ಕೋಯಿಕ್ಕೋಡ್: ಪಂಜಾಬ್ ನ್ಯಾಷನಲ್ ಬ್ಯಾಂಕ್ನಲ್ಲಿದ್ದ ಕೋಯಿಕ್ಕೋಡ್ ಕಾರ್ಪೊರೇಷನ್ನ ಹಲವು ಖಾತೆಗಳ ಮೂಲಕ 12 ಕೋಟಿ ರೂ ವಂಚನೆ ನಡೆಸಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಈ ಪ್ರಕರಣದ ಪ್ರಮುಖ ಆರೋಪಿ ಬ್ಯಾಂಕ್ನ ಮಾಜಿ ಹಿರಿಯ ಮ್ಯಾನೇಜರ್ ಆಗಿದ್ದಾರೆ.
ಪಿಎನ್ಬಿ ಶಾಖೆಯಲ್ಲಿ ಹಲವು ಖಾತೆಗಳಲ್ಲಿ ಇದ್ದ ಭಾರೀ ಮೊತ್ತದ ಹಣ ಕಣ್ಮರೆಯಾಗಿರುವುದನ್ನು ಕಳೆದ ತಿಂಗಳು ಕಾರ್ಪೊರೇಷನ್ ಪತ್ತೆ ಹಚ್ಚಿದೆ. ತಕ್ಷಣಕ್ಕೆ ಈ ಸಂಬಂಧ ಎಫ್ಐಆರ್ ದಾಖಲಿಸಲಾಗಿದ್ದು, 12.68 ಕೋಟಿ ಕಣ್ಮರೆಯಾದ ಹಣದ ಪತ್ತೆ ಪ್ರಕರಣವನ್ನು ಸಿಬಿಐಗೆ ವಹಿಸಲಾಗಿದೆ.
ಪ್ರಾರಂಭದಲ್ಲಿ 15 ಕೋಟಿ ಹಣ ವಂಚನೆ ನಡೆಸಲಾಗಿದೆ ಎಂದು ಕಾರ್ಪೊರೇಷನ್ ನಂಬಿತ್ತು. ಆದರೆ, ತನಿಖೆ ವೇಳೆ ನಡೆಸಿದ ಲೆಕ್ಕಾಚಾರದಲ್ಲಿ, ಬ್ಯಾಂಕ್ ಖಾತೆಯಿಂದ 12.6 ಕೋಟಿ ನಷ್ಟವಾಗಿರುವುದು ತಿಳಿದು ಬಂದಿತು. ಕಾರ್ಪೋರೇಷನ್ ಜೊತೆಯಲ್ಲಿ ಬ್ಯಾಂಕ್ನ ಮಾಜಿ ಮ್ಯಾನೇಜರ್, ಬೇರೋಬ್ಬರ ವೈಯಕ್ತಿಕ ಖಾತೆಯಿಂದ 18 ಲಕ್ಷ ರೂವನ್ನು ಕದ್ದಿದ್ದಾರೆ ಎಂಬುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ.
ಆರೋಪಿಯು ಬ್ಯಾಂಕ್ನ ಖಾತೆಯಲ್ಲಿದ್ದ ಸುಮಾರು 10 ಕೋಟಿ ರೂ ಹಣವನ್ನು ಷೇರು ವ್ಯವಹಾರಕ್ಕೆ ವ್ಯಯಿಸಿದ್ದಾರೆ. ಆದರೆ, ಇದೆಲ್ಲವೂ ನಷ್ಟವಾಗಿದೆ. ಉಳಿದ ಹಣವನ್ನು ಆನ್ಲೈನ್ ರಮ್ಮಿಯಲ್ಲಿ ಕಳೆಯಲಾಗಿದೆ ಎಂಬುದು ತನಿಖೆಯಲ್ಲಿ ಬಯಲಾಗಿದೆ. ಇನ್ನು ಆರೋಪಿ ತಲೆಮರೆಸಿಕೊಂಡಿದ್ದು, ಆತನ ಪತ್ತೆಗೆ ಮುಂದಾಗಲಾಗಿದೆ. ಈ ನಡುವೆ ಆರೋಪಿ ನಿರೀಕ್ಷಣಾ ಜಾಮೀನಿಗೆ ಅರ್ಜಿ ಸಲ್ಲಿಸಿದ್ದಾರೆ ಎಂಬುದು ಬಯಲಾಗಿದೆ ಎಂದರು.
ಇದನ್ನೂ ಓದಿ: ರಾಜ್ಯಾದ್ಯಂತ ಆಸ್ತಿ ನೋಂದಣಿ ಪ್ರಮಾಣ ಜಿಗಿತ.. ತುಂಬುತ್ತಿದೆ ಸರ್ಕಾರದ ಖಜಾನೆ
