬಹುದಾಗಿದೆ.
ಬೋನಸ್ ಅನ್ನು ಸಾಲಕ್ಕೆ ಉಪಯೋಗಿಸಿ: ಅಲ್ಲದೇ ನಮ್ಮ ಸಾಲವನ್ನು ಕಡಿಮೆ ಮಾಡಿಕೊಳ್ಳಲು ನಾವು ಹೆಚ್ಚು ಹಣವನ್ನು ಕಟ್ಟಬಹುದಾಗಿದೆ. ಬಡ್ಡಿ ಹೊರೆ ದೊಡ್ಡ ಪ್ರಮಾಣದಲ್ಲಿ ಇಳಿಸಲು ಇದು ಒಂದು ಮಾರ್ಗವಾಗಿದೆ. ನಾವು ಪ್ರತಿ ವರ್ಷವೂ ಒಂದು ಅಥವಾ ಎರಡು EMI ಗಳನ್ನು ಹೆಚ್ಚುವರಿಯಾಗಿ ಪಾವತಿಸಬಹುದು. ಬೋನಸ್ ಮತ್ತು ಹೆಚ್ಚುವರಿಯಂತಹ ಅನಿರೀಕ್ಷಿತ ಹಣವನ್ನು ಈ ಉದ್ದೇಶಕ್ಕಾಗಿ ಬಳಸಬಹುದು. ನಾವು ಭಾಗಶಃ ಮರುಪಾವತಿ ಮಾಡಿದಾಗ ಕೆಲವು ಸಂಸ್ಥೆಗಳು ನಿರ್ದಿಷ್ಟ ಶುಲ್ಕವನ್ನು ಸಂಗ್ರಹಿಸುತ್ತವೆ. ಆದಾಗ್ಯೂ, ಗೃಹ ಸಾಲಗಳ ಮೇಲೆ ಬ್ಯಾಂಕ್ಗಳು ಅಂತಹ ಯಾವುದೇ ಶುಲ್ಕವನ್ನು ಸಂಗ್ರಹಿಸುವುದಿಲ್ಲ.
ಸಾಲವನ್ನು ಮತ್ತೊಂದು ಬ್ಯಾಂಕ್‌ಗೆ ವರ್ಗಾಯಿಸಿ: ಅವಕಾಶವಿದ್ದರೆ, ಕಡಿಮೆ ಬಡ್ಡಿ ಸಾಲವನ್ನು ನೀಡುವ ಇನ್ನೊಂದು ಬ್ಯಾಂಕ್‌ಗೆ ನಾವು ಸಾಲ ವರ್ಗಾಯಿಸಬೇಕು. ಬಡ್ಡಿದರದಲ್ಲಿ ಕನಿಷ್ಠ 0.75 ರಿಂದ 1 ಪ್ರತಿಶತ ವ್ಯತ್ಯಾಸವಿದ್ದಾಗ ಮಾತ್ರ ಇದನ್ನು ಪರಿಗಣಿಸಬೇಕು. ಸಾಲವನ್ನು ಮತ್ತೊಂದು ಬ್ಯಾಂಕ್‌ಗೆ ಬದಲಾಯಿಸುವ ಮೊದಲು ವೆಚ್ಚಗಳು ಮತ್ತು ಪ್ರಯೋಜನಗಳನ್ನು ಎಚ್ಚರಿಕೆಯಿಂದ ತಿಳಿದುಕೊಳ್ಳಿ. ಗೃಹ ಸಾಲಗಳು ದೀರ್ಘಾವಧಿಯದ್ದಾಗಿರುವುದರಿಂದ, ಬಡ್ಡಿಯಲ್ಲಿನ ಸಣ್ಣ ವ್ಯತ್ಯಾಸವೂ ಹೆಚ್ಚಿನ ಹೆಚ್ಚುವರಿಗೆ ಕಾರಣವಾಗುತ್ತದೆ.
ಇದನ್ನೂ ಓದಿ: ಆರ್ಬಿಐ ರೆಪೊ ದರ ಹೆಚ್ಚಳ: ಸಾಲ ಹಾಗೂ ಎಫ್ಡಿ ಬಡ್ಡಿಯೂ ಏರಿಕೆ
ಹೆಚ್ಚಿನ ಬಡ್ಡಿ ದರದ ಸಾಲಗಳಿಂದ ದೂರವಿರಿ: ಹೆಚ್ಚಿನ ಕ್ರೆಡಿಟ್ ಸ್ಕೋರ್ ಹೊಂದಿರುವವರಿಗೆ ಬಡ್ಡಿದರದಲ್ಲಿ ವಿನಾಯಿತಿ ಇರುತ್ತದೆ. ನಿಮ್ಮ ಹೆಚ್ಚಿದ ಕ್ರೆಡಿಟ್ ಸ್ಕೋರ್ ಕುರಿತು ನಿಮ್ಮ ಬ್ಯಾಂಕ್‌ಗೆ ನೀವು ತಿಳಿಸಬೇಕು. ನೀವು ಯಾವುದೇ ರಿಯಾಯಿತಿಗೆ ಅರ್ಹರಾಗಿದ್ದೀರಾ ಎಂಬುದನ್ನು ಕಂಡುಕೊಳ್ಳಿ. ಹೆಚ್ಚಿನ ಬಡ್ಡಿ ದರಗಳನ್ನು ವಿಧಿಸುವ ಸಾಲಗಳಿಂದ ದೂರವಿರಿ.
ದೊಡ್ಡ ಮೊತ್ತದ ಸಾಲ ಮರುಪಾವರಿ ಮಾಡಿ: ಅಂತಹ ಸಾಲಗಳನ್ನು ಈಗಾಗಲೇ ತೆಗೆದುಕೊಳ್ಳಲಾಗಿದ್ದರೂ, ಅವುಗಳನ್ನು ಸಾಧ್ಯವಾದಷ್ಟು ಬೇಗ ಕಟ್ಟಿ. ಚಿಕ್ಕ ಸಾಲಗಳು ಅಧಿಕವಾಗಿದ್ದರೆ ಮರುಪಾವತಿ ಮಾಡುವುದು ಕಷ್ಟ. ಅವುಗಳ ಬದಲಿಗೆ, ದೊಡ್ಡ ಸಾಲವನ್ನು ಮರುಪಾವತಿ ಮಾಡುವುದು ಸುಲಭ. ಹೊಸ ಸಾಲವನ್ನು ತೆಗೆದುಕೊಳ್ಳುವ ಮೊದಲು, ಬಡ್ಡಿದರಗಳ ಹೆಚ್ಚಳದಿಂದಾಗಿ ಭವಿಷ್ಯದ ಆರ್ಥಿಕ ಹೊರೆಯ ಬಗ್ಗೆ ಯೋಚಿಸಿ. ಆಗ ಮಾತ್ರ, ನಾವು ತೆಗೆದುಕೊಳ್ಳಬಹುದಾದ ಒಟ್ಟು ಸಾಲದ ಮೊತ್ತವನ್ನು ನಿರ್ಧರಿಸಬಹುದಾಗಿದೆ.
ಭಾರತೀಯ ರಿಸರ್ವ್ ಬ್ಯಾಂಕ್ ಬಡ್ಡಿದರಗಳನ್ನು ಹೆಚ್ಚಿಸಿರುವ ಪರಿಣಾಮ ಬ್ಯಾಂಕ್ ಸ್ಥಿರ ಠೇವಣಿಗಳ ಮೇಲೂ ಆಗಲಿದೆ. ತಮ್ಮ ಸಾಲಗಳ ಬಡ್ಡಿದರಗಳನ್ನು ಹೆಚ್ಚಿಸುವುದರ ಜೊತೆಗೆ, ಬ್ಯಾಂಕುಗಳು ಎಫ್ಡಿ ಗಳ ಬಡ್ಡಿದರಗಳನ್ನು ಸಹ ಹೆಚ್ಚಿಸುತ್ತವೆ. ರಿಸರ್ವ್ ಬ್ಯಾಂಕ್ ಆಗಸ್ಟ್‌ನಲ್ಲಿ ರೆಪೊ ದರವನ್ನು ಹೆಚ್ಚಿಸಿದ ನಂತರ ಬಹುತೇಕ ಎಲ್ಲ ಬ್ಯಾಂಕ್ಗಳು ತಮ್ಮ ಎಫ್ಡಿ ಬಡ್ಡಿದರಗಳನ್ನು ಹೆಚ್ಚಿಸಿವೆ. ಈಗ ಮತ್ತೊಮ್ಮೆ ರೆಪೋ ದರ ಹೆಚ್ಚಳದಿಂದ ಎಫ್ಡಿ ಬಡ್ಡಿ ದರಗಳು ಮತ್ತಷ್ಟು ಹೆಚ್ಚಾಗಲಿವೆ.
