ಮುಂಬೈ: ಫೆಬ್ರವರಿ 18ಕ್ಕೆ ಕೊನೆಗೊಂಡ ವಾರದಲ್ಲಿ ಭಾರತದ ವಿದೇಶಿ ವಿನಿಮಯ ಮೀಸಲು $2.762 ಬಿಲಿಯನ್ ಗಳಿಸಿದೆ ಎಂದು ಆರ್‌ಬಿಐನ ಅಂಕಿ ಅಂಶಗಳು ತಿಳಿಸಿವೆ. ಭಾರತೀಯ ರಿಸರ್ವ್ ಬ್ಯಾಂಕ್‌ನ ಫಾರೆಕ್ಸ್ ಮೀಸಲು ಫೆ. 11ಕ್ಕೆ 630.190 ಶತಕೋಟಿ ಡಾಲರ್‌ನಿಂದ 632.952 ಶತಕೋಟಿ ಡಾಲರ್ಗೆ ಏರಿಕೆಯಾಗಿದೆ. ದೇಶದ ವಿದೇಶಿ ವಿನಿಮಯ ಮೀಸಲು ವಿದೇಶಿ ಕರೆನ್ಸಿ ಆಸ್ತಿಗಳು (ಎಫ್‌ಸಿಎ), ಚಿನ್ನದ ನಿಕ್ಷೇಪಗಳು, ಎಸ್‌ಡಿಆರ್‌ಗಳು ಮತ್ತು ಐಎಂಎಫ್‌ನೊಂದಿಗೆ ದೇಶದ ಮೀಸಲು ಸ್ಥಾನವನ್ನು ಒಳಗೊಂಡಿದೆ.
ವಾರದ ಆಧಾರದ ಮೇಲೆ ಫಾರೆಕ್ಸ್ ಮೀಸಲುಗಳ ಅತಿದೊಡ್ಡ ಅಂಶವಾದ ಎಫ್‌ಸಿಎಗಳು 1.496 ಶತಕೋಟಿ ಡಾಲರ್‌ನಿಂದ 567.060 ಶತಕೋಟಿ ಡಾಲರ್ಗೆ ಏರಿವೆ. ಅದೇ ರೀತಿ ದೇಶದ ಚಿನ್ನದ ನಿಕ್ಷೇಪದ ಮೌಲ್ಯ 1.274 ಶತಕೋಟಿ ಡಾಲರ್ ಗಳಿಂದ 41.509 ಶತಕೋಟಿ ಡಾಲರ್ಗೆ ಏರಿಕೆಯಾಗಿದೆ.
ಆದರೆ, ಎಸ್‌ಡಿಆರ್‌ ಮೌಲ್ಯವು 11 ಮಿಲಿಯನ್‌ ಡಾಲರ್‌ನಿಂದ 19.162 ಶತಕೋಟಿ ಡಾಲರ್ಗೆ ಕುಸಿದಿದೆ. ಅಂತಾರಾಷ್ಟ್ರೀಯ ಹಣಕಾಸು ನಿಧಿ(ಐಎಂಎಫ್)ನೊಂದಿಗೆ ದೇಶದ ಮೀಸಲು ಸ್ಥಾನವು 4 ದಶಲಕ್ಷ ಡಾಲರ್‌ನಿಂದ 5.221 ಶತಕೋಟಿ ಡಾಲರ್ಗೆ ಏರಿಕೆಯಾಗಿದೆ.
ಇದನ್ನೂ ಓದಿ: ಮೊಬೈಲ್ ಆಧಾರಿತ ಸಾಲದ ಆ್ಯಪ್‌ ಕ್ಯಾಶ್‌ಬೀನ್ ಪರವಾನಗಿ ರದ್ದು ಮಾಡಿದ ಆರ್‌ಬಿಐ
