ಕಿಚಡಿ... ಎಂದಾಕ್ಷಣ ಅದೊಂದು ಬಗೆಯ ಆಹಾರ ಎಂಬುದು ನಮ್ಮ ಕಲ್ಪನೆ. ಆದರೆ, ಇದು ಅಭಾ ವಿಷಯದಲ್ಲಿ ಅಲ್ಲ. ಕಾರಣ ಅಭಾಗೆ ಕಿಚಡಿ ಎಂದರೆ ನೆನಪು ಮತ್ತು ಸ್ನೇಹಿತರು. ಇದೇ ಕಾರಣಕ್ಕೆ ಈಕೆ ಈ ಕಿಚಡಿಯಲ್ಲಿ ಪ್ರಯೋಗಕ್ಕೆ ಇಳಿದರು. ಇದರ ರುಚಿಯನ್ನು ಮತ್ತಷ್ಟು ಹೆಚ್ಚಿಸಿ ಎಲ್ಲರಿಂದ ಮೆಚ್ಚುಗೆ ಪಡೆದರು. ಇದೀಗ ಇದೇ ಕಿಚಡಿ ಉದ್ಯಮದಿಂದ ಮಲ್ಟಿ ಮಿಲಿನಿಯೇರ್ ಉದ್ಯಮಿಯಾಗಿ ಬೆಳೆದಿದ್ದಾರೆ. ದೇಶಿಯ ಜೊತೆಗೆ ವಿದೇಶಿ ರುಚಿಯನ್ನು ಬೆರಸಿರುವ ಇವರ ಕಥೆ ಎಲ್ಲರಿಗೂ ಸ್ಪೂರ್ತಿ ನೀಡುವುದು ಸುಳ್ಳಲ್ಲ.
ತಾಯಿಯ ಕೈ ರುಚಿಯ ಮ್ಯಾಜಿಂಗ್ಗೆ ಮೌಲ್ಯ ಕಟ್ಟಲು ಸಾಧ್ಯವಿಲ್ಲ. ಇಂತಹ ರುಚಿಯನ್ನು ಜೋಪಾನ ಮಾಡುವ ಪ್ರಯತ್ನವನ್ನು ಅಭಾ ಸಿಂಗಲ್ ಮಾಡಿದ್ದಾರೆ. ಮುಂಬೈ ಮೂಲದ ಇವರು 12 ವರ್ಷಗಳ ಕಾಲ ಪೋಷಕರಿಂದ ದೂರಾಗಿ ಹಾಸ್ಟೆಲ್ ಮತ್ತು ಬೋರ್ಡಿಂಗ್ ಶಾಲೆಯಲ್ಲಿ ಕಲಿತರು. ಈ ವೇಳೆ ಹಣಕಾಸಿನ ಮುಗಟ್ಟನ್ನು ಕಂಡ ಇವರು ಮುಂದಿನ ವಿದ್ಯಾಭ್ಯಾಸಕ್ಕೆ ಸ್ಕಾಲರ್ಶಿಪ್ ಪಡೆದರು.
ಹೊಟ್ಟೆ ಪಾಡಿಗೆ ಕಂಡು ಕೊಂಡ ಪ್ರಯೋಗ: ಲಂಡನ್ನಲ್ಲಿ ಎಂಬಿಎ ಮಾಡುವಾಗ ತಮ್ಮ ಖರ್ಚಿಗೆ ಪಾರ್ಟ್ ಟೈಮ್ ಕೆಲಸವನ್ನು ಮಾಡುವ ಮೂಲಕ ತಮ್ಮ ಹಣಕಾಸಿನ ಹೊರೆ ಕಡಿಮೆ ಮಾಡಿಕೊಳ್ಳಲು ಮುಂದಾದರು. ಈ ವೇಳೆ, ತಾವೇ ಅಡುಗೆ ಮಾಡಲು ಮುಂದಾದರು. ಈ ವೇಳೆ ತಕ್ಷಣಕ್ಕೆ ತಮ್ಮಿಷ್ಟದ ಅಡುಗೆ ಮಾಡಬೇಕು ಎಂದಾಗ ಅವರಿಗೆ ನೆನಪಾಗುತ್ತಿದ್ದದ್ದು, ಕಿಚಡಿ. ಪ್ರತಿನಿತ್ಯ ಒಂದೇ ಬಗೆ ಕಿಚಡಿ ತಿನ್ನಲೂ ಆಗದೇ ಕಿಚಡಿಯಲ್ಲಿ ಅನೇಕ ಪ್ರಯೋಗವನ್ನು ನಡೆಸಿದರು. ಇದರಿಂದ ಕಿಚಡಿಯಲ್ಲಿ ಮಾಸ್ಟರ್ ಕೂಡ ಆದೆ ಎನ್ನುತ್ತಾರೆ ಅಭಾ
ಎಂಬಿಎ ಮುಗಿಸಿ ಮನೆಗೆ ಬಂದ ಅಭಾಗೆ ಕುಟುಂಬ ಮದುವೆ ಪ್ರಸ್ತಾಪವನ್ನು ಇರಿಸಿತು. ಈ ವೇಳೆ ಇದನ್ನು ತಿರಸ್ಕರಿಸಿದ ಆಕೆ ತಮ್ಮ ವೃತ್ತಿಯನ್ನು ಬದಲಾಯಿಸುವತ್ತ ಚಿಂತಿಸಿದರು. ಕುಟುಂಬದ ಮದುವೆ ಒತ್ತಡದ ಹಿನ್ನಲೆ ಮನೆಯನ್ನು ತೊರೆದರು. ಈ ವೇಳೆ, ಅವರ ಜೊತೆಗೆ ಇದ್ದದ್ದು, ನಾಲ್ಕು ಬಟ್ಟೆ ಮತ್ತು 5 ಸಾವಿರ ರೂ ಹಣ ಮಾತ್ರ. ಸ್ನೇಹಿತೆ ಜೊತೆಗೆ ಬಾಡಿಗೆ ರೂಂ ಹಂಚಿಕೊಂಡ ಅಭಾ ಕೆಲಸ ಗಿಟ್ಟಿಸುವಲ್ಲಿ ಸುಸ್ತಾದರು. ಈ ವೇಳೆ ಕೆಲವು ಕಾಲ ಮಾರ್ಕೆಟಿಂಗ್ ವೃತ್ತಿಯನ್ನು ನಿರ್ವಹಿಸಿದರು. ಜೀವನ ಹೀಗೆ ಸಾಗುತ್ತಿದ್ದಾಗ ಒಮ್ಮೆ ಅಚಾನಕ್ ಆಗಿ ಜಾಹೀರಾತು ನಿರ್ದೇಶಕರನ್ನು ಭೇಟಿಯಾದರು. ಮಾಡೆಲಿಂಗ್ಗೆ ಹೊಸವರಾದರೂ ಅದರಲ್ಲೂ ಒಂದು ಚಾನ್ಸ್ ನೋಡಿದರು. ಮಾಡೆಲಿಂಗ್ ವೃತ್ತಿಯಿಂದ ದಿನಕ್ಕೆ 40 ಸಾವಿರ ಗಳಿಸಲು ಆರಂಭಿಸಿದರು. ಮಾಡೆಲಿಂಗ್ ಜೊತೆಯಲ್ಲಿಯೇ ಕ್ಯಾಡ್ಬರಿ, ಸ್ಯಾಮ್ಸಂಗ್ನಂತಹ ಅನೇಕ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಕಂಪನಿಗಳಲ್ಲಿ ಕೆಲಸ ನಿರ್ವಹಿಸಿದರು.
ಆ ಮಾತೇ ಉದ್ದಿಮೆಗೆ ಸ್ಪೂರ್ತಿ: ಉತ್ತಮ ಗಳಿಕೆ ಜೊತೆಗೆ ಪ್ರಶಂಸೆಯನ್ನು ಪಡೆಯುತ್ತಿದ್ದ ಅಭಾ ತಾನು ಇಷ್ಟ ಪಟ್ಟವರನ್ನು ಮದುವೆ ಕೂಡ ಆದರು. ಆದರೂ ಅವರ ಒಳಗೊಂದು ತುಡಿತ ಸದಾ ಕಾಡುತ್ತಲೇ ಇತ್ತು. ಒಂದು ದಿನ ಊಟವಾದ ಬಳಿಕ ಗಂಡ ನಿನ್ನ ಕಿಚಡಿ ಕೈ ರುಚಿ ಮತ್ತೆಲ್ಲೂ ಸಿಗದು ಎಂಬ ಮೆಚ್ಚುಗೆ ವ್ಯಕ್ತಪಡಿಸಿದರು.
ಇದೇ ಮಾತು ಅವರು ಉದ್ಯಮಕ್ಕೆ ಹೊಸ ಆಲೋಚನೆ ಒದಗಿಸಿತು. ನಾನು ಒಬ್ಬಂಟಿಯಾಗಿದ್ದಾಗ ಸದಾ ನನಗೆ ಜೊತೆಯಾಗಿದ್ದು, ಇದೇ ಕಿಚಡಿ ಎಂದು ಸ್ಮರಿಸಿದರು. ಇದರ ಬಗ್ಗೆ ಕೊಂಚ ಅಧ್ಯಯನ ನಡೆಸಿ ಹೈದರಾಬಾದ್ನಲ್ಲಿ 3 ಲಕ್ಷ ರೂ ವೆಚ್ಚದಲ್ಲಿ 2019ರಲ್ಲಿ ಕಿಚಡಿ ಎಕ್ಸ್ಪ್ರೆಸ್ ಎಂಬ ಉದ್ದಿಮೆಗೆ ಕೈ ಹಾಕಿದರು.
ಮತ್ತೊಬ್ಬ ಸಹಾಯಕರ ಜೊತೆಯಲ್ಲಿ ಆರಂಭವಾದ ಈ ಉದ್ಯಮ ನಾಲ್ಕೇ ವರ್ಷದಲ್ಲಿ 50 ಕೋಟಿ ರೂ. ಲಾಭಗಳಿಸಿತು. ಮುಂಬೈಗೆ ಹೋಲಿಕೆ ಮಾಡಿದಾಗ ಹೈದರಾಬಾದ್ನಲ್ಲಿ ಬಾಡಿಗೆ ಕಡಿಮೆ ವೆಚ್ಚದಾಯಕವಾಗಿದೆ. ಅನೇಕ ಮಂದಿ ಕಿಚಡಿ ಎಂದರೆ ಅದು ರೋಗಿಗಳ ಊಟ ಆಹಾರ ಪ್ರಿಯರ ಊಟವಲ್ಲ ಎಂದು ಹರಿದರು. ಆದರೆ, ನಾನು ಮಾತ್ರ ಈ ಬಗ್ಗೆ ಅನುಮಾನ ವ್ಯಕ್ತಪಡಿಸದೇ ಈ ಉದ್ದಿಮೆ ಲಾಭ ನಷ್ಟ ಎದುರಿಸಲು ಸಜ್ಜಾದೆ ಎನ್ನುತ್ತಾರೆ ಅಭಾ.
ಛಲ ಬಿಡಬೇಡಿ: ಇದರಲ್ಲಿನ ಜೀರಿಗೆ, ಹಸಿರು ತರಕಾರಿಗಳು ಆಹಾರೋಗ್ಯಕ್ಕೆ ಉತ್ತಮವಾಗಿದ್ದು, ಇದರಲ್ಲಿ ಯಶಸ್ಸು ಸಾಧಿಸುವ ಧೈರ್ಯದಿಂದ ಮುನ್ನುಗಿದೆ. ಮೊದಲಿಗೆ ಆನ್ಲೈನ್ ಫುಡ್ ಡೆಲಿವರಿಗಳ ಜೊತೆಗೆ ಒಪ್ಪಂದ ಮಾಡಿಕೊಂಡೆ. ಆರಂಭದಲ್ಲಿ ಆಸ್ಪತ್ರೆ ಮತ್ತು ರೋಗಿಗಳಿಂದ ಆರ್ಡರ್ ಬಂದಿತು. ಇದು ಅವರ ಹೊಟ್ಟೆ ತುಂಬಿಸಿ, ನಾಲಿಗೆ ರುಚಿ ತಣಿಸಿತು. ಇದೇ ಉತ್ಸಾಹದಿಂದ ಮತ್ತಷ್ಟು ಪ್ರಯೋಗ ನಡೆಸಿದೆ. ಬಳಿಕ ಮತ್ತೊಂದು ಬ್ರಾಂಚ್ ತೆರೆದೆ. ಸದ್ಯ ಮುಂಬೈ ಮತ್ತು ಹೈದರಾಬಾದ್ನಲ್ಲಿ ಎಂಟು ಬ್ರಾಂಚ್ಗಳಿವೆ. ಇದನ್ನು ದೇಶದೆಲ್ಲೆಡೆ ವಿಸ್ತರಿಸಲು ಮುಂದಾಗಿದ್ದೇನೆ ಎನ್ನುವ ಅವರ ಮಾತಿನಲ್ಲಿನ ಗೆಲುವಿನ ನಗೆ ಕಾಣಿಸಿತು
ಯಾವುದೇ ಕೆಲಸ ಸುಲಭವಲ್ಲ. ಅಲ್ಲಿ ನಿರಂತರ ಪ್ರಯೋಗ ಆಗಬೇಕು. ಆದರೆ ಕೆಲವೊಮ್ಮೆ ಬೀಳುತ್ತಿರಿ. ಯಾವುದೇ ಕೆಲಸವನ್ನು ಪ್ರಾರಂಭಿಸುವಾಗ ಪ್ಲಾನ್ ಬಿ ಅನ್ನು ಹೊಂದಿರಬೇಡಿ. ಸೋಲನ್ನು ಎದುರಿಸುತ್ತೇನೆ ಎಂಬ ಛಲದಿಂದ ಮುಂದುವರೆಯಿರಿ. ನಿಮಗೆ ಇಷ್ಟವಾದದನ್ನು ಮಾಡಿ. ತಾಳ್ಮೆ ಮತ್ತು ಸವಾಲುಗಳಿಂದ ನೀವು ಯಶಸ್ಸು ಸಾಧಿಸಲು ಸಾಧ್ಯ ಎನ್ನುತ್ತಾರೆ ಕಿಚಡಿ ರಾಣಿ ಅಭಾ.
ಇದನ್ನೂ ಓದಿ: ಸಮುದ್ರದ ಅಲೆಗಳ ಎದುರು ಧೈರ್ಯವಾಗಿ ಮುನ್ನುಗುವ ದಿಟ್ಟೆ ಈಕೆ: ಹೈದರಾಬಾದ್ ಯುವತಿಯ ಸ್ಪೂರ್ತಿ ಕಥೆ ಇದು
