ನವದೆಹಲಿ: ಸಾಂಪ್ರದಾಯಿಕ ಚಿಲ್ಲರೆ ವ್ಯಾಪಾರಗಳಿಗೆ ಇ - ಕಾಮರ್ಸ್‌ನ ಪ್ರಯೋಜನ ವಿಸ್ತರಿಸುವ ಗುರಿ ಹೊಂದಿರುವ ಫ್ಲಿಪ್ಕಾರ್ಟ್ನ ಇಂಡಿಪೆಂಡೆಂಟ್ ಪ್ಲಾಟ್‌ಫಾರ್ಮ್ 2ಗುಡ್, '2ಗುಡ್ ಲೋಕಲ್' ಯೋಜನೆ ಸೇವೆ ಪ್ರಾರಂಭಿಸಿದೆ.
2ಗುಡ್ ಲೋಕಲ್ ಹೆಸರಿನ ಹೊಸ ಯೋಜನೆಯು ನೂತನ ಸ್ವರೂಪದ ಆಫ್‌ಲೈನ್ ಮಳಿಗೆ, ಬ್ರ್ಯಾಂಡ್‌ ಮತ್ತು ಶಾಪಿಂಗ್ ತಾಣಗಳಿಗೆ ತಂತ್ರಜ್ಞಾನದ ಪ್ರಯೋಜನಗಳನ್ನು ಒದಗಿಸಲಿದೆ. ಚಿಲ್ಲರೆ ಮಾದರಿಯ ಲಕ್ಷಾಂತರ ಸರಕುಗಳನ್ನು ಗ್ರಾಹಕರಿಗೆ ತಲುಪಿಸುವಂತಹ ಅವಕಾಶ ಮಾಡಿಕೊಡಲಿದೆ ಎಂದು ಪ್ರಕಟಣೆಯಲ್ಲಿ ಫ್ಲಿಪ್ಕಾರ್ಟ್ ತಿಳಿಸಿದೆ.
ಸಾಲ ಮಾಡಿ ಪರಾರಿಯಾದ ವಿಜಯ್ ಮಲ್ಯಗೆ ಮತ್ತೆ ಶಾಕ್: ಫ್ರಾನ್ಸ್ನಲ್ಲಿನ ಆಸ್ತಿ ಇಡಿ ವಶಕ್ಕೆ
2ಗುಡ್ ಲೋಕಲ್ ಸ್ಥಳೀಯ ಮಳಿಗೆಗಳು (ಸಿಂಗಲ್ ಬ್ರಾಂಡ್/ ಮಲ್ಟಿ-ಬ್ರಾಂಡ್ ಮಳಿಗೆಗಳು ಮತ್ತು ಇತರ ಶಾಪಿಂಗ್ ಮಾಲ್ಗಳು) ಮತ್ತು ಚಿಲ್ಲರೆ ವ್ಯಾಪಾರಿಗಳು ತಮ್ಮ ಗ್ರಾಹಕರೊಂದಿಗೆ ಡಿಜಿಟಲ್ ಸಾಧನ ಮೂಲಕ ಸಂಪರ್ಕ ಸಾಧಿಸಬಹುದಾಗಿದೆ.
2ಗುಡ್ ಲೋಕಲ್ ಬೆಂಗಳೂರಿನ ಕೆಎಲ್ಎಂ ಫ್ಯಾಶನ್ ಮಾಲ್ನೊಂದಿಗೆ ಪ್ರಾರಂಭವಾಗಿದೆ. 2017ರಲ್ಲಿ ಪ್ರಾರಂಭವಾದ ಕೆಎಲ್ಎಂ ಫ್ಯಾಶನ್ ಮಾಲ್ ಕಳೆದ ಮೂರು ವರ್ಷಗಳಲ್ಲಿ 17 ಶೋರೂಮ್‌ ಸ್ಥಾಪಿಸಿದೆ.
ಆಕರ್ಷಕವಾದ 2ಗುಡ್ ಲೋಕಲ್ ಪ್ಲಾನ್, ತನ್ನ ಪಾಲುದಾರ ಮಳಿಗೆಗಳ ಇತ್ತೀಚಿನ ಉತ್ಪನ್ನಗಳು ಹಾಗೂ ಸಂಗ್ರಹಗಳನ್ನು ಪ್ರದರ್ಶಿಸಲು ಮತ್ತು ಅವುಗಳನ್ನು ಆನ್ಲೈನ್ ಬಳಕೆದಾರರಿಗೆ ನೀಡಲು ಸಾಧ್ಯವಾಗುತ್ತದೆ. 2ಗುಡ್ ಲೋಕಲ್ ಕ್ಯಾಟಲಾಗಿಂಗ್, ಗ್ರಾಹಕ ತೃಪ್ತಿ, ಜಾಹೀರಾತು ಮತ್ತು ಮಾರುಕಟ್ಟೆ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ಸ್ಟೋರ್ಗಳಿಗೆ ನೆರವಾಗಲಿದೆ.
ಮೌಲ್ಯಯುತ ಖರ್ಚು ಮತ್ತು ಪ್ರಯೋಜನವು ಆನ್ಲೈನ್ ಶಾಪಿಂಗ್ನ ಪ್ರಮುಖ ಅಂಶವಾಗಿವೆ. ಈಗಾಗಲೇ ಸ್ಥಳೀಯ ಮಟ್ಟದಲ್ಲಿ ಜನಪ್ರಿಯವಾದ ಬ್ರ್ಯಾಂಡ್‌ಗಳನ್ನು ಮಾರುಕಟ್ಟೆಯಲ್ಲಿ ಮತ್ತಷ್ಟು ಬೇಡಿಕೆ ಸೃಷ್ಟಿಸಲು ಮತ್ತು ಪ್ಯಾನ್ - ಇಂಡಿಯಾ ಮಾರುಕಟ್ಟೆಗೆ ಕೊಂಡೊಯ್ಯಲು 2ಗುಡ್ ಲೋಕಲ್ ಪ್ರಾರಂಭಿಸಿದ್ದೇವೆ ಎಂದು 2ಗುಡ್ ಫ್ಲಿಪ್ಕಾರ್ಟ್ ಮುಖ್ಯಸ್ಥ ಚಾಣಕ್ಯ ಗುಪ್ತಾ ಹೇಳಿದರು.
