ಚೆನ್ನೈ: ಟಿವಿಎಸ್ ಮೋಟಾರ್ ಕಂಪನಿಯು ನೂತನ ಅಪಾಚಿ ಆರ್ಟಿಆರ್ 200 4ವಿ ಬೈಕ್ ಜೊತೆಗೆ ಸ್ಮಾರ್ಟ್ ಕನೆಕ್ಟ್ ಮೊಬೈಲ್ ಅಪ್ಲಿಕೇಷನ್ ತಂತ್ರಜ್ಞಾನದ ಬ್ಲೂಟೂತ್ ಸಂರ್ಪಕ ಕಲ್ಪಿಸಿದೆ.
ಮೋಟಾರ್ ಸೈಕಲ್ ಸಂಪರ್ಕಿತ ಕ್ಲಸ್ಟರ್ ಮತ್ತು ಗೋಲ್ಡ್ ಫಿನಿಶ್ ರೇಸಿಂಗ್ ಸರಪಳಿ ತಂತ್ರಜ್ಞಾನ ಅಳವಡಿಸಲಾಗಿದ್ದು, ಇದರ ಬೆಲೆ ₹ 1,14,345 (ಎಕ್ಸ್ ಶೋರೂಮ್ ದೆಹಲಿ) ನಿಗದಿ ಪಡಿಸಲಾಗಿದೆ. ಡ್ಯುಯಲ್ ಚಾನೆಲ್ ಎಬಿಎಸ್ ಹೊಂದಿರುವ ಕಾರ್ಬ್ಯುರೇಟರ್ನ ಕಪ್ಪು ಮತ್ತು ಬಿಳಿ ಬಣ್ಣಗಳ ಲಭ್ಯವಿದೆ ಎಂದು ಟಿವಿಎಸ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಬ್ಲೂಟೂತ್ ಸಂಪರ್ಕ ಪಡೆಯಲು ಬೈಕ್ದಾರರು ಸ್ಮಾರ್ಟ್ ಕನೆಕ್ಟ್ ಮೊಬೈಲ್ ಅಪ್ಲಿಕೇಷನ್ನ 'ಟಿವಿಎಸ್ ಕನೆಕ್ಟ್ ಆ್ಯಪ್' ಅನ್ನು ಫ್ಲೇಸ್ಟೋರ್ ಮತ್ತು ಐಒಎಸ್ ಸ್ಟೋರ್ನಿಂದ ಡೌನ್ಲೋಡ್ ಮಾಡಿಕೊಳ್ಳಬಹುದು. ಟಿವಿಎಸ್ನ ಅಪಾಚಿ ಬೈಕ್ ತನ್ನ ಎಲ್ಲ ವಿಧದ ಶೈಲಿಗಳಲ್ಲಿ ಅತ್ಯಧಿಕ ಮಾರಾಟ ಆಗುವ ಉತ್ಪನ್ನವಾಗಿದೆ.
ಟಿವಿಎಸ್ ಕನೆಕ್ಟ್ ಆ್ಯಪ್ನ ಬ್ಲೂಟೂತ್ನಿಂದ ಬಳಕೆದಾರ ನ್ಯಾವಿಗೇಷನ್, ರೇಸ್ ಟೆಲಿಮೆಟ್ರಿ, ಟೂರ್ ಮೋಡ್, ಲೀನ್ ಆಂಗಲ್ ಮೋಡ್, ಕ್ರ್ಯಾಶ್ ಅಲರ್ಟ್ ಮತ್ತು ಕಾಲ್/ ಎಸ್ಎಂಎಸ್ ಸೂಚನೆ ಸೇರಿದಂತೆ ಇತರ ಸೇವೆಗಳನ್ನು ಪಡೆಯಬಹುದು.
