ನವದೆಹಲಿ: ಹಬ್ಬದ ಅವಧಿಯಲ್ಲಿ ಕಂಡು ಬರುತ್ತಿರುವ ಬೇಡಿಕೆಯಿಂದಾಗಿ ಚಿನಿವಾರ ಪೇಟೆಯಲ್ಲಿ ಮಂಗಳವಾರದಂದು ಪ್ರತಿ 10 ಗ್ರಾ. ಚಿನ್ನದ ಮೇಲೆ ₹ 330 ಏರಿಕೆಯಾಗಿದೆ. ಈ ಮೂಲಕ ₹ 39,020 ರಲ್ಲಿ ವಹಿವಾಟು ನಡೆಸುತ್ತಿದೆ ಎಂದು ಎಚ್ಡಿಎಫ್ಸಿ ಸೆಕ್ಯೂರಿಟಿಸ್ ತಿಳಿಸಿದೆ.
ಪೇಟೆಯಲ್ಲಿನ ಚಿನ್ನದ ದರ ಏರಿಕೆಯ ಹಾದಿಯನ್ನೇ ಹಿಡಿದ ಬೆಳ್ಳಿ ಕೂಡ ಪ್ರತಿ ಕೆ.ಜಿ ಮೇಲೆ ₹ 730 ಹೆಚ್ಚಳವಾಗಿ 48,720ರಲ್ಲಿ ಖರೀದಿಯಾಗುತ್ತಿದೆ. ಈ ಹಿಂದಿನ ವಹಿವಾಟಿನಂದು ಕೆ.ಜಿ. ಬೆಳ್ಳಿ 47,990ರಲ್ಲಿ ಮಾರಾಟ ಆಗಿತ್ತು.
24 ಕ್ಯಾರೆಟ್ನ ಶುದ್ಧ ಚಿನ್ನವು ಸೋಮವಾರದಂದು ಪ್ರತಿ 10 ಗ್ರಾಂ. ₹ 38,690ರಲ್ಲಿ ಮಾರಾಟ ಆಗುತ್ತಿತ್ತು. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಸಮತಟ್ಟಾಗಿ ವಹಿವಾಟು ನಡೆಸುತ್ತಿದ್ದು, ಹಳದಿ ಲೋಹವು ನ್ಯೂಯಾರ್ಕ್‌ನಲ್ಲಿ ಪ್ರತಿ ಔನ್ಸ್‌ 1,522.60 ಡಾಲರ್ನಷ್ಟಿದೆ.
