ನವದೆಹಲಿ: ಜಾಗತಿಕ ಪ್ರವೃತ್ತಿಯಲ್ಲಿ ದುರ್ಬಲವಾದ ಚಿನ್ನದ ಬೆಲೆಗಳಿಂದಾಗಿ ಸೋಮವಾರದ ವಹಿವಾಟಿನಂದು ರಾಷ್ಟ್ರ ರಾಜಧಾನಿಯಲ್ಲಿ 10 ಗ್ರಾಂ. ಮೇಲೆ 142 ರೂ. ಕುಸಿದು 47,483 ರೂ.ಗೆ ಇಳಿದಿದೆ ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್ ತಿಳಿಸಿದೆ.
ಹಿಂದಿನ ವಹಿವಾಟಿನ ಅಂತ್ಯದಲ್ಲಿ ಅಮೂಲ್ಯ ಲೋಹವು 10 ಗ್ರಾಂ.ಗೆ 47,625 ರೂ. ವಹಿವಾಟು ನಡೆಸಿತ್ತು. ಬೆಳ್ಳಿಯ ಬೆಲೆ ಸಹ ಕೆ.ಜಿ.ಗೆ 58,509 ರೂ.ಗಳಿಂದ 701 ರೂ. ಕ್ಷೀಣಿಸಿ 57,808 ರೂ.ಗೆ ತಲುಪಿದೆ.
ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನವು ಪ್ರತಿ ಔನ್ಸ್‌ಗೆ 1,781.50 ಡಾಲರ್ಗೂ ಕಡಿಮೆ ವಹಿವಾಟು ನಡೆಸುತ್ತಿದ್ದರೆ, ಬೆಳ್ಳಿ ಔನ್ಸ್‌ಗೆ 22.29 ಡಾಲರ್‌ನಲ್ಲಿ ಸಮವಾಗಿದೆ.
ಕೊರೊನಾ ಲಸಿಕೆ ಮೇಲಿನ ಆಶಾವಾದವು ಹೂಡಿಕೆ ಮನೋಭಾವ ಹೆಚ್ಚಿಸಿದ್ದರಿಂದ ಚಿನ್ನದ ಬೆಲೆಗಳ ಕುಸಿತವು ಸೋಮವಾರ ಸಹ ಮುಂದುವರೆದಿದೆ ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್ ಹಿರಿಯ ವಿಶ್ಲೇಷಕ (ಸರಕು) ತಪನ್ ಪಟೇಲ್ ಹೇಳಿದ್ದಾರೆ.
